Yakubu 4:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Ku myim nyi twei ndang a̱ghyi mat a̱ka̱tuk nyia̱ nyin wu. Nyi bu fa̱k byian fwuo, nyi twei. Nyi yok mai nyin hu ku bwuak á̱ tyia̱ a̱nak, a̱wot a̱gwai nyin na na̱ bwuak á̱ tyia̱ byian fwuo.

Yakubu 4:9 Iomraidhean Croise

Matyu 21:41

Á̱niet tyiet doka ba si̱ nwuak shim nyia̱, “A̱ na tyei á̱ka̱tuk á̱niet khap a̱bya a̱ka̱tuk a̱khwu. A̱wot a̱ bu khwap á̱ghyang á̱niet a̱byin ka; á̱si̱ ba ba̱ na jhyet gu a̱kwonu nggu ka mi̱ jen kpa̱i sum a̱na̱p ji kuzang jen a̱ni.”

Matyu 5:4

A̱gwaza tyei a̱li̱ba̱rka da̱ á̱niet, ba̱ shya̱ ma̱ng byian fwuo mat a̱ka̱tuk nyia̱ mba wu a̱ni. Mat á̱ na shyim mba nfwuo na.

Luka 16:25

“Ibrahim si̱ nyia̱ ma̱ng a̱nggu, ‘Nggwon nung, jhyung jen ji nang a ku nswan nswat nyinyang ang hu mi̱ swanta hu a̱ni. Di̱n jen a̱ja, a ku shyat a̱tan kyang nang fwuo ang hu chat a̱ni, a si̱ swa̱i. Da̱ a̱kwonu a̱kya, nggu Laaza̱rut, a̱ ku shya̱ a̱bya̱bya̱ kyang wa! A̱wot ma̱ninika, a̱ji wa nang gu nshya̱ nang á̱ shyim nggu fwuo hu; nang nwan, a shya̱ di̱ swuo a̱bung ang a̱ja.

Luka 6:21

A̱gwaza tyei a̱li̱ba̱rka da̱ nyin, nyi fwuong zong ma̱nini a̱ni; mat nyi na ya, nyi swa̱i. A̱gwaza tyei a̱li̱ba̱rka da̱ nyin, nyi twei ma̱nini a̱ni; mat ki̱ jen nyia̱, nyi na mai.

Luka 6:25

Ku swan nyin á̱niet, nyi byia̱ a̱swa, nyi si̱ bu ya a̱son ma̱nini a̱ni; mat a̱gba̱ndang zong na ya nyin á̱zanson. Ku swan nyin á̱niet, nyi mai ma̱nini a̱ni; mat mai nyin hu na bwuak a̱ tyia̱ byian fwuo ma̱ng a̱nak.