Yakubu 4:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Ke nyi fa nyia̱ A̱lyiat A̱gwaza nang á̱ lyuut a̱ni, yet a̱buk kyang wa nyia̱, “A̱za̱za̱rak Ntswa wu nang A̱gwaza ta̱m ma̱ng a̱nzi̱t ndyo a̱ni, kwi swam ba̱t da̱ nzi̱t!”

Yakubu 4:5 Iomraidhean Croise

Yoona 10:35

A̱wot nyi lyen nang A̱lyiat A̱gwaza na nang á̱ lyuut a̱ni, ngyet a̱ka̱laa nia bah. Ka̱ A̱gwaza ngyei á̱niet ba ba̱ fa̱k a̱lyiat nggu na a̱ni, nyia̱ ba̱ yet ‘a̱yaagwaza’;

Yoona 19:37

A̱wot A̱lyiat A̱gwaza a̱ghyang si̱ bu nyia̱, “Á̱niet na nwuan a̱tyu nang ba̱ ku ti̱p a̱ni.”

Yoona 7:42

Wá ngyei A̱lyiat A̱gwaza na nyia̱ Kristi wu na ghwut mi̱ kwai Da̱wuda ja. A̱wot á̱ byin nggu ma̱ a̱keang Ba̱italami, a̱da̱dei a̱keang nang a̱gwam Da̱wuda ku nswan a̱ni a?”

Nta̱m A̱yaata̱m 7:9

“Á̱na̱nyiuk Isuu ba si̱ kwi swam di̱ Isuu. A̱wot ba̱ si̱ lyap gu a̱ si̱ nyia̱ khwo ma̱ a̱byin Ma̱sa̱r. A̱mgba̱m ma̱ng a̱nia, A̱gwaza si̱ shya̱ dundung ma̱ng a̱nggu.

A̱romawa 1:29

Nfwuo á̱niet nani ni̱ la̱u nyia̱ kuzang ntangka̱i nkyang na̱ nwai yet á̱tsotswat a̱ni, a̱ka̱tuk nyia̱, wuwok nkyang swanta, ma̱ng lak li á̱ghyang. Ba̱ yet á̱niet kwi swam, hyaai á̱ghyang á̱niet, á̱niet fwuon zook, á̱niet laai á̱niet, ba̱ ni̱ kwan ba̱ bwuk ma̱ng á̱niet di̱ mumwang, a̱wot ba̱ yet á̱niet chwaat a̱lyiat bya.

A̱romawa 9:17

Ma̱nang A̱gwaza ku ntak ma̱ng Fi̱ra̱una a̱ni, nyia̱, “N ku nkup ang tyok hu, da̱nian n ka tak chet nung hu da̱ a̱vwuo ang. N bu ntyia̱ á̱ lyen a̱lyoot nung ka koji mi̱ swanta hu.”

1 A̱korontiyawa 6:19

Nyi ka̱n fi̱k nang nvam nyin na ngyet a̱li A̱za̱za̱rak Ntswa kya baa? A̱za̱za̱rak Ntswa wu swan mami nyin, a̱wot A̱gwaza wa nang nyin nggu baa? A̱wot nyin bya, byia̱ á̱pyia̱ nyin bah,

2 A̱korontiyawa 6:16

Yihwa mun A̱li Nwuat Za̱nang A̱gwaza ma̱ng tutu ghwughwu a̱gwaza sang swuan? Mat zi̱ bya yet A̱li Nwuat Za̱nang A̱gwaza ka. Ma̱nang A̱gwaza wu nhyia̱ a̱ni, nyia̱, “Nung, A̱gwaza, n nyia̱ ‘N na swan dundung ma̱ng a̱mba, a̱wot n chong ma̱ a̱ka̱wa̱tyia̱ mba. N na gyet A̱gwaza mba. A̱wot mba meang, ba̱ na yet á̱niet nung.’

A̱ga̱la̱tiyawa 3:8

A̱wot mbeang a̱nia, A̱lyiat A̱gwaza na ku mi̱ ntak jen nang A̱gwaza na ntak kpa̱sai nang gu nkyiak Nnwap na̱ nwai yet A̱yahudawa a̱ni á̱tsotswat ma̱ng sang a̱bun a̱zaghyi nggu, mat nang ba̱ nnwuak fwuo da̱ A̱gwaza a̱ni. A̱gwaza ku tak ma̱ng Ibrahim A̱sham Nkhang kani neet gbangbang di̱n jen nang gu ku nyia̱ a̱li̱ka̱uli ma̱ng a̱nggu, nyia̱, “A̱mgba̱m Nnwap na̱ nwai yet A̱yahudawa a̱ni, na shya̱ a̱li̱ba̱rka wu da̱nian ang kya.”

Titut 3:3

Nzi̱t ma̱ á̱pyia̱ nzi̱t, gbangbang zi̱ ku nyia̱ bwuon. Zi̱ si̱ lak fwuong. Á̱ si̱ laai nzi̱t. Zi̱ ku yet á̱khwo bya di̱ nkyang shyuo mi̱ chat fa̱k nyinyang swanta hu ma̱ a̱di̱di̱t. Zi̱ ku swan a̱ka̱tuk nswat, ma̱ng kwi swam. Zi̱ si̱ ba̱ng á̱ghyang mi̱ fwuo. Zi̱ si̱ lak li á̱ghyang.