Yakubu 5:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nyin á̱niet nzwá ba, nyi myiai a̱fufwuo nyi fa̱a̱k: Nyi twei a̱nak tsa nkhwot ndang a̱ghyi, mat a̱mgba̱m a̱ka̱tuk swuo a̱bung a̱ na bai nyin a̱ni.

Yakubu 5:1 Iomraidhean Croise

Yakubu 1:11

Jen nang mam ntat jenjai a̱ni, nkywat na ni̱ shyuk na̱ ta̱kut, shisham ji ji̱ tyak. A̱nia wa a̱tyu nzwa wu na khwu a̱ ghwon zwá ji nang gu swuo a̱bung a̱ tung da̱ a̱bwuang wu a̱ni.

Yakubu 2:6

A̱wot nyi jhyuai á̱kunak na! Mee á̱niet nzwá bibya shyui nyin, ba̱ si̱ kwak nyin á̱ chong ndyo mi̱ tutu shi̱ri̱ya hu baa?

Yakubu 4:13

Nyi fa̱k a̱lyiat nani, nyin á̱niet ba nyi ni̱ nyia̱, “A̱fwun ku a̱tson zi̱ na nat ma̱ a̱keang a̱ghyang. Zi̱ si̱ swan a̱ja a̱lyia̱ a̱nyiung. Zi̱ nyia̱ a̱bwuang a̱ja, a̱wot zi̱ ka shya̱ kpangti̱n gba̱mgbam a̱ni.”

Yakubu 4:9

Ku myim nyi twei ndang a̱ghyi mat a̱ka̱tuk nyia̱ nyin wu. Nyi bu fa̱k byian fwuo, nyi twei. Nyi yok mai nyin hu ku bwuak á̱ tyia̱ a̱nak, a̱wot a̱gwai nyin na na̱ bwuak á̱ tyia̱ byian fwuo.