Yoona 1:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Mat A̱gwaza ku nwuak Musa wa doka nggu ji. A̱wot shok ji ma̱ng gba̱mgbam tsotswat wu si̱ bai mat Yesu Kristi wa.

Yoona 1:17 Iomraidhean Croise

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 5:45

“Nyi yok nyia̱ a̱di̱dam nyia̱ n na mbat nyin a̱hyiak da̱ a̱vwuo A̱tyia̱ nung ka bah. A̱tyu a̱ na bat nyin a̱hyiak na a̱ni; nggu wa yet Musa. Nggu wa nang nyi mba̱ng fwuo hu.

Yoona 7:19

“Musa wa ku nwuak nyin doka A̱gwaza ji baa? A̱mgba̱m ma̱ng a̱nia, á̱ mbyia̱ a̱tyo nyiung ma̱ nyin a̱ khwi doka A̱gwaza ji a̱ni bah. Yihwa mbyia̱ nyi nchat nyi hyat nung?”

Yoona 8:32

Nyi na lyen a̱chuchuk wu, a̱wot a̱chuchuk wu na tyia̱ nyi yet á̱sa̱t á̱niet.”

Yoona 9:29

Zi̱ lyen nang A̱gwaza ku ndyiat ma̱ng Musa! A̱wot a̱tyu wuni, zi̱ lyen a̱vwuo ka nang gu neet a̱ni bah!”

Nta̱m A̱yaata̱m 28:23

Mat a̱nia, ba̱ si̱ sak jen nang ba̱ na myim ma̱ng Bulut a̱ni. Nang mam hu nkaat a̱ bai a̱ni, a̱niet ma̱ a̱di̱di̱t si̱ bai mi̱ tutu hu nang Bulut nkhwat a̱ni. Bulut si̱ wa̱i mba á̱lyiat. A̱ si̱ tat ba á̱ghyi tazwa Tyok A̱gwaza hu. A̱ si̱ kwan a̱ mwang mba ba̱ bai da̱ a̱vwuo Yesu mami A̱lyiat A̱gwaza nang á̱ lyuut a̱ni. A̱ si̱ fang mba doka Musa ji mbeang á̱lyiat nang a̱yaata̱m a̱kwonu A̱gwaza ba ku lyuut a̱ni. Bulut si̱ lyiat ma̱ng a̱mba neet a̱tsotson si̱ nat jenshyung!

Nta̱m A̱yaata̱m 7:38

Musa ku shya̱ ndung ma̱ng a̱yaatyia̱ a̱khwop nzi̱t ba, ma̱ng á̱kpa á̱niet A̱gwaza ka mi̱ ntswa a̱yit ji, di̱n jen nang a̱ta̱m tswa A̱gwaza wu ku ndyiat ma̱ng a̱nggu da̱ A̱fan Si̱nai ka a̱ni. A̱ja wa Musa ku nsan a̱lyiat nwuat swuan na nang gu tak ma̱ng a̱nzi̱t a̱ni.

A̱romawa 6:14

Nyi yok shim a̱ka̱tuk nyia̱ a̱ nyia̱ tyok tazwa nyin nang a̱tyoli nyin a̱ni bah. Mat, doka Musa ji ni̱ nyia̱ tyok da̱ nyin bah. Da̱ a̱kwonu a̱kya, nyi swan ma̱ sa̱t mbwak tyok shok A̱gwaza ja.

2 A̱korontiyawa 1:20

Mat mun á̱pyia̱ ma̱ng Kristi hwa nang a̱mgba̱m a̱li̱ka̱uli A̱gwaza wu mbai da̱ a̱nu ka, ma̱ng shim “Ii!” A̱wot nang Kristi wa ngyet “Ii,” a̱ yet “Samba̱rka” nzi̱t wu a̱ni. Nggu wa nyeak a̱ nat da̱ a̱vwuo A̱gwaza mat a̱kyenkyai shi nggu wu.

A̱ga̱la̱tiyawa 3:17

Kyang hu nang n fa a̱ji a̱ni, huhwa yet: Doka ji si̱ mi̱n shyak ku ji̱ seang la̱p a̱li̱ka̱uli nang A̱gwaza ku nyia̱ ma̱ng Ibrahim mi̱ ndyia̱ chyi nyaai ma̱ng swak ntat (430) neet nang á̱ ka̱n nwuak Musa doka ji a̱ni bah. Ka̱ A̱gwaza wa nyia̱ a̱nia, si̱ a̱ tyat a̱li̱ka̱uli nang gu nyia̱ ma̱ng Ibrahim a̱ni.

Ibriniyawa 9:22

A̱tsatsak a̱lyiat, ma̱nang doka Musa ji nhyia̱ a̱ni, kuzang kyang myim á̱ jaat hu ma̱ng a̱sok nia. Ka̱nang á̱ koot a̱sok bah, á̱ si̱ mi̱n chi a̱ka̱tuk nyia̱ bah.