Yakubu 4:2 - A̠lyiat A̠gwaza na di̠n Tyap: A̠li̠ka̠uli A̠fai

² Nyi chat nkyang, da̱ nyi byia̱ a̱ni bah. A̱wot nyi ni̱ kwan ku nang ku na ntat nyin hyaai á̱niet bya, nyi ka shya̱ ná a̱ni. Nyi ni̱ kwi swam di̱ nkyang nang á̱ghyang á̱niet byia̱ a̱ni, da̱ nyin, nyi shya̱ bah. Mat a̱nia, nyi ni̱ ta̱bat zook ma̱ng a̱yaat ma̱ng á̱ghyang nyin, nyi ka san nkyang na mi̱ chet da̱ a̱vwuo mba. A̱mgba̱m ma̱ng a̱nia, nyi ni̱ shya̱ nkyang nyi chat a̱ni bah, mat nyi ni̱ naai A̱gwaza bah.

Yakubu 4:2 Iomraidhean Croise

Yoona 16:24

Ba̱ tat nang yong huni a̱ni, nyi ka̱n dyip kyang da̱ a̱lyoot nung bah. Nyi lyip, nyi na san, da̱nian a̱gwai nyin na na̱ ka yet a̱jhyem.

Yoona 4:10

Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yakubu 1:5

Ka̱ a̱yin ma̱ nyin chat mumwang, a̱ naai A̱gwaza wu a̱ ka̱u konyan gba̱mgbam ma̱ng fwuo a̱nyiung a̱ni. A̱wot A̱gwaza na tyia̱ nggu a̱bun di̱ naai nggu hu bah.

Yakubu 5:6

Nyi tyia̱ á̱tsotswat á̱niet a̱bun, nyi si̱ tyia̱ á̱ hyaai mbaa. A̱wot da̱ mba, ba̱ si̱ mi̱n fwuo nyin dyo bah.

1 Yoona 3:15

Konyan wa lak li a̱tyu khwi a̱ghyang, ku fa nang gu ngyet a̱tyu hyaai á̱niet wa mi̱ fwuo nggu hu. A̱wot nyi lyen nang á̱niet hyaai á̱niet mbyia̱ swuan sang sangba̱p bah.