Yakubu 5:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Nyin á̱niet nzwá, nyi wa ka̱n nyia̱ ndyia̱ ma̱ a̱di̱di̱t mami nyinyang swanta hu. Nyi si̱ swa̱i di̱ si̱sak nang nyi nchat a̱ni. Nyi ya, nyi si̱ tyia̱ nvam nfwuong mam nang á̱ na nyia̱ nyin shi̱ri̱ya, á̱ hyaai nyin nang á̱ ni̱ nfak nyák a̱ni.

Yakubu 5:5 Iomraidhean Croise

Luka 16:19

Yesu si̱ bu nyia̱, “A̱tyu nzwá wa swan, a̱ si̱ khwi a̱sham a̱shong a̱cha̱chet a̱yaatoot ma̱ng á̱si̱ mami ba̱ byia̱ kurum a̱ni. A̱wot a̱ si̱ swan, a̱ swuo nyinyang kuzang a̱tuk.

Luka 16:25

“Ibrahim si̱ nyia̱ ma̱ng a̱nggu, ‘Nggwon nung, jhyung jen ji nang a ku nswan nswat nyinyang ang hu mi̱ swanta hu a̱ni. Di̱n jen a̱ja, a ku shyat a̱tan kyang nang fwuo ang hu chat a̱ni, a si̱ swa̱i. Da̱ a̱kwonu a̱kya, nggu Laaza̱rut, a̱ ku shya̱ a̱bya̱bya̱ kyang wa! A̱wot ma̱ninika, a̱ji wa nang gu nshya̱ nang á̱ shyim nggu fwuo hu; nang nwan, a shya̱ di̱ swuo a̱bung ang a̱ja.

A̱romawa 13:13

Mat nang zi̱ ngyet á̱niet zi̱ swan mi̱ sai hwa ba̱ nwai swan mi̱n dyin a̱ni, ku yet ta hwa zi̱ swan a̱tan swat, da̱nian a̱mgba̱m á̱niet ba ba̱ ka li tangka̱i swat nzi̱t hu. Nyi yok mun á̱pyia̱ ma̱ng á̱niet ba̱ swan mi̱ ndyin a̱ni bah. Ntangka̱i á̱niet nani nia yet; á̱niet tsot wun, á̱niet hyeng a̱kan, ku á̱niet katnaan ma̱ng á̱niet a̱shi̱shi̱k nyia̱ nang a̱ka̱la̱m a̱ni, ku á̱niet fwuon zok ma̱ng kwi swam ma̱ng á̱ghyang.

1 Timoti 5:6

A̱wot a̱byii̱k nang a̱tyok nggu wu ka̱n khwu a̱ si̱ tyia̱ a̱pyia̱ nggu di̱ chat fa̱k nyinyang hwa ma̱nyin hu a̱ni, a̱ li nang kwom a̱ni mi̱ tswa nggu ji, ku nang gu ni̱ swuan.

2 Timoti 3:4

Á̱niet bani yet a̱yaabang a̱byin, á̱niet a̱gi̱gi̱k nyia̱, á̱niet ba̱ la̱u chat a̱kpai a̱ni, á̱niet chat fwuong nyinyang swak chat A̱gwaza hu.

2 Bitut 2:13

Swuo a̱bung mba hu hwa na yet zang mba ji mat a̱ka̱kpa̱t nang ba̱ nyia̱ a̱ni. Ku a̱ta̱mam ba̱ ni̱ chat ba̱ tyai á̱pyia̱ mba kpa̱sai di̱ fa̱k nyinyang ya á̱ tsa nswuo. Ba̱ yet kyang nsum hwa. A̱wot ba̱ si̱ tyia̱ á̱niet khwi ba nsum ma̱ng a̱na̱ndyung. Ba̱ fwuong nyinyang bwoi a̱ka̱laa, ku nang ba̱ ngya nkyayak mun á̱pyia̱ dundung ma̱ng a̱nyin a̱ni.

Yahuda 1:12

Jen nang á̱niet tyiet a̱ka̱laa bani mbang á̱ nwuai ba̱ ya kyayak mun á̱pyia̱ ma̱ng a̱nyin da̱ a̱di̱dam chat A̱gwaza a̱ni, ba̱ ni̱ tam, a̱wot da̱ mba ba̱ fwuong nsum bah. Ba̱ yet á̱ka̱tuk nang nfang mami a̱sa̱khwot na̱ na tyia̱ nyi ga̱u, nyi kwa nang kukwon a̱wak ni̱ nkwa di̱ nfang mami a̱sa̱khwot a̱ni. Ba̱ bu li nang á̱niet chok zón seap ba̱ sang nsum. Ba̱ chok ma̱ pyipyia̱ mba hwa. Ba̱ si̱ kai zón seap ji á̱ ghwon a̱ni. Ba̱ bu li nang á̱ni̱nian nang wun hyap á̱ kat di̱ mi̱n va za a̱ni. Ba̱ yet á̱buk á̱niet bya ba̱t. Ba̱ li nang a̱ka̱kwon na̱ kwi mi̱ njen a̱won, mat na̱ tyei sum bah. A̱wot á̱ si̱ nga a̱ka̱kwon a̱nia ma̱ng á̱ni̱nan ba á̱ weam a̱ni.

Tyai Á̱zanson 18:7

Ma̱nang a̱byii̱k wu ntam da̱ a̱pyia̱ nggu ma̱ng swat fa̱k nyinyang a̱ni; mat a̱nia, mak hu ma̱ cha̱chaat ma̱ng swuo a̱bung ma̱ng a̱lyia̱ byian! A̱ tam mi̱ fwuo nggu hu nyia̱, ‘N gyet a̱byii̱k a̱gwam di̱n chuk tyok nung ji! N sang a̱tyu beang nang a̱byii̱k nang a̱tyok gu khwu a̱ni bah! A̱wot n byia̱ kyang ku na tyia̱ nung a̱nak a̱ni bah!’