Yoona 1:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 1:14 Iomraidhean Croise

Matyu 1:16

Yakubu si̱ yet a̱tyia̱ Isuu a̱tyok Ma̱ryamu a̱ byin Yesu a̱ yet Kristi, a̱tyu nang A̱gwaza kup gu tyok a̱ni.

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Luka 2:7

A̱wot a̱ si̱ byin nggwon a̱ni̱nap nggu ka, ka̱ yet a̱sam a̱ni. A̱ si̱ kup ka ma̱ng a̱yaatoot lurung nggwon. A̱ si̱ myiai nka mi̱ kukwon nang á̱ nka̱u nkyang zwa yak a̱ni. Mat ba̱ ku shya̱ a̱vwuo kwai ma a̱chya̱ khwat á̱nietchen ka bah.

Luka 9:32

Di̱n jen a̱ja, nang nda ka̱n ta̱bat Bitut ba̱t ma̱ng á̱niet a̱chyet nggu ba, nang ba̱ nshyip a̱ni; ba̱ si̱ li a̱kyenkyai shi Yesu wu ma̱ng a̱yaata̱m a̱kwonu A̱gwaza a̱feang ba̱ yong ma̱ng a̱nggu a̱ni.

Yoona 1:1

Neet nang A̱gwaza ka̱n nyia̱ swanta hu bah, nang Swang A̱lyiat nshya̱, ji̱ ku shya̱ dundung ma̱ng A̱gwaza. A̱wot Swang A̱lyiat ji ku yet A̱gwaza wa.

Yoona 11:40

Yesu si̱ nyia̱ ma̱ng Ma̱rta, “Wa n gyei n nyia̱, ka̱ a nwuak fwuo da̱ nung, a na li shi A̱gwaza hu a?”

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 14:9

Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 17:22

“Nung, n nwuak á̱niet a̱bya shi nang a nwuak nung a̱ni. Da̱nian ba̱ ka mun á̱pyia̱ ma̱ng á̱ghyang; ma̱nang nung ma̱ng a̱nwan, zi̱ mun á̱pyia̱ ma̱ng á̱ghyang a̱ni.

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 3:18

Kuzang a̱yin wa nwuak fwuo di̱ nggwon A̱gwaza ka, á̱ na nyia̱ gu shi̱ri̱ya bah. A̱wot a̱tyu a̱ lak nwuak fwuo da̱ nka a̱ni, á̱ wa ka̱n faat gu shi̱ri̱ya. Mat a̱ lak nwuak fwuo da̱ Nggwon A̱gwaza ka, ma̱nyin ka.

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Yoona 8:32

Nyi na lyen a̱chuchuk wu, a̱wot a̱chuchuk wu na tyia̱ nyi yet á̱sa̱t á̱niet.”

Nta̱m A̱yaata̱m 13:33

A̱wot ma̱ninika, A̱gwaza tyia̱ a̱li̱ka̱uli wu si̱ bai da̱ a̱nu ka da̱ a̱vwuo nzi̱t; nzi̱t zi̱ yet á̱ka̱mbwon mba na a̱ni, mat si̱sak nang á̱ ku nta̱ngam Yesu ma̱ á̱niet ba̱ ka̱n kwi a̱ni. Ma̱nang á̱ ndyuut mami a̱gba̱ndang zwunzwuo a̱feang Za̱bura wu tazwa Yesu a̱ni: ‘A yet Nggwon nung kya. A̱fwun, n gyet A̱tyia̱ ang wa.’

A̱romawa 8:3

Doka Musa ji ku byia̱ chet nang ji̱ na nsan nzi̱t a̱ni bah, mat lat za̱kwa a̱ka̱tuk nyia̱ nzi̱t ji. Mat a̱nia, A̱gwaza si̱ nyia̱ ta̱m nang doka ji si̱ mi̱n nyia̱ a̱ni bah. A̱ si̱ ta̱m ma̱ng Nggwon nggu ka ka̱ byia̱ tangka̱i vam nang nzi̱t á̱niet a̱ka̱tuk nyia̱ ba byia̱ a̱ni. A̱wot mi̱ vam a̱hwa hwa, nang A̱gwaza ntak kpa̱sai nang tyok a̱ka̱tuk nyia̱ ntyak. A̱gwaza nyia̱ a̱nia, di̱ si̱sak nang gu nnwuak Nggwon nggu ka, ka̱ yet za̱nang da̱nian a̱ka̱tuk nyia̱ nzi̱t wu a̱ni.

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

1 A̱korontiyawa 15:47

A̱da̱mu, a̱ ku yet a̱son ka a̱ni, yet mbyin nia. A̱wot Kristi, a̱ yet ngaan wu a̱ni, si̱ neet Ma A̱gwaza tswazwa kya.

2 A̱korontiyawa 12:9

Kuzang jen ki̱ n naai ngguu, gu nyia̱ ma̱ng a̱nung, “N nyia̱ ang shok gba̱mgbam ji̱ maai ang a̱ni. Mat chet nung hu ni̱ mbeang ba̱t, ku tak kpa̱sai di̱n jen lat ang ji.” Mat a̱nia, ma̱ninika, n gwai, n si̱ ntam tazwa lat nung hu, da̱nian chet Kristi hu ku ka nyia̱ nta̱m mami nung.

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.

A̱fisawa 3:8

Ku nang n tyak kyang ma̱ á̱niet khwi A̱gwaza ba a̱ni bah, nung gwa A̱gwaza si̱ khai a̱ si̱ nyia̱ nung shok jini, n ka shei A̱sham Nkhang ma̱ng Nnwap na̱ nwai yet A̱yahudawa a̱ni, nang ba̱ na nshya̱ zwá gba̱mgbam ji̱ nwai tyiai da̱ a̱vwuo Kristi a̱ni.

A̱kolosiyawa 1:19

Mat a̱mgba̱m shim A̱gwaza hwa nang gu ntyai a̱mgba̱m za̱kwa nggu ji mami vam Kristi.

A̱kolosiyawa 2:3

Kristi byia̱ chet a̱ nang nyin mumwang, a̱ bu tyai nyin lyen nkyang hu, nyi ka fi̱k A̱lyiat A̱gwaza na na̱ yet a̱tan nang zwá a̱ni.

A̱kolosiyawa 2:9

Mat mi̱ Kristi wa ma̱nyin nggu nang á̱ ndi a̱jhyem za̱kwa A̱gwaza wu mi̱ vam a̱tyubishyi.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

Ibriniyawa 1:5

Mat A̱gwaza ka̱n mak hyia̱ ma̱ng a̱ta̱m tswa a̱ghyang kyang nang gu hyia̱ ma̱ng Yesu a̱ni bah, mat A̱gwaza ku nyia̱, “A yet nggwon nung kya, N ma ngyet A̱tyia̱ ang wa a̱fwun.” A̱gwaza si̱ bu nyia̱, “N na ngyet a̱tyia̱ nggu wu. Nggu meang, a̱ na yet nggwon nung.”

Ibriniyawa 10:5

Huhwa mbyia̱, jen nang Kristi ku mbai mi̱ swanta hu a̱ni, a̱ si̱ nyia̱ ma̱ng A̱gwaza, “Za̱náng zón ma̱ng nyák ku sa̱da̱ka chi a̱ka̱tuk nyia̱, a chat bah. A̱wot a nwuak nung vam hwa, n neap ku yet za̱nang ji.

Ibriniyawa 2:11

Mat a̱nia, ma̱ninika, Yesu ma̱ng á̱niet nang gu chi a̱ka̱tuk nyia̱ mba wu, a̱ si̱ tyia̱ ba̱ yet á̱za̱za̱rak a̱ni; ba̱ byia̱ A̱gwaza a̱nyiung wa, a̱ yet A̱tyia̱ a̱ni. Huhwa mbyia̱ Yesu si̱ ngyorong mba á̱na̱nyiuk nggu, di̱ mi̱n fa̱k nsum.

Ibriniyawa 5:5

Ma a̱nia wa, Kristi wa ku khai a̱ nwuak a̱pyia̱ nggu shi yet a̱gba̱ndang pris wu bah. Da̱ a̱kwonu a̱kya, A̱gwaza wa ku khai guu. A̱ si̱ tak nyia̱, “A yet Nggwon nung kya. A̱fwun, n ma ngyet A̱tyia̱ ang wa.”

1 Yoona 4:14

Mbeang a̱nia, nzi̱t a̱yaata̱m nggu ba, zi̱ ka̱n di ma̱ng á̱ghyi nzi̱t. A̱wot zi̱ si̱ shei ma̱ng á̱niet ba nang A̱gwaza a̱ yet A̱tyia̱ nzi̱t wu a̱ni, nta̱m ma̱ng Nggwon nggu ka, ka̱ ka yet A̱tyusan á̱niet mi̱ swanta ba.

1 Yoona 4:9

A̱wot A̱gwaza tak kpa̱sai nang gu nchat zi̱t ba̱t, di̱ si̱sak nang gu nta̱m ma̱ng Nggwon nggu ka nang gu byia̱ ma̱nyin ka a̱ni, ka̱ si̱ bai mi̱ swanta hu, da̱nian zi̱ ka shya̱ swuan sang sangba̱p ji da̱ a̱vwuo nka kya.

2 Yoona 1:7

A̱tsak a̱lyiat, á̱niet laai á̱niet ma̱ a̱di̱di̱t chong á̱ kat mi̱ swanta hu. Á̱niet tyiet a̱ka̱laa bani tyiet nyia̱ di̱ Yesu Kristi bai mi̱ swanta huni mi̱ vam nang a̱tyubishyi a̱ni bah. Tangka̱i a̱tyu tyiet a̱hwa yet a̱tyu laai á̱niet wa ma̱ng a̱tyu lak li Kristi.

Tyai Á̱zanson 19:13

A̱ si̱ kup a̱junjung a̱toot nang á̱ zwup ma̱ a̱sok a̱ni! A̱lyoot tyok nggu ka yet, “Swang A̱lyiat A̱gwaza.”

Tyai Á̱zanson 21:3

N si̱ nfa̱k a̱nwuat ka̱ kaat mi̱ chet ka̱ neet mi̱ a̱gba̱ndang chuk tyok wu, nyia̱, “Di, a̱li A̱gwaza ka shya̱ dundung ma̱ng á̱niet nggu ba! A̱ na swan ma̱ng a̱mba, a̱wot ba̱ na yet á̱niet gu bya! A̱gwaza ma̱ a̱pyia̱ nggu na shya̱ dundung ma̱ng a̱mba,