Yakubu 3:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱wot á̱ mbyia̱ a̱tyu a̱ si̱ mi̱n chok a̱lyem a̱ni bah. Ka̱ byia̱ fwung di̱ nyia̱ a̱ka̱tuk bah, ka̱ si̱ li nang a̱sap ka̱ hyaai a̱ni.

Yakubu 3:8 Iomraidhean Croise

A̱romawa 3:13

“A̱lyiat nunu mba na ni̱ nyui nang swam kwom ku ghwut ma a̱gang lyak a̱ni. Lilyem mba hu ni̱ nhyat tyentyang ma̱ng a̱ka̱laa.” “A̱lyiat mba na byia̱ lyen nang lyen tsuup a̱byin a̱ni.”

Yakubu 3:6

A̱lyem a̱tyubishyi ka li nang a̱lya̱ra̱p ndong a̱ni, ka̱ shya̱ mi̱ vam a̱tyubishyi. A̱wot ka̱ tyei a̱tyubishyi gu nyia̱ a̱ka̱kpa̱t. Ki̱ ka̱ doot ka̱ tyia̱ a̱mgba̱m swuan a̱tyubishyi ji, ji̱ ta̱bat long. A̱wot nka ma̱ a̱pyia̱ nka, á̱ na fwui nka ma̱ a̱nga̱ngak ndong sang sangba̱p.

Yakubu 3:7

Á̱nietbishyi ni̱ chok kuzang tangka̱i nyam a̱yit, a̱ka̱man, nkyang na̱ kwang a̱byin a̱ni, ma̱ng fa̱n. A̱wot ba̱ ni̱ nyia̱ a̱nia neet gbangbang.

Tyai Á̱zanson 12:9

A̱gba̱ndang a̱ka̱tuk nzwuo a̱ byia̱ nfeap na a̱ni, a̱ yet a̱khwukhwop nzwak gbangbang a̱wa, nang á̱ ngyei A̱ta̱nyeang, á̱ bu ngyei nggu, “Sha̱tan”; a̱tyu a̱ laai a̱mgba̱m á̱niet swanta ba a̱ni. Á̱ si̱ yuut gu ma̱ng a̱ka̱tuk a̱yaata̱m tswá nggu ba neet Ma A̱gwaza tswazwa á̱ ta a̱byin mi̱ swanta hu.