Yoona 1:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ Yoona mameang ku tak a̱lyiat kpa̱sai tazwa nggu. A̱ si̱ ta̱ngam a̱nwuat nggu ka mi̱ chet nyia̱, “A̱tyu wuni wa nang n ku ndyiat tazwa nggu, ‘A̱tyu a̱ chobai, a̱ khwi nung lilyim a̱ni, a̱ yet a̱tyu kwak a̱son nung wa. A̱wot a̱ si̱ swak nung ma̱ng shi hu ba̱t. Mat a̱ nshya̱ neet nang á̱ ka̱n byin nung bah.’ ”

Yoona 1:15 Iomraidhean Croise

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Ma̱rkut 1:7

A̱ si̱ shei A̱lyiat A̱gwaza na nyia̱, “A̱yin chobai a̱ khwi nung lilyim, a̱ lan nung ma̱ng chet. Nung, n maai mi̱ maai n ta̱bwak n byii̱k ywan á̱kwatak gu hu bah.

Luka 3:16

Huhwa Yoona si̱ tak ma̱ng a̱mba nyia̱, “Nung, n nyia̱ nyin ba̱ptisman ji ma̱ng a̱sa̱khwot nia. A̱wot a̱tyu a̱ swak nung ma̱ za̱nzan a̱ni chobai. Nung, n maai mi̱ maai n gyet a̱khwo nggu wu, n ta̱bwak mbyii̱k ywan á̱kwatak nggu hu bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Yoona 1:27

A̱ chobai a̱ khwi nung lilyim. A̱wot n maai mi̱ maai n byii̱k ywan á̱kwatak gu hu bah.”

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

A̱kolosiyawa 1:17

A̱ nshya̱ neet nang á̱ ka̱n nyia̱ kuzang kyang bah. A̱wot nggu wa ba̱ng a̱mgba̱m nkyang na dundung nang á̱ mat mi̱ swanta hu a̱ni.

Ibriniyawa 13:8

Yesu Kristi shai bah. Nggu wa ku nshya̱ gbangbang. Nggu wa nshya̱ ma̱nini. Nggu wa na nshya̱ ba̱ng si̱ nat sang sangba̱p.

Tyai Á̱zanson 1:11

A̱nwuat ka si̱ nyia̱, “Lyuut a̱mgba̱m kyang nang a na li a̱ni mami ta̱ka̱da, a ta̱m ndyo ma̱ susot á̱niet khwi a̱natat ba̱ shya̱ ma̱ a̱ka̱keang A̱fisut, Sa̱mi̱runa, Bi̱rgamum, Tiyata̱ra, Sa̱disu, Fila̱defiya, ma̱ng La̱wudikiya!”

Tyai Á̱zanson 2:8

“Lyuut a̱ta̱m tswa A̱gwaza wusika jini, gu nwuak sot á̱niet khwi ba̱ shya̱ Sa̱mi̱runa a̱ni. Ta̱m jini neet da̱ a̱vwuo a̱tyu a̱ yet A̱son ka, a̱ si̱ bu yet A̱ngaan ka a̱ni; a̱tyu a̱ ku khwu, a̱wot ma̱nini a̱ shyip, a̱ si̱ doot ma̱ng swuan ma̱ á̱niet ba̱ ka̱n kwi a̱ni!