Yakubu 5:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Nyin á̱niet khwi Yesu ba, nyi yok kwop a̱dyii̱ng tazwa á̱ghyang nyin bah, kalak á̱ na nyia̱ nyin shi̱ri̱ya. Mat, di a̱tyu shi̱ri̱ya wu wa yong a̱zanunyuo!

Yakubu 5:9 Iomraidhean Croise

Matyu 24:33

Ma a̱nia wa, ka̱ nyi li a̱mgba̱m nkyang a̱ga̱de nani bai, nyi lyen nang jen bwuok Nggwon A̱tyubishyi ji mbai kpa̱mkpaan. Ji̱ shya̱ gba̱gba̱k.

Ma̱rkut 13:29

Ma a̱nia wa, ka̱ nyi li nang ntangka̱i nkyang a̱ga̱de nani bai, nyi lyen nang bwuok gu hu mbai kpa̱mkpaan, a̱ shya̱ a̱zanunyuo.

Ma̱rkut 6:19

A̱wot Hiridiyat ku ba̱ng Yoona mi̱ fwuo. A̱ si̱ chat vak gu na nhyat gu a̱ni, a̱ si̱ shya̱ bah.

1 A̱korontiyawa 10:11

Nkyang nani na̱ ku shya̱ mba a̱ni, yet nzi̱t kidee ja. Á̱ si̱ bu lyuut naa da̱nian á̱ ka gba nzi̱t, nzi̱t á̱niet zi̱ shya̱ ma̱ ngaan jen wuni a̱ni.

1 A̱korontiyawa 4:5

Mat a̱nia, nyi yok mak nyi nyia̱ shi̱ri̱ya di̱ nta̱m a̱yin a̱nggang neet nang Kristi A̱tyoli nzi̱t wu ka̱n bwuok bah. Mat nggu wa na tyai kpa̱sai nkyang nang zi̱ nyia̱ na̱ shya̱ mi̱ dyin a̱ni, a̱wot gu bu tyai a̱di̱dam mi̱ nfwuo nzi̱t wu kpa̱sai. A̱wot A̱gwaza na dyep konyan ma̱ cha̱chaat ma̱ng ta̱m hu nang gu nyia̱ a̱ni.

2 A̱korontiyawa 9:7

Si̱ konyan ma̱ nyin a̱ nwuak di̱ si̱sak ji nang fwuo nggu nkyiak a̱ni. A̱wot nyi yok nwuak kurum ma̱ng a̱gi̱n, ku nyi nwuak di̱ khwo bah. Mat á̱ lyuut nyia̱, “A̱gwaza ni̱ fa̱k nyinyang a̱tyu a̱ nwuak ma̱ng fwuo nyiung a̱ni.”

A̱ga̱la̱tiyawa 5:14

Mat a̱mgba̱m doka Musa ji, á̱ tung jii á̱ tyia̱ mi̱ swang a̱lyiat jhyung, jija yet, “Chat a̱kpa̱ndang nswat ang wu nang a nchat a̱pyia̱ ang a̱ni.”

A̱ga̱la̱tiyawa 5:26

Zi̱ yok yet á̱niet gba̱p a̱pyia̱, ku zi̱ tsaai jhya̱ ma̱ng kwi swam da̱ á̱ghyang nzi̱t bah.

Yakubu 4:11

Nyin á̱niet khwi Yesu ba nang n chat a̱ni, nyi yok tyam á̱ghyang nyin bah. Ka̱ nyi bat á̱ghyang nyin a̱hyiak, ku nyi nyia̱ á̱ghyang nyin shi̱ri̱ya, ku fa nyi bat doka A̱gwaza ji a̱hyiak, nyi si̱ nyia̱ nji shi̱ri̱ya meang. A̱wot ta̱m nyin hu hwa yet, nyi khwi doka A̱gwaza ji, nyi yok bat ji a̱hyiak bah. Kalak, nyi kyiak á̱pyia̱ nyin á ngyei nyi yet á̱niet nyia̱ shi̱ri̱ya bya tazwa doka ji.

Yakubu 4:12

A̱wot A̱gwaza wa ma̱nyin nggu nwuak doka ji, a̱ si̱ bu byia̱ tyok nyia̱ shi̱ri̱ya tazwa nji. Nggu wa ma̱nyin nggu, bu byia̱ chet a̱ san swuan a̱yin ku a̱ hyat ji. Nwan wa yet a̱nyan nang a nyia̱ a̱ghyang ang wu shi̱ri̱ya?

Yakubu 5:10

Nyin á̱niet khwi Yesu ba, nyi khwi kidee nyap fwuo ma̱ng swuo a̱bung a̱yaata̱m a̱kwonu A̱gwaza ba, ba̱ ku shei A̱lyiat A̱gwaza na a̱ni.

Yakubu 5:7

Nyin á̱niet khwi Yesu ba nang n chat a̱ni, nyi nyap nfwuo, nyi fwuong a̱tuk mam bwuok bai A̱tyoli Yesu ka. Nyi nwuan á̱niet khap ba. Nyi li si̱sak nang ba̱ ni̱ nnyap fwuo ba̱ fwuong za a̱vwuo shyim ji ma̱ng si̱ seam ji a̱ni. Ba̱ ni̱ swan ma̱ng di̱dang á̱ fwuong yak hu ku byang, ba̱ chak ba̱ ka shya̱ kpangti̱n.

1 Bitut 4:5

A̱wot nyi yok bwung bah, ku yet ta hwa á̱kpa̱ndang a̱bya, ba̱ yong a̱zaghyi A̱gwaza. Nggu wa na faat ba shi̱ri̱ya ji. Konyan a̱ hyia̱ kyang hu nang gu nyia̱ a̱ni, a̱mgba̱m á̱niet swuan ma̱ng á̱si̱ ba̱ ka̱n kwi a̱ni.

1 Bitut 4:9

Nyi ni̱ nsan á̱nietchen mbwak feang ma̱ a̱ka̱sa nyin na di̱ mi̱ kwop a̱dyii̱ng. Nyi nang ba kyayak ma̱ng a̱vwuo kwai.

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.