Yakubu 4:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Mat a̱nia, nyi ghyuai á̱pyia̱ nyin a̱zaghyi A̱gwaza. Nyi nyia̱ na̱nvan ma̱ng A̱ta̱nyeang ka, a̱wot ka̱ na tyong ka̱ ghwon nyin.

Yakubu 4:7 Iomraidhean Croise

Matyu 11:29

Nyi kyiak a̱byi̱ri̱m khwi nung wu dundung ma̱ng a̱nung, a̱wot nyi myiam da̱ a̱vwuo nung. Mat n gyet shonshyon mi̱ fwuo. N si̱ ngyet a̱tyu ghyuai a̱pyia̱. A̱wot nyi na shya̱ fwung mi̱ nfwuo nyin na.

Nta̱m A̱yaata̱m 26:19

“Mat a̱nia, A̱gwam A̱ga̱riba, swuan ang ji labeang, n ku nkhwi a̱ma̱bwoi a̱wa za̱m, a̱ ku neet Ma A̱gwaza tswazwa ka a̱ni.

Nta̱m A̱yaata̱m 9:6

Ma̱ninika, doot a nwuo ma̱ a̱keang ka! A̱wot á̱ na tak ma̱ng a̱nwan kyang ku yet ta nang a na nyia̱ a̱ni.”

A̱romawa 10:3

A̱wot á̱niet Isi̱rela ba fi̱k vak hu nang A̱gwaza ni̱ ntak kpa̱sai nang gu nkyiak á̱niet ba̱ yet á̱tsotswat ma̱ng sang a̱bun a̱zaghyi nggu a̱ni bah. Da̱ a̱kwonu a̱kya, ba̱ si̱ ta̱yuk di̱n vak á̱pyia̱ mba hwa nang ba̱ na ngyet á̱tsotswat á̱niet ma̱ng sang a̱bun a̱zaghyi A̱gwaza a̱ni. Vak mba hu hwa yet kwan khwi doka. A̱wot ba̱ si̱ lak san vak nang A̱gwaza ntyei á̱niet tsotswat ma̱ng sang a̱bun a̱zaghyi nggu a̱ni.

A̱romawa 14:11

Ma̱nang á̱ ndyuut ma̱ A̱lyiat A̱gwaza na nyia̱, “A̱gwaza tak nyia̱, ‘A̱tsak a̱lyiat, nang n shya̱ a̱chet a̱ni, konyan na kpaat a̱khwukhwut a̱zaghyi nung. A̱wot konyan bu na shim ma̱ng a̱nu nggu ka, a̱wot a̱ bu dyep A̱gwaza.’ ”

A̱fisawa 4:27

Mat mwai lyen ni̱ nwuak A̱ta̱nyeang ka a̱wat, ka̱ tyia̱ nyin nyia̱ a̱ka̱tuk nyia̱.

A̱fisawa 5:21

Nyi ni̱ nwuak á̱ghyang pyipyia̱ nyin, mat nang nyi fwuong a̱wun Kristi a̱ni.

A̱fisawa 6:13

Mat a̱nia, nyi ni̱ nkyiak a̱mgba̱m nkyang zwang na nang A̱gwaza nwuak nyin a̱ni. Nyi nkup á̱pyia̱ nyin, da̱nian nyi ka yong mi̱ chet a̱tuk a̱ka̱tuk mam a̱kya. A̱jawa, jen nang nyi na ntyak zwáng ji a̱ni, á̱ na shya̱ nyin nang nyi ni̱ yong mi̱ chet.

Ibriniyawa 12:9

Ma̱ng a̱nia, zi̱ byia̱ a̱yaatyia̱ mi̱ swanta hu, ba̱ ni̱ nyep nzi̱t a̱ni, a̱wot zi̱ ni̱ nwuat ba shi. Ku na yet a̱ swak zi̱ shim zi̱ nwuak á̱pyia̱ nzi̱t da̱ a̱vwuo A̱tyia̱ nzi̱t wu a̱ ba̱ng tswá nzi̱t ji a̱ni, a̱ nyep zi̱t da̱nian zi̱ ka swuan si̱ nat sang sangba̱p baa?

1 Bitut 2:13

Mat nang nyi nfwuong a̱wun A̱gwaza a̱ni, nyi khwi tyok a̱yaakwak a̱son á̱nietbishyi, ku a̱gba̱ndang a̱gwam shan A̱romawa a̱ ba̱ng a̱mgba̱m tyok a̱byin hu a̱ni,

1 Bitut 5:6

Mat a̱nia, nyi ghyuai á̱pyia̱ nyin a̱zaghyi A̱gwaza a̱ byia̱ a̱gba̱ndang chet a̱ni, da̱nian A̱gwaza si̱ ba̱ ta̱ngam nyin, a̱ nwuak nyin shi da̱ a̱tsatsak njen.