Yakubu 4:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.

Yakubu 4:4 Iomraidhean Croise

Matyu 12:39

Yesu si̱ nwuak ba shim nyia̱, “Che ku yet a̱ka̱tuk ma̱ng nwai nyia̱ tsotswat nang si̱ huni a̱ni, huhwa ni̱ chat li nkyang a̱lama na. A̱wot mi̱ a̱lama wu n na ntak ba a̱ni, nggu wa yet a̱si̱ Yunana a̱ta̱m a̱kwonu A̱gwaza.

Matyu 16:4

Nyin á̱ka̱tuk á̱niet nyi nwai khwi tsotswat mi̱ che a̱fwun huni! Nyi chat li a̱yaalama ba̱ yet nkyang a̱ga̱de. A̱wot mi̱ a̱lama nang n na tak nyin a̱ni, gu wa yet a̱si̱ Yunana wu ma̱nyin gu.” A̱jawa Yesu si̱ ghwon baa, a̱ si̱si̱ nkat.

Matyu 6:24

“Á̱ mbyia̱ a̱tyu a̱ na nyia̱ khwo a̱yaatyoli a̱feang a̱ni bah. Ku a̱ lak a̱tyo nyiung, a̱wot gu chat a̱tyo nyiung wu. Ma a̱nia wa, a̱ na nwuak a̱tyo nyiung wu shi, a̱wot a̱ jhyuai a̱tyo nyiung wu. Ma a̱nia wa, nyi si̱ mi̱n nyia̱ A̱gwaza khwo ntsa bu nnyia̱ khwo kurum bah.

Luka 19:27

“ ‘A̱wot tazwa á̱niet ba̱ lak li nung, ba̱ bu lak n gyet a̱gwam mba wu a̱ni; nyi bai ma̱ng a̱mba, nyi hyaai mba a̱zaghyi nung!’ ”

Yoona 15:19

Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.

Yoona 17:14

N si̱ ntak ma̱ng a̱mba A̱lyiat ang na. A̱wot á̱niet mi̱ swanta ba si̱ lak li mbaa, mat ba̱ yet á̱niet mi̱ swanta bya bah; ma̱nang nung n nwai ngyet a̱tyu mi̱ swanta wu a̱ni.

Yoona 7:7

Swanta hu si̱ mi̱n dak nyin bah. A̱wot nung gwa nang á̱niet mi̱ swanta ba lak li hu. Mat n tak ma̱ng a̱mba nang ba̱ nyian a̱ka̱tuk nkyang.

A̱romawa 5:10

Ma a̱nia wa, ma̱nang zi̱ wa ni̱ ngyet á̱niet lak li A̱gwaza bya a̱ni, a̱wot Yesu Kristi si̱ jhyi swat kpa̱ndang nzi̱t hu ma̱ng A̱gwaza di̱n vak a̱khwu nggu hu, a̱tsak a̱lyiat, ku fa nang A̱gwaza na nsan nzi̱t za̱m di̱n vak nwuak swuan Nggwon nggu ji ja.

A̱romawa 8:7

Za̱kwa a̱ka̱tuk nyia̱ ji ni̱ lak li A̱gwaza nchi̱ri̱ng. A̱wot za̱kwa a̱ka̱tuk nyia̱ si̱ mi̱n mak khwi doka A̱gwaza ji bah. A̱tsak a̱lyiat, ji̱ si̱ mi̱n mak mi̱ mak ji̱ khwi doka ji bah.

1 A̱korontiyawa 1:20

A̱tyu mumwang wu shya̱ a̱ji wa? A̱yaagwak tyiet doka ba shya̱ a̱ji wa? Á̱niet ba̱ fa ba̱ lyen kuzang kyang mi̱ jen a̱fwun ji a̱ni, shya̱ a̱ji wa? A̱gwaza tyia̱ mumwang swanta huni li nang bwuon hwa a̱ni.

1 A̱korontiyawa 1:21

Nang A̱gwaza mami mumwang nggu hu ntyia̱ swanta hu ku lyen gu mat mumwang a̱tyubishyi hwa a̱ni bah; huhwa mbyia̱ A̱gwaza khai gu san á̱niet ba̱ nwuak fwuo da̱ a̱nggu, mat shei a̱lyiat nang á̱ nwuan nang bwuon hwa a̱ni.

A̱ga̱la̱tiyawa 1:10

A̱tsak a̱lyiat, n chat á̱nietbishyi bya ba̱ chyin nung bah. N chat A̱gwaza wa a̱ fa̱k nyinyang gu chyin nung! Ki̱ n wa chat á̱nietbishyi bya ba̱ chyin nung, si̱ n gyet a̱tsak a̱khwo Kristi bah.

Yakubu 1:27

Khwi hu nang A̱gwaza a̱ yet A̱tyia̱ nzi̱t wu kyiak ku yet a̱za̱za̱rak ma̱ng sang a̱bun a̱ni, huhwa yet; nyi ni̱ mbeang á̱kunak na ma̱ng á̱nyiuk ba nang á̱tyok mba ba kwi á̱ ghwon a̱ni. Nyi bu khap á̱pyia̱ nyin ma̱ a̱ka̱tuk nyia̱ swanta wuni, kalak ku tyei nyin a̱na̱ndyung.