Yakubu 5:3 - A̠lyiat A̠gwaza na di̠n Tyap: A̠li̠ka̠uli A̠fai

³ Kurum nyin hu ku yet zi̱nariya ma̱ng a̱zurfa a̱ni, wa ka̱n kwa̱i. A̱wot ku si̱ tyia̱ a̱buk kyang. Zwá nyin ji nang nyi mba̱ng nfwuo nyi si̱ nta̱yuk a̱ni, ji̱ na fwui nvam nyin na nang long ni̱ nfwui kyang a̱ni. Zwá ji nang nyi tung sak a̱ni, jija na nnwuak sheda tazwa nyin a̱tuk shi̱ri̱ya ka.

Yakubu 5:3 Iomraidhean Croise

Nta̱m A̱yaata̱m 2:17

‘A̱gwaza nyia̱, “Di̱n jen ngaan ji, n na nang a̱mgba̱m á̱niet mi̱ swanta ba A̱za̱za̱rak Ntswa nung wu gba̱mgbam! Mman á̱sam ma̱ng mman á̱nap nyin na, na̱ na shei nkyang da̱ a̱kwonu nung á̱zanson. Nfi̱ng á̱tyok nyin na na nwuan a̱ma̱bwoi; ma a̱nia wa, á̱khwukhwop á̱niet nyin ba na laat a̱laat.

A̱romawa 2:5

A̱wot mat gba̱p a̱pyia̱ ang hu, ma̱ng fufwuo nchet ang hu, a si̱ lak ghwon a̱ka̱tuk nyia̱ ang wu. A̱nia wa a mban a̱pyia̱ ang kya si̱sak nang A̱gwaza na nnyia̱ ang shi̱ri̱ya ji byia̱ chet a̱ni. Mat a̱tuk mwai lyen A̱gwaza ka chobai, nang gu na nnyia̱ a̱tsotswat shi̱ri̱ya tazwa á̱niet ka kpa̱sai a̱ni.

2 Timoti 2:17

A̱lyiat na ba̱ tyiet a̱ni, na̱ teak nang a̱gba̱ndang a̱gap a̱ ya vam a̱yin a̱ni. A̱cha̱chet á̱niet tyiet a̱feang shya̱ ma̱ mba; bibya yet Himinayat ma̱ng Filitut.

2 Bitut 3:3

Kyang nyiung nang n chat n jhyung nyin a̱ni, huhwa yet; di̱ ngaan njen wu, nang Yesu ka̱n bwuok a̱ bai bah, á̱niet na ghwut ba̱ mai á̱niet khwi ba di̱ lihyat tazwa bwuok bai Yesu hu. A̱wot ba̱ na khwi a̱ka̱tuk shyuo nfwuo mba wu.

Tyai Á̱zanson 17:16

A̱shong a̱ka̱tuk nyam a̱yit wu ma̱ng a̱mgba̱m a̱ti̱tam swak nggu ba, ba̱ na lak li a̱byii̱k a̱ yet kham ji a̱ni. Ba̱ na khwuk a̱yaatoot nggu ba, ba̱ ghwon gu ka̱gbang. Ba̱ ya nam nggu hu. A̱wot kyang ku bwat ma̱ nggu a̱ni, ba̱ na fwui ma̱ng long.

Tyai Á̱zanson 20:15

Konyan wa da̱nang á̱ lyuut a̱lyoot nggu ka mami Ta̱ka̱da Nswuan hu a̱ni bah; á̱ na ta gu mami a̱gba̱ndang tswa a̱nga̱ngak ndong sang sangba̱p.

Tyai Á̱zanson 21:8

“A̱wot á̱niet a̱wun, á̱niet nwai khwi Yesu, á̱niet nyia̱ nkyang nsum, á̱niet hyaai á̱niet, á̱niet a̱shi̱shi̱k nyia̱, á̱niet nkut, á̱niet khwi nghwughwu a̱yaagwaza sang swuan, ma̱ng á̱niet bwoi kuzang tangka̱i a̱ka̱laa; záng mba ji na yet a̱gba̱ndang tswa ndong ji̱ ya long sa̱lfa a̱ni. A̱khwu kani kya á̱ ngyei a̱khwu a̱ka̱feang ka.”