Yakubu 4:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Nyi shyei nat kpa̱mkpaan ma̱ng A̱gwaza. Nggu meang, a̱ na shyei a̱ bai kpa̱mkpaan ma̱ng a̱nyin. Nyin á̱niet a̱ka̱tuk nyia̱, nyi swan a̱za̱za̱rak nswat. Nyin á̱niet nyi khwi A̱gwaza ma̱ng nfwuo nfeang a̱ni, nyi jaat a̱mgba̱m nfwuo nyin na na̱ tyia̱ za̱za̱rak.

Yakubu 4:8 Iomraidhean Croise

Matyu 12:33

Ma a̱nia wa, ka̱ a̱kwon ka yet a̱ka̱nka̱ra̱ng, sum nka hu na yet a̱tan. A̱wot ka̱ a̱kwon ka byia̱ zwan, sum nka hu na yet a̱bombwuon. Mat a̱nia, á̱ ni̱ fi̱k a̱ka̱nka̱ra̱ng a̱kwon wu mat sum nka hu hwa.

Matyu 15:2

“Yihwa mbyia̱ mman ta̱m ang na ndak khwi taada á̱niet khwop á̱niet nzi̱t ji? Mat ba̱ ni̱ kwi mbwak mba na, ba̱ sii ya kyayak bah.”

Matyu 27:24

Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”

Nta̱m A̱yaata̱m 15:9

Nzi̱t A̱yahudawa ba ma̱ng Nnwap na̱ nwai yet A̱yahudawa a̱ni; A̱gwaza khai a̱yin bah. A̱ chi a̱ka̱tuk nyia̱ mba wu, mat ba̱ nwuak fwuo da̱ nggu meang.

2 A̱korontiyawa 7:1

Nyin á̱niet khwi Yesu ba nang n chat a̱ni, mat nang A̱gwaza ka̱n nda̱p nkyang nani a̱ sak a̱ni, si̱ zi̱ ghwon a̱ka̱tuk nyia̱ a̱ tyei nzi̱t a̱na̱ndyung mi̱ nvam nzi̱t na ma̱ng tswá nzi̱t ji a̱ni. A̱wot yok zi̱ ntyia̱ a̱lyia̱, zi̱ yet á̱za̱za̱rak á̱niet, mat zi̱ fwuong a̱wun A̱gwaza.

1 Timoti 2:8

N chat á̱tyok ba mi̱ kuzang a̱tung sot á̱niet khwi ba̱ naai A̱gwaza wu, ma̱ng neap a̱za̱za̱rak mbwak mba wu tswazwa kuzang jen di̱ mi̱n mwai lyen, ma̱ng nwai but mi̱ fwuo.

Ibriniyawa 10:22

si̱ zi̱ shyei ma̱ sa̱t nat kpa̱mkpaan a̱zaghyi A̱gwaza ma̱ng fwuo nyiung, si̱ zi̱ nwuak fwuo da̱ nggu. Mat á̱ wa ka̱n ya̱sang a̱sok Kristi na da̱ a̱ka̱tuk a̱di̱dam nzi̱t wu, da̱nian na̱ ka jaat nzi̱t. A̱wot á̱ si̱ kwi nvam nzi̱t na ma̱ng a̱za̱za̱rak a̱sa̱khwot.

Ibriniyawa 7:19

(Mat doka ji ka̱n mak jhyi kyang cha̱chaat bah). Di̱ nvak ghyang, ma̱ninika zi̱ byia̱ gbang a̱lyia̱ mat zi̱ shya̱ a̱tsatsak tyia̱ fwuo a̱ swak doka ji a̱ni. Nggu wa na tyia̱ nzi̱t, zi̱ nnat kpa̱mkpaan ma̱ng A̱gwaza.

Yakubu 1:8

Tangka̱i a̱yin a̱hwa nang fwuo nggu hu shya̱ da̱ A̱gwaza ma̱ng swanta a̱ni, a̱ byia̱ a̱vwuo yong mi̱ kuzang kyang nang nggu nyia̱ a̱ni bah.

Yakubu 3:17

A̱wot mumwang hu ku neet Ma A̱gwaza tswazwa a̱ni; di̱n tsa hu, ku yet a̱za̱za̱rak wa. Ku si̱ bu tyei swat nyinyang, nyia̱ shonshyon ma̱ng gwai á̱ghyang, ghyuai a̱pyia̱, ma̱ng fwuong kunak á̱ghyang. A̱tyu a̱ byia̱ mumwang a̱hwa a̱ni, a̱ ni̱ yong mi̱ di̱ nyia̱ a̱tan nta̱m. Da̱ nggu, a̱ khai á̱niet da̱ á̱ghyi bah. A̱wot a̱ si̱ yong da̱ a̱chuchuk kuzang jen.

1 Bitut 1:22

Á̱ ku jaat nyin a̱ka̱tuk nyia̱ nyin wu di̱n jen nang nyi ku nwuo khwi a̱chuchuk wu a̱ni. Ma̱ninika, ku yet ta hwa, nyi tak nang nyi nchat á̱ghyang nyin a̱tsatsak chat nang á̱na̱nyiuk a̱ni. Nyi chat á̱ghyang nyin ma̱ng a̱mgba̱m nfwuo nyin na.

1 Bitut 3:21

A̱sa̱khwot a̱nia ku yet kidee ba̱ptisman ja. Ma̱nini ni̱nia san nyin, na̱ yet a̱si̱ kwi a̱lyuk mi̱ vam nia bah. A̱wot na̱ yet kidee nwuak shim hwa da̱ A̱gwaza neet mami a̱za̱za̱rak nfwuo. Na̱ san nyin mat doot Yesu Kristi ma̱ á̱niet ba̱ ka̱n kwi a̱ni.

1 Yoona 3:3

A̱wot konyan wa tyia̱ fwuo di̱ Kristi, a̱ ni̱ ja̱u a̱pyia̱ nggu, ma̱nang Kristi nja̱u a̱pyia̱ nggu a̱ni.