Yoona 1:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ A̱ ku bai da̱ a̱vwuo á̱niet guu. A̱wot á̱niet nggu ba si̱ lak san gu hu!

Yoona 1:11 Iomraidhean Croise

Matyu 15:24

A̱jawa Yesu si̱ nyia̱, “Á̱ ta̱m nung n beang zón seap A̱gwaza ji bwuk wa a̱ni ma̱nyin ji; bibya yet á̱niet Isi̱rela ba.”

Luka 19:14

A̱wot á̱niet a̱byin nggwon a̱bya si̱ lak li nkaa. Ba̱ si̱ ta̱m a̱yaata̱m ba̱ khwi nka da̱ bang, ba̱ si̱ hyia̱ ma̱ng a̱gba̱ndang a̱gwam shan wu nyia̱, ‘Zi̱ chat nggwon kani ka̱ ba̱ yet a̱gba̱ndang a̱gwam shan nzi̱t wu bah.’

Yoona 1:10

Swang A̱lyiat ji ku bai mi̱ swanta hu. Dundung ma̱ng a̱nji wa A̱gwaza si̱ mmat swanta hu. A̱wot á̱niet mi̱ swanta ba si̱ fi̱k gu bah.

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 19:27

A̱wot a̱ si̱ nyia̱ ma̱ng nggwon nta̱m nggu ka a̱ni, “Di, a̱yang ang wu wa wu!” Neet di̱n jen a̱ja, nggwon nta̱m ka si̱ kin kyiak a̱yang byin Yesu wu, ka̱ si̱ nat ndyo a̱mali a̱ si̱si̱ swan ndung ma̱ng a̱nggu.

Yoona 3:32

“A̱ shei kyang hu kpa̱sai nang gu ka̱n di, a̱ si̱ fa̱k a̱ni. A̱mgba̱m ma̱ng a̱nia, á̱ mbyia̱ a̱tyu a̱ san a̱lyiat nggu na a̱ni bah.

Nta̱m A̱yaata̱m 13:26

“Á̱na̱nyiuk nung ba, nyin nyi yet á̱ka̱mbwon Ibrahim na a̱ni, ma̱ng a̱nyin Nwap na̱ nwai yet A̱yahudawa nyi fwuong a̱wun A̱gwaza a̱ni; nzi̱t bya nang á̱ ta̱m ma̱ng a̱nzi̱t á̱lyiat nswuan sang sangba̱p nani!

Nta̱m A̱yaata̱m 13:46

A̱mgba̱m ma̱ng a̱nia, Bulut ma̱ng Ba̱nabat si̱ gbang a̱lyia̱. Ba̱ si̱ tak ma̱ng a̱mba nyia̱, “Nyin A̱yahudawa bya myim, zi̱ tsa shei nyin á̱lyiat A̱gwaza na. A̱mgba̱m ma̱ng a̱nia, nang nyi ndak fa̱k na hu a̱ni, nyi kyiak á̱pyia̱ nyin nyi maai nyi shya̱ swuan sang sangba̱p ji bah! Mat a̱nia, zi̱ na nat zi̱ shei Nnwap na̱ nwai yet A̱yahudawa a̱ni á̱lyiat A̱gwaza na.

Nta̱m A̱yaata̱m 21:6

A̱wot zi̱ si̱ byiat á̱ghyang saak. A̱jawa zi̱ si̱ nwuo kukwon a̱wak hu. A̱wot mba, ba̱ si̱ bwuok á̱ nkat a̱mali.

A̱romawa 15:8

Nyi jhyung nang Kristi ku mbai nang a̱khwo a̱ni da̱ a̱vwuo A̱yahudawa, gu ka tak ba nang A̱gwaza ni̱ mba̱ng a̱li̱ka̱uli nang gu ku nyia̱ a̱yaatyia̱ a̱khwop mba ba ndyo a̱ni.

A̱romawa 9:1

N shei a̱tsak a̱lyiat di̱ mun á̱pyia̱ nung hu ma̱ng Kristi. N bwoi laa hwa bah. A̱za̱za̱rak Ntswa wu wa yet sheda a̱di̱dam mi̱ fwuo nung wu!

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.