Yakubu 4:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱tsak a̱lyiat, A̱gwaza nyia̱ nzi̱t shok gba̱mgbam, ji̱ lan a̱ka̱tuk nshyuo a̱ shya̱ mi̱ fwuo nzi̱t na a̱ni. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱gwaza lak á̱niet ba̱ byia̱ gba̱p a̱pyia̱ a̱ni. A̱wot a̱ si̱ fa̱k shok á̱niet ba̱ ghyuai á̱pyia̱ mba a̱ni.”

Yakubu 4:6 Iomraidhean Croise

Matyu 13:12

Á̱niet ba̱ fwuong tyiet nung hu shansham a̱ni, á̱ na mbeang mba lyen hu, a̱wot ba̱ bu lyen gba̱mgbam. A̱wot á̱niet ba̱ lak fwuong tyiet nung hu a̱ni, ku a̱bankyang nang ba̱ fa ba̱ lyen a̱ni, á̱ na san nka á̱ ghwon mbaa.

Matyu 23:12

A̱wot á̱niet ba̱ byia̱ gba̱p a̱pyia̱ a̱ni, á̱ na jhyuai mbaa. A̱wot á̱niet ba̱ ghyuai á̱pyia̱ mba a̱ni, á̱ na nwuak ba shi.

Luka 1:52

A̱ si̱ chyok ma̱ng á̱gwam di̱ kyang nswat ntyok mba na. A̱wot a̱ si̱ nwuak á̱niet ba̱ ghyuai á̱pyia̱ mba a̱ni, shi.

Luka 14:11

Mat a̱nia, a̱tyu a̱ nwuak a̱pyia̱ nggu shi a̱ swak á̱ghyang á̱niet a̱ni, A̱gwaza na ghyuai nggu. A̱wot a̱tyu a̱ ghyuai a̱pyia̱ nggu a̱ni; nggu wa A̱gwaza na tyia̱ gu shi hu.”

Luka 18:14

N hyia̱ ma̱ng a̱nyin, a̱tyu saai kurum ga̱ndu wuni a̱ yet a̱tyu a̱ka̱tuk nyia̱ wu a̱ni; nggu wa nang A̱gwaza kyiak a̱ yet a̱tsotswat a̱zaghyi nggu, a̱ sii bwuok a̱ nat a̱mali; a̱wot kang ma̱ng a̱tyu A̱fa̱risawa wu. Mat a̱nia, a̱tyu a̱ nwuak a̱pyia̱ nggu shi a̱ni, á̱ na ghyuai shi nggu hu. A̱wot a̱tyu a̱ ghyuai a̱pyia̱ nggu a̱ni, á̱ na nwuak gu shi.”

Yakubu 4:10

Nyi ghyuai á̱pyia̱ nyin a̱zaghyi A̱gwaza. A̱wot a̱ na ta̱ngam nyin tazwa, a̱ nwuak nyin shi.

1 Bitut 5:5

Ma a̱nia wa, nyin nfi̱ng á̱niet na, ku yet ta hwa nyi khwi tyok á̱niet khwop á̱niet hu. A̱wot a̱mgba̱m nyin, nyi beang á̱ghyang kuzang jen. Nyi yok nyia̱ gba̱p a̱pyia̱ bah, ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱gwaza lak gba̱p a̱pyia̱ á̱nietbishyi. A̱wot a̱ si̱ fa̱k shok á̱niet ba̱ ghyuai pyipyia̱ mba da̱ a̱vwuo nggu a̱ni.”