Yoona 1:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Swang A̱lyiat ji ku bai mi̱ swanta hu. Dundung ma̱ng a̱nji wa A̱gwaza si̱ mmat swanta hu. A̱wot á̱niet mi̱ swanta ba si̱ fi̱k gu bah.

Yoona 1:10 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Yoona 1:11

A̱ ku bai da̱ a̱vwuo á̱niet guu. A̱wot á̱niet nggu ba si̱ lak san gu hu!

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:3

Jija ku yet vak hu nang A̱gwaza ku nnyia̱ kuzang kyang a̱ni. Á̱ mbyia̱ kyang nyiung nang A̱gwaza ku nyia̱ mi̱ swanta hu da̱ ma̱ng a̱nji a̱ni bah.

Yoona 1:5

Sai hu si̱ tyia̱ a̱vwuo ka ka̱ yet lyin a̱ni, si̱ teak. A̱wot di̱ lyin hu, ku swuo chet sai hu bah.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 5:17

A̱wot Yesu si̱ nyia̱, “A̱tyia̱ nung nyia̱ nta̱m kuzang jen. A̱wot nung mameang, ku yet ta hwa n nyia̱ ta̱m.”

Nta̱m A̱yaata̱m 14:17

A̱wot A̱gwaza ka̱n mak ghwon á̱niet mi̱ swanta ba di̱ mi̱n sheda tazwa a̱pyia̱ nggu, ma̱ng a̱tan nkyang nang gu nyia̱ a̱ni bah. Kidee, a̱ nwuat nyin za. A̱ ni̱ tyia̱ yak hu ku yet, nyi ka shya̱ kyayak gba̱mgbam ma̱ng a̱lyia̱ sai.”

1 A̱korontiyawa 1:21

Nang A̱gwaza mami mumwang nggu hu ntyia̱ swanta hu ku lyen gu mat mumwang a̱tyubishyi hwa a̱ni bah; huhwa mbyia̱ A̱gwaza khai gu san á̱niet ba̱ nwuak fwuo da̱ a̱nggu, mat shei a̱lyiat nang á̱ nwuan nang bwuon hwa a̱ni.

1 A̱korontiyawa 2:8

A̱wot á̱niet nyia̱ tyok swanta bani ka̱n fi̱k mumwang a̱hwa bah. Ka̱ ba̱ wa ku fi̱k hu, si̱ ba̱ ku hyat A̱tyoli nzi̱t wu a̱ byia̱ shi a̱ni, di̱ kpang gu da̱ a̱team a̱khwu wu bah.

1 A̱korontiyawa 8:6

A̱mgba̱m ma̱ng a̱nia, zi̱ lyen nang A̱gwaza a̱nyiung wa ma̱nyin gu nshya̱, a̱ yet A̱tyia̱ wu a̱ni. Nggu wa mat kuzang kyang mi̱ swanta hu. A̱wot zi̱ swuan da̱nian gu kya. A̱tyoli wu bu yet a̱nyiung wa, nggu wa yet Yesu Kristi. Mat nggu wa yet vak nang A̱gwaza mmat kuzang kyang a̱ni. A̱wot nggu wa bu yet vak nang A̱gwaza nnwuak nzi̱t swuan a̱ni.

A̱kolosiyawa 1:16

Mat nggu wa yet vak hu nang A̱gwaza mmat kuzang kyang ku shya̱ tswazwa ma̱ng a̱byin a̱ni. Nggu wa nyia̱ nkyang nang zi̱ nwuan a̱ni, ma̱ng si̱ nang zi̱ nwai nwuan a̱ni; kidee: a̱cha̱chet chuchuk tyok, lyulyoot ntyok, a̱yaakwak a̱son, ma̱ng ntyok; bibya yet a̱yaata̱m tswá nang á̱ nwai nwuan a̱ni. A̱mgba̱m nkyang nang á̱ mat mi̱ swanta hu a̱ni, A̱gwaza wa tyia̱ Kristi si̱ nyia̱ na; a̱wot kuzang kyang nshya̱, da̱nian ku ka nwuak gu shi.

Ibriniyawa 11:3

Nwuak fwuo da̱ A̱gwaza hwa mbyia̱, nang zi̱ nfi̱k nang A̱gwaza wa nyia̱ swanta hu mi̱ di̱ kaat a̱lyiat nggu hu. Mat a̱nia wa, zi̱ fi̱k nkyang nang A̱gwaza nyia̱ mi̱ swanta nang á̱ nwuan ma̱nini a̱ni, na̱ neet ma̱ á̱si̱ na á̱ nwai nwuan a̱ni.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.