Yakubu 4:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Yihwa tyei a̱ka̱yaat na ma̱ng zok ji tsi̱tsak nyin? N wa ngyei a̱ka̱tuk nshyuo wu wa a̱ kwan mi̱ nfwuo nyin na a̱ni a?

Yakubu 4:1 Iomraidhean Croise

Matyu 15:19

Mat mi̱ fwuo hwa nang a̱ka̱tuk a̱di̱dam wu nghwut; hyat a̱yin, katnaan, kuzang tangka̱i a̱shi̱shi̱k nyia̱, tsang, bwoi a̱ka̱laa, ma̱ng tyam á̱ghyang.

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

A̱romawa 7:23

A̱wot chet ghyang shya̱ ma̱ nung ku ni̱ nyia̱ zwang mi̱ fwuo nung hu. Ku ni̱ tyia̱ nung n gyet a̱khwo za̱kwa a̱ka̱tuk nyia̱, ji̱ shya̱ ma̱ nung a̱ni.

A̱romawa 7:5

Mi̱ jen ji ji̱ swak a̱ni, a̱khwukhwop za̱kwa ku nyia̱ tyok da̱ nzi̱t, di̱dang nyia̱ a̱ka̱tuk nyia̱ si̱ nyia̱ tyok mi̱ nfwuo nzi̱t na. Doka ji si̱ fuut di̱dang a̱ka̱tuk nyia̱ ku tyei nzi̱t, zi̱ nyia̱ a̱ka̱tuk nyia̱ gba̱mgbam a̱ tyei a̱khwu a̱ni.

A̱romawa 8:7

Za̱kwa a̱ka̱tuk nyia̱ ji ni̱ lak li A̱gwaza nchi̱ri̱ng. A̱wot za̱kwa a̱ka̱tuk nyia̱ si̱ mi̱n mak khwi doka A̱gwaza ji bah. A̱tsak a̱lyiat, ji̱ si̱ mi̱n mak mi̱ mak ji̱ khwi doka ji bah.

A̱ga̱la̱tiyawa 5:17

Mat za̱kwa a̱ka̱tuk nyia̱ nyin ji fwuong di̱dang nyia̱ a̱ka̱tuk. A̱wot ji̱ si̱ nyia̱ na̱nvan ma̱ng kyang hu nang A̱za̱za̱rak Ntswa wu chat a̱ni. Ma a̱nia wa, A̱za̱za̱rak Ntswa wu tyei nzi̱t di̱dang kyang ku nyia̱ na̱nvan ma̱ng kyang nang za̱kwa a̱ka̱tuk nyia̱ nyin ji chat a̱ni. Za̱kwá sweang jini kwan á̱ nchi̱ri̱ng ma̱ng á̱ghyang. Huhwa mbyia̱ nyi byia̱ sa̱t nang nyi na nnyia̱ a̱tan nkyang nang nyi chat nyia̱ hu a̱ni bah.

A̱kolosiyawa 3:5

Mat a̱nia, si̱ nyi tyia̱ a̱mgba̱m kuzang tangka̱i a̱ka̱tuk nyia̱ za̱kwa wu ma̱ nyin a̱ khwu, a̱wot nyi ghwon ngguu. Nggu wa yet a̱si̱ swanta a̱ shya̱ mi̱ nfwuo nyin na a̱ni, kidee; a̱shi̱shi̱k nyia̱ sang nsum, swat ku yet si̱ a̱na̱ndyung a̱ni, shyuo nvam, ma̱ng a̱ka̱tuk di̱dang á̱ghyang. Nyi yok yet á̱niet wuwok bah, mat a̱tyu wuwok li nang a̱tyu a̱ kwok ntong a̱zaghyi nghwughwu a̱yaagwaza sang swuan a̱ni.

2 Timoti 2:23

Lak kyang ku na mun ang ma̱ng ya fwuang ma̱ tai di̱ ku byia̱ a̱pyia̱ a̱ni bah. A lyen nang a̱lyiat nani na ntyak di̱ zok ja.

Titut 3:3

Nzi̱t ma̱ á̱pyia̱ nzi̱t, gbangbang zi̱ ku nyia̱ bwuon. Zi̱ si̱ lak fwuong. Á̱ si̱ laai nzi̱t. Zi̱ ku yet á̱khwo bya di̱ nkyang shyuo mi̱ chat fa̱k nyinyang swanta hu ma̱ a̱di̱di̱t. Zi̱ ku swan a̱ka̱tuk nswat, ma̱ng kwi swam. Zi̱ si̱ ba̱ng á̱ghyang mi̱ fwuo. Zi̱ si̱ lak li á̱ghyang.

Titut 3:9

A̱wot tyong zan, a yok a̱tai nfwuang ma̱ng lyuut lyulyoot nche a̱yaatyia̱ khwop, ma̱ng fwuang, ma̱ng zok tazwa khwi doká Musa ji. Mat ji̱ yet kyang tswa bah. Da̱ nji, ji̱ si̱ mi̱n beang bah.

Yakubu 1:14

Di̱dang nkyang swanta ni̱ laai a̱tyubishyi a̱ tyia̱ zan, si̱ a̱hwa hwa yet a̱tyin mak ka.

Yakubu 4:3

A̱wot jen nang nyi nnaai A̱gwaza kyang a̱ni, da̱ nggu a̱ na nang nyin bah. Mat, nyi ni̱ naai ma̱ng a̱ka̱tuk a̱di̱dam. Nyi ni̱ chat nkyang nyi naai a̱ni, nyi ka nfa̱k nyinyang á̱pyia̱ nyin hwa ma̱nyin nyin.

1 Bitut 1:14

Ku yet ta hwa nyi swan nang mman A̱gwaza na̱ khwi a̱lyiat nggu na a̱ni. Nyi yok khwi swat mi̱ ndyin di̱n jen swak nyin ji bah. Swat a̱hwa ku yet nyinyang shyuo vam nyin hwa.

1 Bitut 2:11

Nyin á̱niet khwi Yesu ba nang n chat a̱ni, n gba nyin á̱niet nyi yet á̱nietchen ma̱ng á̱niet ba̱ bai a̱na̱nda da̱ a̱bada̱dei njen mi̱ swanta huni a̱ni. Nyi yok ghwon a̱ka̱tuk nshyuo swanta wu, a̱ nyia̱ zwang mi̱ fwuo nyin na bah.

2 Bitut 2:18

Á̱niet tyiet bwoi a̱ka̱laa a̱bya tam da̱ á̱pyia̱ mba ma̱ng a̱tai a̱lyiat. A̱wot ba̱ ghwon á̱niet ba̱ khwi shyuo nvam mba ji, ku tyia̱ ba̱ nwuo a̱shi̱shi̱k nyia̱ nang a̱ka̱la̱m a̱ni. A̱ni wa ba̱ ndaai á̱niet ba, ba̱ sii tsa ghwut ma̱ á̱niet ba̱ nyia̱ a̱ka̱tuk a̱ni.

2 Bitut 3:3

Kyang nyiung nang n chat n jhyung nyin a̱ni, huhwa yet; di̱ ngaan njen wu, nang Yesu ka̱n bwuok a̱ bai bah, á̱niet na ghwut ba̱ mai á̱niet khwi ba di̱ lihyat tazwa bwuok bai Yesu hu. A̱wot ba̱ na khwi a̱ka̱tuk shyuo nfwuo mba wu.