Yakubu 3:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Kikya nang zi̱ ndyep A̱gwaza a̱ yet A̱tyoli nzi̱t wu a̱ni. Kikya zi̱ bu nfwoi á̱niet ba nang A̱gwaza mat ba̱ tai nggu a̱ni.

Yakubu 3:9 Iomraidhean Croise

Matyu 26:74

Bitut si̱ ya a̱son mi̱ shyishyi nchi̱ri̱ng nyia̱, “Shyishyi ji ya nung, ka̱ n bwoi a̱ka̱laa nia! N dyen a̱tyu wuni bah!” Mi̱ di̱ yong a̱hwa a̱gbak si̱ kin tyiap kiki.

Matyu 5:44

A̱wot n bu mbeang shei nyin hu. Nyi chat á̱niet ba̱ lak li nyin a̱ni! Nyi bu naai A̱gwaza da̱nian á̱niet ba̱ ya̱shuk nyin a̱ni!

Nta̱m A̱yaata̱m 2:26

Mat a̱nia, fwuo nung hu sai, a̱wot a̱lyem nung ka si̱ dyep gu mi̱ chet ba̱t! Ku nang n byia̱ vam ku na khwu a̱ni, n na swan ma̱ng ntyia̱ fwuo.

A̱romawa 3:14

“Nunu mba hu ni̱ nhyaai ma̱ng fwoi ma̱ng shyi á̱niet.”

1 A̱korontiyawa 11:7

Ma a̱nia wa a̱tyok meang, ku myim a̱ kup bung di̱n jen kwok A̱gwaza ntong bah. Mat á̱ nyia̱ a̱tyok mi̱ ghwughwu ma̱ng shi A̱gwaza hwa. A̱wot a̱byii̱k si̱ ma nshei shi a̱tyok hwa.

A̱fisawa 1:3

Yok zi̱ dyep A̱gwaza, a̱ yet A̱tyia̱ A̱tyoli nzi̱t wu Yesu Kristi a̱ni. Nggu wa nang nzi̱t kuzang a̱li̱ba̱rka A̱za̱za̱rak Ntswa a̱ neet ma̱ a̱ka̱vwuo Ma A̱gwaza tswazwa a̱ni, mat zi̱ mun á̱pyia̱ ma̱ng Kristi.

Yakubu 1:27

Khwi hu nang A̱gwaza a̱ yet A̱tyia̱ nzi̱t wu kyiak ku yet a̱za̱za̱rak ma̱ng sang a̱bun a̱ni, huhwa yet; nyi ni̱ mbeang á̱kunak na ma̱ng á̱nyiuk ba nang á̱tyok mba ba kwi á̱ ghwon a̱ni. Nyi bu khap á̱pyia̱ nyin ma̱ a̱ka̱tuk nyia̱ swanta wuni, kalak ku tyei nyin a̱na̱ndyung.

Yakubu 3:10

Ma̱ a̱nu a̱nyiung kikya nang dyep ma̱ng fwoi nghwut. Nyin á̱niet khwi Yesu ba nang n chat a̱ni, a̱tsak a̱lyiat, ku myim a̱nia bah!

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.