Yoona 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Neet nang A̱gwaza ka̱n nyia̱ swanta hu bah, nang Swang A̱lyiat nshya̱, ji̱ ku shya̱ dundung ma̱ng A̱gwaza. A̱wot Swang A̱lyiat ji ku yet A̱gwaza wa.

Yoona 1:1 Iomraidhean Croise

Matyu 1:23

“Nggwon neam di̱ ka̱ ka̱n myia̱ ma̱ng a̱tyok a̱ni bah, na shya̱ shya̱! Ka̱ byin nggwon a̱sam, á̱ na ngyei nggwon a̱kya ‘Imaniet.’ A̱lyoot ‘Imaniet’ ka fa, ‘A̱gwaza shya̱ dundung ma̱ng a̱nzi̱t.’ ”

Luka 24:53

Kuzang a̱tuk ba̱ ni̱ nat A̱mali Nwuat Za̱nang A̱gwaza ka, ba̱ dyep A̱gwaza á̱ nchi̱ri̱ng a̱ja.

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:2

Jija ku shya̱ dundung ma̱ng A̱gwaza, neet nang á̱ ka̱n mat swanta hu bah.

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

A̱fisawa 3:9

Á̱ ku khai nung n gwa̱i konyan ndyo, a̱ ka fi̱k la̱p sak ku shya̱ di̱ niat, nang A̱gwaza a̱ nyia̱ kuzang kyang la̱p a̱ sak neet mi̱ di̱ nyia̱ swanta hu a̱ni.

A̱filibiyawa 2:6

Ku nang Kristi ma̱ a̱pyia̱ nggu ngyet A̱gwaza a̱ni, a̱mgba̱m ma̱ng a̱nia, a̱ du kyiak a̱pyia̱ nggu cha̱chaat ma̱ng A̱gwaza bah. A̱ si̱ kyiak yet A̱gwaza nggu hu ku yet gu a̱wat nang gu na mba̱ng gi̱ngi̱ng a̱ni bah.

A̱kolosiyawa 1:15

Kristi tyia̱ a̱tyubishyi nang á̱ nwuan a̱ni. A̱ si̱ tyai A̱gwaza nang á̱ nwai nwuan ma̱ng á̱ghyi a̱ni kpa̱sai. A̱ ku nshya̱ neet nang á̱ ka̱n mat kyang mi̱ swanta hu bah. A̱wot a̱ byia̱ a̱tsatsak a̱gba̱ndang tyok tazwa a̱mgba̱m kuzang kyang nang á̱ mat mi̱ swanta hu a̱ni.

A̱kolosiyawa 1:17

A̱ nshya̱ neet nang á̱ ka̱n nyia̱ kuzang kyang bah. A̱wot nggu wa ba̱ng a̱mgba̱m nkyang na dundung nang á̱ mat mi̱ swanta hu a̱ni.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Titut 2:13

Zi̱ ya nswan fwuong a̱tsatsak mam a̱gwai a̱hwa nang zi̱ ntyia̱ fwuo a̱ni, nang Yesu Kristi a̱ yet a̱gba̱ndang A̱gwaza ma̱ng A̱tyusan nzi̱t wu na mbwuok a̱ bai ma̱ng a̱kyenkyai shi nggu wu kpa̱sai a̱ni.

Ibriniyawa 13:8

Yesu Kristi shai bah. Nggu wa ku nshya̱ gbangbang. Nggu wa nshya̱ ma̱nini. Nggu wa na nshya̱ ba̱ng si̱ nat sang sangba̱p.

Ibriniyawa 7:3

Á̱ mbyia̱ a̱vwuo nang á̱ ndyuut tazwa a̱tyia̱, ku a̱yang Ma̱lkiza̱dek a̱ni bah. Da̱ mba, á̱ lyen kwai nggu ji bah. Á̱ mbyia̱ a̱vwuo nang á̱ ndyuut mam byin, ku mam a̱khwu nggu a̱ni bah. Mat a̱nia, Ma̱lkiza̱dek yet tangka̱i pris hwa si̱ nat sang sangba̱p. A̱wot a̱ si̱ tai Nggwon A̱gwaza kya.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

1 Yoona 5:7

Huhwa nang zi̱ ndi a̱lama a̱tat a̱ tak nang Yesu ngyet Nggwon A̱gwaza kya a̱ni:

Tyai Á̱zanson 1:11

A̱nwuat ka si̱ nyia̱, “Lyuut a̱mgba̱m kyang nang a na li a̱ni mami ta̱ka̱da, a ta̱m ndyo ma̱ susot á̱niet khwi a̱natat ba̱ shya̱ ma̱ a̱ka̱keang A̱fisut, Sa̱mi̱runa, Bi̱rgamum, Tiyata̱ra, Sa̱disu, Fila̱defiya, ma̱ng La̱wudikiya!”

Tyai Á̱zanson 1:17

Nang n di gu a̱ni, n si̱ nkwa a̱zaghyi nggu ma̱nang kwom a̱ni. A̱wot a̱ si̱ sak bwak yak gu hu da̱ nung, a̱ si̱ nyia̱, “Yok fa̱k a̱wun bah! Nung gwa ngyet A̱son ka, ma̱ng A̱ngaan ka.

Tyai Á̱zanson 1:2

A̱wot Yoona si̱ tak kuzang kyang nang gu li a̱ni, ma̱ cha̱chaat. Ta̱m jini ja yet a̱lyiat A̱gwaza na ma̱ng sheda di̱ nkyang nang Yesu Kristi hyia̱, a̱ si̱ nyia̱ a̱ni.

Tyai Á̱zanson 1:8

A̱gwaza a̱ yet A̱tyoli a̱ni nyia̱, “Nung gwa gyet A̱lfa ma̱ng Omega, A̱son ka ma̱ng A̱ngaan ka. N shya̱ ma̱ninika, n ku nshya̱ gbangbang, a̱wot n bu nchobai. Nung gwa ngyet A̱tyu a̱ byia̱ a̱mgba̱m Tyok a̱ni!”

Tyai Á̱zanson 19:13

A̱ si̱ kup a̱junjung a̱toot nang á̱ zwup ma̱ a̱sok a̱ni! A̱lyoot tyok nggu ka yet, “Swang A̱lyiat A̱gwaza.”

Tyai Á̱zanson 2:8

“Lyuut a̱ta̱m tswa A̱gwaza wusika jini, gu nwuak sot á̱niet khwi ba̱ shya̱ Sa̱mi̱runa a̱ni. Ta̱m jini neet da̱ a̱vwuo a̱tyu a̱ yet A̱son ka, a̱ si̱ bu yet A̱ngaan ka a̱ni; a̱tyu a̱ ku khwu, a̱wot ma̱nini a̱ shyip, a̱ si̱ doot ma̱ng swuan ma̱ á̱niet ba̱ ka̱n kwi a̱ni!

Tyai Á̱zanson 21:6

A̱wot A̱gwaza si̱ bu nyia̱, “Ku bai tyak! Nung gwa ngyet A̱lfa ma̱ng Omega; A̱son ka ma̱ng A̱ngaan ka! Konyan wa a̱ fwuong mashyi a̱ni, n na nang gu a̱sa̱khwot mi̱ nnang a̱sa̱khwot nswuan na gu swuo! A̱ na tan bah.

Tyai Á̱zanson 22:13

Nung gwa ngyet A̱lfa ma̱ng Omega, A̱son ma̱ng A̱ngaan ka, A̱tsan ka ma̱ng A̱mgba̱m wu!”

Tyai Á̱zanson 3:14

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ La̱wudikiya a̱ni: Ta̱m jini ja neet da̱ a̱vwuo a̱tyu a̱ yet ‘Samba̱rka A̱gwaza’ a̱ni, a̱ bu yet a̱tsotswat ma̱ng a̱tsatsak a̱tyu a̱ nwuat sheda a̱lyiat A̱gwaza a̱ni! Nggu wa yet a̱tyin nang A̱gwaza mmat kuzang kyang mi̱ swanta hu a̱ni!