Yakubu 5:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Ma̱ a̱nia wa, nyin meang, ku yet ta hwa, nyi nyap nfwuo nyin na. Nyi gbang a̱lyia̱, mat jen bwuok A̱tyoli Yesu ji bai kpa̱mkpaan.

Yakubu 5:8 Iomraidhean Croise

Luka 21:19

Nyi gbang a̱lyia̱, nyi bu yong mi̱ chet. A̱nia wa nyi na nshya̱ swuan sang sangba̱p ji.

Yoona 21:22

Yesu si̱ nwuak gu shim, nyia̱, “Ka̱ n shim gu ndyo nyia̱ a̱ na swuan si̱ nat jen n na mbwuok a̱ni; yihwa ngyet si̱ nwan hu? Nwan, khwi ma̱ nung!”

A̱romawa 8:25

A̱wot ka̱ zi̱ tyia̱ fwuo di̱ kyang á̱zanson nang zi̱ ka̱n shya̱ a̱ni bah, ku yet ta hwa, zi̱ gbang a̱lyia̱ zi̱ nyap fwuo zi̱ fwuong.)

A̱ga̱la̱tiyawa 5:22

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat,

A̱filibiyawa 4:5

Nyi yok konyan a̱ li yet a̱shonshyon nyin hu da̱ a̱mgba̱m nkyang nang nyi nyia̱ a̱ni. Nyi yok bwung bah; bwuok A̱tyoli Yesu hu bwat kpa̱mkpaan.

1 A̱ta̱solonikawa 1:10

A̱wot ba̱ bu hyia̱ ma̱ng a̱nzi̱t si̱sak ji nyi bu nfwuong bwuok bai Yesu hu, a̱ yet Nggwon A̱gwaza ka, ka̱ neet Ma A̱gwaza tswazwa ka a̱ni. Nggu wa yet Yesu, a̱tyu nang A̱gwaza ku ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa na san nzi̱t mi̱ mwai lyen A̱gwaza hu ku chobai a̱ni.

1 A̱ta̱solonikawa 2:19

Yihwa yet kyang tyia̱ fwuo nzi̱t hu, ku a̱gwai, ku zang nzi̱t ji, nang zi̱ bye ntam a̱zaghyi A̱tyoli Yesu a̱tuk bwuok nggu ka? Mee nyin byaa?

1 A̱ta̱solonikawa 3:13

Yok A̱gwaza a̱ bu tyia̱ nfwuo nyin na gba̱gbak, nyi yet á̱niet sang a̱bun, nyi bu yet á̱za̱za̱rak a̱zaghyi nggu, a̱tuk nang A̱tyoli nzi̱t wu Yesu Kristi na mbwuok ndung ma̱ng á̱za̱za̱rak á̱niet khwi, ba̱ yet á̱si̱ nggu ba a̱ni.

2 A̱ta̱solonikawa 3:5

Yok A̱tyoli Yesu, gu tyai nyin kpa̱sai, di̱ si̱sak ji nang A̱gwaza nchat nyin a̱ni; a̱ bu beang nyin nyi gbang a̱lyia̱, nyi nyap nfwuo nyi yong mi̱ chet ma̱nang nggu Yesu Kristi ku nnyia̱ a̱ni.

Yakubu 5:3

Kurum nyin hu ku yet zi̱nariya ma̱ng a̱zurfa a̱ni, wa ka̱n kwa̱i. A̱wot ku si̱ tyia̱ a̱buk kyang. Zwá nyin ji nang nyi mba̱ng nfwuo nyi si̱ nta̱yuk a̱ni, ji̱ na fwui nvam nyin na nang long ni̱ nfwui kyang a̱ni. Zwá ji nang nyi tung sak a̱ni, jija na nnwuak sheda tazwa nyin a̱tuk shi̱ri̱ya ka.

Yakubu 5:9

Nyin á̱niet khwi Yesu ba, nyi yok kwop a̱dyii̱ng tazwa á̱ghyang nyin bah, kalak á̱ na nyia̱ nyin shi̱ri̱ya. Mat, di a̱tyu shi̱ri̱ya wu wa yong a̱zanunyuo!

1 Bitut 4:7

Sangba̱p swanta ji shim bai. Mat a̱nia, mi̱ nfwuo nyin na, si̱ nyi tung a̱nka̱li, nyi gba á̱pyia̱ nyin di̱ naai A̱gwaza.

Tyai Á̱zanson 22:20

Yesu, a̱tyu a̱ tak a̱chuchuk kpa̱sai tazwa a̱mgba̱m nkyang nani a̱ni, nyia̱, “A̱tsak a̱lyiat wa za̱m, n chobai di̱ mi̱n byian jen!” Samba̱rka! Bai A̱tyoli Yesu, bai!