Yoona 1:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ A̱mgba̱m nzi̱t, mat a̱gba̱mgbam shok nggu ji ja nang zi̱ nshya̱ nwuo hu ma̱ sa̱t.

Yoona 1:16 Iomraidhean Croise

Matyu 13:12

Á̱niet ba̱ fwuong tyiet nung hu shansham a̱ni, á̱ na mbeang mba lyen hu, a̱wot ba̱ bu lyen gba̱mgbam. A̱wot á̱niet ba̱ lak fwuong tyiet nung hu a̱ni, ku a̱bankyang nang ba̱ fa ba̱ lyen a̱ni, á̱ na san nka á̱ ghwon mbaa.

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Matyu 3:14

Huhwa Yoona si̱ chat lak nyia̱ Yesu ba̱ptisman ji, a̱ si̱ nyia̱, “Nung gwa myim a nyia̱ nung ba̱ptisman ji! A̱wot nwan wa sii wa chobai da̱ a̱vwuo nung a?”

Luka 21:15

Mat nung gwa ma̱ a̱pyia̱ nung na nwuak nyin swáng á̱lyiat ji cha̱chaat ma̱ng tangka̱i mumwang nang á̱niet lak li nyin ba si̱ mi̱n fwuo, a̱wot ba̱ swuo chet hu a̱ni bah.

Yoona 3:34

Mat a̱tyu nang A̱gwaza ku ta̱m a̱ni, a̱ shei a̱lyiat A̱gwaza nia, mat nang A̱gwaza nnwuak gu A̱za̱za̱rak Ntswa nggu wu ma̱ gba̱mgbam a̱mgbam a̱ni.

A̱romawa 5:17

Ma a̱nia wa, jen nang a̱tyo nyiung nang á̱ ngyei A̱da̱mu nnyia̱ a̱ka̱tuk nyia̱ a̱ni, a̱ si̱ tyia̱ a̱khwu si̱ nyia̱ tyok tazwa konyan. A̱mgba̱m ma̱ng a̱nia, ku yet a̱tsatsak a̱lyiat wa á̱ swak, nyia̱ á̱niet ba ba̱ san a̱gba̱ndang shok ma̱ng za̱nang yet á̱tsotswat a̱zaghyi nggu a̱ni, ba̱ na shya̱ swuan swai. Ba̱ nyia̱ tyok tazwa a̱ka̱tuk nyia̱ ma̱ng a̱khwu, mat a̱tyo nyiung wuni, nggu wa yet Yesu Kristi.

A̱romawa 5:2

Mat nang zi̱ nnwuak fwuo da̱ A̱gwaza a̱ni, Kristi si̱ nyia̱ nzi̱t shok. A̱ si̱ nang nzi̱t a̱wat zi̱ shya̱ a̱vwuo yong a̱zaghyi nggu. A̱ja wa nang zi̱ nshya̱ ma̱nini. A̱wot zi̱ ntyia̱ fwuo ma̱ng a̱gwai. Zi̱ nwuan á̱zanson nang zi̱ na nshya̱ shi A̱gwaza hu a̱ni.

A̱romawa 5:20

Kyang ku mbyia̱ á̱ nwuak doka ji a̱ni, huhwa yet; da̱nian a̱mgba̱m á̱niet ba ba̱ ka fi̱k za̱kwa a̱ka̱tuk nyia̱ mba ji. A̱wot ku nang á̱niet ba mban a̱ka̱tuk nyia̱ wu a̱ni, ma a̱nia wa A̱gwaza si̱ mban nyia̱ mba shok ji̱ swak a̱nia a̱ni gba̱mgbam.

A̱romawa 8:9

A̱wot nyin, za̱kwa a̱ka̱tuk nyia̱ ja nyia̱ tyok da̱ nyin bah. A̱za̱za̱rak Ntswa wa nyia̱ tyok hu da̱ nyin; ka̱nang a̱tsak a̱lyiat wa nang A̱za̱za̱rak Tswa A̱gwaza wu shya̱ mi̱ nfwuo nyin na. (A̱wot nyi yok bwung bah, a̱mgba̱m á̱niet nang A̱za̱za̱rak Ntswa Kristi wu nwai shya̱ mi̱ nfwuo mba na a̱ni, ba̱ yet á̱niet khwi Kristi bya bah, ku ma̱ chunchwiit.)

A̱fisawa 1:23

A̱wot á̱niet khwi ba yet vam Kristi hwa; nggu wa ma̱ a̱pyia̱ nggu tyia̱ vam hu nshya̱ cha̱chaat ku si̱ yet a̱jhyem. A̱wot Kristi wa yet a̱kwak a̱son di̱ kuzang kyang, mi̱ kuzang a̱vwuo.

A̱fisawa 3:19

N naai nyi lyen si̱sak nang Kristi nchat zi̱t a̱ni, ku nang chat nggu hu nswuo chet a̱tyubishyi gu fi̱k hu shansham a̱ni. A̱jawa nyi na nshya̱ a̱jhyem za̱kwa A̱gwaza gba̱mgbam, ma̱ng chet ku neet da̱ a̱vwuo nggu a̱ni.

A̱kolosiyawa 1:19

Mat a̱mgba̱m shim A̱gwaza hwa nang gu ntyai a̱mgba̱m za̱kwa nggu ji mami vam Kristi.

A̱kolosiyawa 2:3

Kristi byia̱ chet a̱ nang nyin mumwang, a̱ bu tyai nyin lyen nkyang hu, nyi ka fi̱k A̱lyiat A̱gwaza na na̱ yet a̱tan nang zwá a̱ni.

1 Bitut 1:11

Nang A̱za̱za̱rak Ntswa a̱ bu yet a̱si̱ Kristi wu ntyia̱ a̱yaata̱m a̱kwonu A̱gwaza ba si̱ shei a̱lyiat nggu na di̱ kyang á̱ la̱p á̱ sak ku na bai á̱zanson a̱ni. Ba̱ si̱ zop mami a̱lyiat a̱nia da̱ a̱cha̱chaat njen ma̱ng si̱sak ji nang Kristi na nswuo a̱bung, a̱wot a̱ bu shya̱ a̱gba̱ndang a̱kyenkyai shi á̱zanson a̱ni.

1 Bitut 1:2

Neet gbangbang, A̱gwaza a̱ yet A̱tyia̱ a̱ni, lyen nyin a̱ si̱ khai nyin. A̱wot A̱za̱za̱rak Ntswa wu si̱ jaat nyin, nyi si̱ tyia̱ za̱za̱rak. Mat a̱nia, nyi si̱ khwi Yesu. A̱wot á̱ si̱ shum nyin ma̱ng a̱sok Yesu Kristi na, á̱ ka jaat nyin. Yok A̱gwaza a̱ fa̱k shok nyin, a̱ nang nyin swat nyinyang gba̱mgbam.