Yoona 1:12 - A̠lyiat A̠gwaza na di̠n Tyap: A̠li̠ka̠uli A̠fai

¹² A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 1:12 Iomraidhean Croise

Matyu 10:40

Konyan wa san nyin mbwak nfeang, nung gwa nang gu san. A̱wot konyan wa san nung mbwak nfeang, a̱ san A̱tyia̱ nung wu a̱ ta̱m nung wa a̱ni oo!

Matyu 12:21

A̱wot mami a̱lyoot nggu kya, a̱mgba̱m nnwap na mi̱ bibyin swanta na mba̱ng fwuo.”

Matyu 18:5

“A̱wot konyan wa san a̱da̱dei nggwon nang a̱si̱ kani a̱ni da̱nian nung, ku li á ngyei nung gwa gu san.

Yoona 1:11

A̱ ku bai da̱ a̱vwuo á̱niet guu. A̱wot á̱niet nggu ba si̱ lak san gu hu!

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 11:52

(A̱wot A̱yahudawa bya ma̱nyin ba Yesu na khwu da̱nian ba bah. A̱ na khwu da̱nian a̱ ka tung a̱mgba̱m á̱niet ba̱ yet mman A̱gwaza na ba̱ kai swanta hu a̱ni, ba̱ ka mun á̱pyia̱ ba̱ yet kyang nyiung.)

Yoona 2:23

Nang Yesu ku nshya̱ ma̱ a̱keang Urusha̱lima di̱n jen A̱yet Ghwut Mman Isi̱rela mi̱ Khwo hu a̱ni, á̱niet ma̱ a̱di̱di̱t ku nwuak fwuo da̱ nggu, mat nkyang a̱ga̱de nang gu nyia̱ a̱ni.

Yoona 20:31

A̱mgba̱m ma̱ng a̱nia, á̱ lyuut nkyang nani da̱nian nyi ka nwuak a̱chuchuk nang Yesu wa ngyet Kristi, A̱tyu nang A̱gwaza kup gu tyok a̱ni, ma̱ng Nggwon A̱gwaza; a̱wot mami nwuak fwuo nyin hu da̱ nggu, nyi ka shya̱ swuan mami a̱lyoot gu.

Yoona 3:18

Kuzang a̱yin wa nwuak fwuo di̱ nggwon A̱gwaza ka, á̱ na nyia̱ gu shi̱ri̱ya bah. A̱wot a̱tyu a̱ lak nwuak fwuo da̱ nka a̱ni, á̱ wa ka̱n faat gu shi̱ri̱ya. Mat a̱ lak nwuak fwuo da̱ Nggwon A̱gwaza ka, ma̱nyin ka.

Nta̱m A̱yaata̱m 3:16

“Mat nang a̱tyu wuni nnwuak fwuo da̱ a̱lyoot Yesu ka a̱ni, huhwa mbyia̱ nyi ndi gu nchoot. A̱wot nyi bu fi̱k nang nggu wa ku ngyet a̱ta̱luk a̱ti̱tak wu di̱n jen swak ji. Nwuak fwuo da̱ a̱lyoot Yesu hwa choot guu. Nyi si̱ li ma̱ng á̱ghyi nyin.

A̱romawa 8:14

A̱wot a̱mgba̱m á̱niet ba nang A̱za̱za̱rak Ntswa A̱gwaza wu kwak ba a̱son a̱ni, bibya yet mman A̱gwaza na.

A̱romawa 8:16

A̱wot A̱za̱za̱rak Ntswa wu ma̱ a̱pyia̱ nggu, mun dundung ma̱ng tswá nzi̱t ji. A̱ si̱ tak nang zi̱ ngyet á̱tsatsak mman A̱gwaza bya.

A̱romawa 8:19

A̱mgba̱m nkyang nang A̱gwaza mat mi̱ swanta hu a̱ni, na̱ twei ma̱ng a̱khwu ma̱ng di̱dang na̱ li mam a̱hwa á̱zanson nang A̱gwaza na ntyai tangka̱i á̱niet nang mman nggu na yet a̱ni.

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

A̱ga̱la̱tiyawa 4:6

Mat nang nyin ma̱ng a̱nzi̱t ngyet mman nia a̱ni, A̱gwaza si̱ ta̱m ma̱ng A̱za̱za̱rak Ntswa Nggwon nggu wu mi̱ nfwuo nzi̱t na. Nggu wa tyei nang zi̱ ngyei A̱gwaza, “Abba, A̱tyia̱!”

A̱kolosiyawa 2:6

A̱wot ma̱ninika, ma̱nang nyi wa ka̱n san Kristi Yesu a̱ yet A̱tyoli nyin wu a̱ni, ku yet ta hwa nyi ya a̱son ma̱ng khwi nggu hu a̱nia.

2 Bitut 1:4

A̱wot mat nang A̱gwaza nshi a̱ si̱ bu swak ma̱ng yet a̱tan a̱ni, a̱ si̱ nyia̱ nzi̱t a̱cha̱chet ma̱ng á̱tsatsak a̱li̱ka̱uli nggu ba. Á̱tsatsak a̱li̱ka̱uli bani bya na tyia̱ nyi nyia̱ a̱tan nang A̱gwaza a̱ni. A̱wot nyi shot a̱ka̱tuk nshyuo á̱nietbishyi mi̱ swanta, ji̱ byian za̱kwa nyin ji a̱ni.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

1 Yoona 3:23

A̱wot doka A̱gwaza jija ji: Ku yet ta hwa, zi̱ nwuak fwuo da̱ a̱lyoot Nggwon nggu ka, Yesu Kristi, a̱wot zi̱ bu chat á̱ghyang nzi̱t, ma̱nang gu ka̱n nwuak zi̱t doka ji a̱ni.