Yoona 1:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ Bibya yet á̱niet ba da̱ á̱ tyei ba̱ yet mman A̱gwaza mat a̱sok nia a̱ni bah; da̱ nyia̱ mat chat vam hwa bah; da̱ mat fa a̱tyubishyi hwa bah. Da̱ a̱kwonu a̱kya, swuan jini, A̱gwaza wa ma̱ a̱pyia̱ nggu nang mba jii.

Yoona 1:13 Iomraidhean Croise

Matyu 3:9

A̱wot nyi yok laai pyipyia̱ nyin nyia̱, ‘Zi̱ shya̱ san, mat Ibrahim wa yet a̱tyia̱ a̱khwop nzi̱t wu!’ Mat n shei nyin nang A̱gwaza mbyia̱ chet a̱ tyia̱ nfang nani na̱ yet mman kwai Ibrahim.

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

1 A̱korontiyawa 3:6

Nung gwa ku nchyui zwá yak ji mi̱ fwuo nyin na. A̱folot wa si̱ ntyei a̱sa̱khwot na. A̱wot A̱gwaza wa si̱ tyia̱ yak hu si̱ laai.

A̱filibiyawa 2:13

Mat A̱gwaza wa nyia̱ nta̱m na mi̱ nfwuo nyin na. Nggu wa nwuat nyin di̱dang ma̱ng chet nyia̱ nta̱m ku myim a̱tan la̱p sak nggu wu a̱ni.

Titut 3:5

a̱ si̱ san zi̱t, mat a̱tsotswat ta̱m nang zi̱ nnyia̱ wa a̱ni bah. Da̱ a̱kwonu a̱kya, mat fa̱k kunak gu hwa nang gu nsan zi̱t. A̱ si̱ san nzi̱t ma̱ng jaat nang gu jaat nzi̱t ma̱ng A̱za̱za̱rak Ntswa a̱ni. Da̱ a̱nia wa, á̱ si̱ mbyin zi̱t a̱ka̱feang á̱ si̱ nang zi̱t swuan swai.

Yakubu 1:18

A̱gwaza shim a̱ nwuak zi̱t swuan sang sangba̱p ji, mat a̱tsatsak a̱lyiat nggu wu. Da̱nian a̱ ka khap zi̱t a̱ sak zan da̱nian a̱pyia̱ nggu, da̱ a̱vwuo ka̱ yet a̱ swak a̱ni. A̱wot zi̱ ka vwuon ma̱ zan mi̱ nkyang nang gu nyia̱ mi̱ swanta hu a̱ni.

1 Bitut 1:23

Mat á̱ byin nyin a̱ka̱feang neet Ma A̱gwaza tswazwa. Á̱ si̱ nang nyin swuan swai, ji̱ na nwai tyak a̱ni. Swuan swai jini byia̱ sangba̱p bah, mat ji̱ neet mami a̱lyiat A̱gwaza na̱ yet a̱chet na̱ sang sangba̱p a̱ni.

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.

1 Bitut 2:2

Da̱ a̱kwonu a̱kya, ma̱nang a̱chyuang mman nang á̱ sii tyei a̱ni, ku yet ta hwa nyi fwuong di̱dang swuo a̱baan ba̱t na̱ yet a̱si̱ A̱za̱za̱rak Ntswa a̱ni, da̱nian nyi ka mmeang nyi laai tat a̱jhyem sang san sangba̱p.

1 Yoona 3:9

Á̱niet ba̱ yet á̱tsatsak mman A̱gwaza a̱ni, ba̱ ni̱ ya a̱son ma̱ng nyia̱ a̱ka̱tuk nyia̱ nchi̱ri̱ng bah, mat za̱kwa mba ji tai si̱ A̱gwaza. Mat a̱nia, ba̱ si̱ mi̱n gya a̱son mi̱ nyia̱ a̱ka̱tuk nyia̱ bah. Mat á̱ byin mba neet Ma A̱gwaza tswazwa, ba̱ yet á̱tsatsak mman A̱gwaza nia.

1 Yoona 4:7

Nyin á̱kpa̱ndang nung ba nang n chat a̱ni, yok zi̱ ya a̱son ma̱ng chat á̱ghyang, mat A̱gwaza wa nang zi̱t chet zi̱ chat á̱ghyang. Konyan wa chat á̱ghyang á̱niet, a̱tyu a̱wa tak nang gu ngyet a̱tsak nggwon A̱gwaza kya, a̱ si̱ bu lyen A̱gwaza.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

1 Yoona 5:18

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.

1 Yoona 5:4

Mat kuzang nggwon A̱gwaza byia̱ chet hu, ku maai nang ka̱ na nswuo chet swanta hu a̱ni. Nwuak fwuo nzi̱t hu di̱ Yesu hwa na tyia̱ zi̱ nswuo chet swanta hu.