Yakubu 5:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Nyi tyia̱ á̱tsotswat á̱niet a̱bun, nyi si̱ tyia̱ á̱ hyaai mbaa. A̱wot da̱ mba, ba̱ si̱ mi̱n fwuo nyin dyo bah.

Yakubu 5:6 Iomraidhean Croise

Matyu 21:38

“A̱wot nang á̱niet khap ba ndi nggwon a̱tyu byia̱ a̱byin ka chobai a̱ni, ba̱ si̱ nyia̱ ma̱ng á̱ghyang mba, ‘Di, nggwon ka̱ na ya gado a̱byin hu a̱ni kya chobai! Nyi bai zi̱ hyat ka! A̱wot zi̱ san a̱byin ka, ka̱ yet a̱si̱ nzi̱t!’

Matyu 27:20

Ma̱ a̱cha̱chaat njen a̱wa, a̱yaapris ma̱ng á̱niet khwop á̱niet ba si̱ fuut á̱kpa á̱niet ka, ba̱ tak gwomna Bilatut gu ti̱n Ba̱ra̱bat a̱ ghwon, a̱wot á̱ hyat Yesu.

Matyu 5:39

A̱wot n bu mbeang shei nyin hu. Nyi yok nyia̱ na̱nvan nyi tan a̱ka̱tuk ma̱ng a̱ka̱tuk da̱ a̱tyu a̱ nyia̱ nyin a̱ka̱tuk a̱ni bah! Ka̱ a̱yin lwi ang di̱ lihyat di̱ kpang bwak yak ang hu, a bu bwuak kpang bwak myian hu, gu lwii.

Nta̱m A̱yaata̱m 22:14

“A̱jawa Ananiya si̱ nyia̱ ma̱ng a̱nung, ‘A̱gwaza a̱yaatyia̱ khwop nzi̱t wu, nggu wa khai ang, da̱nian a ka lyen kyang nang gu chat a̱ni, a̱wot a li A̱tsotswat A̱yin a̱wa, a bu fa̱k a̱lyiat a̱bwonu nggu na.

Nta̱m A̱yaata̱m 7:52

Á̱ ku mbyia̱ a̱ta̱m a̱kwonu A̱gwaza a̱nyiung nang a̱yaatyia̱ a̱khwop nyin ba ku nwai ya̱shuk a̱ni a̱?! A̱wot ba̱ ku mun á̱ hyaai a̱yaata̱m a̱kwonu A̱gwaza ba, ba̱ ku shei á̱zanson di̱ chobai A̱tsotswat A̱khwo A̱gwaza wu! Nggu wa yet Kristi nang nyi ku lyap, nyi si̱ hyat a̱ni.

Nta̱m A̱yaata̱m 8:32

A̱vwuo ka nang a̱tyu Ha̱basha wu ku fang mami A̱lyiat A̱gwaza na a̱ni, kikya ka: “Á̱ ku kwak gu nang zon seap a̱ni, á̱ nat ndyo di̱n tyan fak. A̱wot nang fi̱ng a̱nfwuk ni̱ nswan nyonywang, nang á̱ kywat chat hu a̱ni, a̱ si̱ kaat kyang bah!

Ibriniyawa 10:38

A̱wot a̱mgba̱m ma̱ng a̱nia, á̱tsotswat á̱niet nung ba, na yong di̱ nwuak fwuo mba hu. A̱wot ka̱ a̱yin ma̱ mba teap, a̱ si̱ bwuok lilyim, nung, n na fa̱k nyinyang gu bah.”

Yakubu 2:6

A̱wot nyi jhyuai á̱kunak na! Mee á̱niet nzwá bibya shyui nyin, ba̱ si̱ kwak nyin á̱ chong ndyo mi̱ tutu shi̱ri̱ya hu baa?

Yakubu 4:2

Nyi chat nkyang, da̱ nyi byia̱ a̱ni bah. A̱wot nyi ni̱ kwan ku nang ku na ntat nyin hyaai á̱niet bya, nyi ka shya̱ ná a̱ni. Nyi ni̱ kwi swam di̱ nkyang nang á̱ghyang á̱niet byia̱ a̱ni, da̱ nyin, nyi shya̱ bah. Mat a̱nia, nyi ni̱ ta̱bat zook ma̱ng a̱yaat ma̱ng á̱ghyang nyin, nyi ka san nkyang na mi̱ chet da̱ a̱vwuo mba. A̱mgba̱m ma̱ng a̱nia, nyi ni̱ shya̱ nkyang nyi chat a̱ni bah, mat nyi ni̱ naai A̱gwaza bah.

1 Bitut 4:18

Ma̱nang á̱ ndyuut ma̱ A̱lyiat A̱gwaza na a̱ni nyia̱, “Ka̱ ku na vwuo a̱khwu á̱ san á̱tsotswat á̱niet ba, yihwa na shya̱ á̱niet lak khwi A̱gwaza, ba̱ yet á̱niet a̱ka̱tuk nyia̱ a̱ni?”