Yakubu 5:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Nyin á̱niet khwi Yesu ba nang n chat a̱ni, nyi nyap nfwuo, nyi fwuong a̱tuk mam bwuok bai A̱tyoli Yesu ka. Nyi nwuan á̱niet khap ba. Nyi li si̱sak nang ba̱ ni̱ nnyap fwuo ba̱ fwuong za a̱vwuo shyim ji ma̱ng si̱ seam ji a̱ni. Ba̱ ni̱ swan ma̱ng di̱dang á̱ fwuong yak hu ku byang, ba̱ chak ba̱ ka shya̱ kpangti̱n.

Yakubu 5:7 Iomraidhean Croise

Matyu 16:27

“Mat Nggwon A̱tyubishyi na bai mami a̱kyenkyai shi A̱tyia̱ nggu wu ma̱ng a̱yaata̱m tswá nggu ba. A̱wot a̱ na nwuak kuzang a̱yin zang ji, ji̱ maai cha̱chaat ma̱ng ta̱m nang gu nyia̱ a̱ni.

Matyu 16:28

N tak nyin a̱tsak a̱lyiat, á̱ghyang á̱niet ba̱ yong a̱ji ma̱nini a̱ni, neet nang ba̱ ka̱n kwi bah, ba̱ na li Nggwon A̱tyubishyi ka̱ chobai ka̱ tyai a̱kyenkyai shi tyok nka wu.”

Matyu 24:27

“Ma̱nang á̱ ni̱ ndi a̱mya̱ra̱m za gu neet a̱tyin si̱ nat jenshyung a̱ni, ma a̱nia wa Nggwon A̱tyubishyi bye mbwuok a̱ bai kpa̱sai mi̱ swanta hu.

Matyu 24:44

Ma a̱nia wa, nyin meang ku yet ta hwa, nyi swan cham ma̱ng la̱p vam ku zang jen. Mat Nggwon A̱tyubishyi ka na bwuok a̱ bai di̱n jen nang nyi ndyen a̱ni bah.

Luka 18:8

Yok n tak ma̱ng a̱nyin, a̱tsak a̱lyiat, A̱gwaza na beang mbaa a̱ nyia̱ mba shi̱ri̱ya ji tsotswat ma a̱nggang! A̱mgba̱m ma̱ng a̱nia, jen nang Nggwon A̱tyubishyi na mbwuok a̱ bai mi̱ swanta hu a̱ni; á̱niet a̱mang bya nang gu na shya̱ nang ba̱ nwuak fwuo da̱ nggu?”

Luka 21:27

A̱wot a̱jawa konyan na ndi Nggwon A̱tyubishyi ka̱ chorop a̱ chobai a̱byin mi̱ ni̱nian ma̱ng a̱gba̱ndang tyok, mbeang a̱kyenkyai shi!

Luka 8:15

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na ma̱ng fwuo nyiung. A̱wot ba̱ si̱ sak na mi̱ nfwuo mba na. Ba̱ si̱ bu neap nfwuo mba na. Ba̱ si̱ nnyia̱ nta̱m. Ba̱ si̱ tyia̱ tswá gba̱mgbam.”

Yoona 21:22

Yesu si̱ nwuak gu shim, nyia̱, “Ka̱ n shim gu ndyo nyia̱ a̱ na swuan si̱ nat jen n na mbwuok a̱ni; yihwa ngyet si̱ nwan hu? Nwan, khwi ma̱ nung!”

Yoona 21:23

Mat a̱nia, nkhang na si̱ kai a̱ kaat á̱niet khwi Yesu ba, nang á̱ nyia̱ nggwon ta̱m kani na khwu bah. A̱wot Yesu ku hyia̱ nang gu na nwai khwu hwa bah. A̱ ku nyia̱, “Ki̱ n nyia̱ n na nghwon guu gu swuan si̱ nang n bwuok; yihwa ngyet a̱ka̱ta ang ka?”

A̱romawa 15:4

Kuzang kyang nang á̱ ku lyuut gbangbang ma̱ A̱lyiat A̱gwaza na a̱ni, á̱ ku lyuut wa da̱nian á̱ ka tyiet zi̱t, zi̱ mban si̱sak ji nang zi̱ na ntyia̱ fwuo a̱ni. A̱lyiat A̱gwaza na si̱ bu tyei nzi̱t gba̱gbak nang zi̱ nswan ma̱ng nyap fwuo fwuong a̱li̱ka̱uli A̱gwaza a̱ na bai da̱ a̱nu ka a̱ni.

A̱romawa 2:7

Á̱niet ba ba̱ ni̱ gbang a̱lyia̱ ba̱ nyia̱ a̱tan nta̱m, ba̱ ni̱ chat A̱gwaza a̱ chyin mba za̱m, a̱wot ba̱ ni̱ chat á̱ nang mba zang ji̱ yet swuan ji̱ nwai tyiai a̱ni; A̱gwaza na nang ntangka̱i á̱niet nani swuan sang sangba̱p.

1 A̱korontiyawa 1:7

Ma̱ninika, nyi byia̱ a̱mgba̱m kuzang tangka̱i za̱nang chet a̱za̱za̱rak Ntswa nang nyi chat a̱ni, nang nyi nswan ma̱ng di̱dang fwuong bwuok bai Yesu Kristi A̱tyoli nzi̱t wu a̱ni.

A̱ga̱la̱tiyawa 5:5

A̱wot nzi̱t, zi̱ swan swat A̱za̱za̱rak Ntswa a̱ni, zi̱ swan fwuong, zi̱ si̱ tyia̱ fwuo di̱ tsotswat nang A̱gwaza nyia̱ a̱li̱ka̱uli a̱ na nang nzi̱t mami nwuak fwuo di̱ Yesu a̱ni.

A̱ga̱la̱tiyawa 6:9

Mat a̱nia, zi̱ yok van ma̱ng nyian á̱ghyang a̱tan nta̱m bah. Mat ka̱ zi̱ nti̱n fwuo bah, da̱ a̱cha̱chaat jen chak yak wu, zi̱ na shya̱ kpangti̱n gba̱mgbam.

A̱kolosiyawa 1:11

Zi̱ bu naai A̱gwaza gu ka nang nyin chet gba̱mgbam ku neet mi̱ a̱gba̱ndang chet nggu wu a̱ni; da̱nian nyi ka gbang a̱lyia̱ mami swuo a̱bung, nyi ni̱ nyeap nfwuo nyin na ma̱ng a̱lyia̱ a̱sai gba̱mgbam.

1 A̱ta̱solonikawa 1:3

Kuzang jen zi̱ ni̱ jhyung nta̱m nang nyi nyia̱ mat nwuak a̱chuchuk a̱ni, ma̱ng chat á̱ghyang ku tyia̱ beang á̱ghyang a̱ni, ma̱ng gbang a̱lyia̱ mat tyia̱ fwuo mami Yesu Kristi a̱ yet A̱tyoli nzi̱t a̱ni.

1 A̱ta̱solonikawa 2:19

Yihwa yet kyang tyia̱ fwuo nzi̱t hu, ku a̱gwai, ku zang nzi̱t ji, nang zi̱ bye ntam a̱zaghyi A̱tyoli Yesu a̱tuk bwuok nggu ka? Mee nyin byaa?

1 A̱ta̱solonikawa 3:13

Yok A̱gwaza a̱ bu tyia̱ nfwuo nyin na gba̱gbak, nyi yet á̱niet sang a̱bun, nyi bu yet á̱za̱za̱rak a̱zaghyi nggu, a̱tuk nang A̱tyoli nzi̱t wu Yesu Kristi na mbwuok ndung ma̱ng á̱za̱za̱rak á̱niet khwi, ba̱ yet á̱si̱ nggu ba a̱ni.

Ibriniyawa 6:15

Mat a̱nia, Ibrahim si̱ nyap fwuo, a̱ si̱ fwuong. A̱wot a̱ si̱ san kyang nang A̱gwaza nyia̱ a̱li̱ka̱uli a̱ na nang nggu a̱ni.

Yakubu 4:11

Nyin á̱niet khwi Yesu ba nang n chat a̱ni, nyi yok tyam á̱ghyang nyin bah. Ka̱ nyi bat á̱ghyang nyin a̱hyiak, ku nyi nyia̱ á̱ghyang nyin shi̱ri̱ya, ku fa nyi bat doka A̱gwaza ji a̱hyiak, nyi si̱ nyia̱ nji shi̱ri̱ya meang. A̱wot ta̱m nyin hu hwa yet, nyi khwi doka A̱gwaza ji, nyi yok bat ji a̱hyiak bah. Kalak, nyi kyiak á̱pyia̱ nyin á ngyei nyi yet á̱niet nyia̱ shi̱ri̱ya bya tazwa doka ji.

Yakubu 5:10

Nyin á̱niet khwi Yesu ba, nyi khwi kidee nyap fwuo ma̱ng swuo a̱bung a̱yaata̱m a̱kwonu A̱gwaza ba, ba̱ ku shei A̱lyiat A̱gwaza na a̱ni.

Yakubu 5:3

Kurum nyin hu ku yet zi̱nariya ma̱ng a̱zurfa a̱ni, wa ka̱n kwa̱i. A̱wot ku si̱ tyia̱ a̱buk kyang. Zwá nyin ji nang nyi mba̱ng nfwuo nyi si̱ nta̱yuk a̱ni, ji̱ na fwui nvam nyin na nang long ni̱ nfwui kyang a̱ni. Zwá ji nang nyi tung sak a̱ni, jija na nnwuak sheda tazwa nyin a̱tuk shi̱ri̱ya ka.

2 Bitut 3:4

Ba̱ na mai ba di̱ lihyat nyia̱, “Yesu ku nyia̱ a̱li̱ka̱uli nyia̱ a̱ na bwuok a̱ bai, ma̱ a̱ ka̱n bwuok a? Neet nang a̱yaatyia̱ a̱khwop nzi̱t ba ka̱n kwi bah, kuzang kyang ni̱ li ma̱ cha̱chaat ma̱nang á̱ ku mmat swanta hu a̱ni!”