Yakubu 3:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱lyem a̱tyubishyi ka li nang a̱lya̱ra̱p ndong a̱ni, ka̱ shya̱ mi̱ vam a̱tyubishyi. A̱wot ka̱ tyei a̱tyubishyi gu nyia̱ a̱ka̱kpa̱t. Ki̱ ka̱ doot ka̱ tyia̱ a̱mgba̱m swuan a̱tyubishyi ji, ji̱ ta̱bat long. A̱wot nka ma̱ a̱pyia̱ nka, á̱ na fwui nka ma̱ a̱nga̱ngak ndong sang sangba̱p.

Yakubu 3:6 Iomraidhean Croise

Matyu 12:24

Nang A̱fa̱risawa ba nfa̱k a̱nia a̱ni, ba̱ si̱ nyia̱, “A̱tyu wuni doot a̱ khai á̱ka̱tuk ntswá ba̱ ghwut ma̱ á̱niet. Kyang a̱ri̱bi̱di hwa bah, mat a̱ shyat chet khai á̱ka̱tuk ntswá ba̱ ghwut ma̱ á̱niet ba da̱ a̱vwuo Baalza̱but, a̱gwam á̱ka̱tuk ntswá wu wa!”

Matyu 5:22

A̱wot n bu mbeang shei nyin hu. Ku nang a̱yin mwai lyen ma̱ng a̱ghyang nggu, á̱ na nyia̱ gu shi̱ri̱ya. A̱wot konyan wa yorong a̱yin ‘A̱pa̱mpang a̱yin,’ á̱ na tyia̱ gu mbwak a̱cha̱chet á̱niet shi̱ri̱ya! A̱wot konyan wa shyi a̱yin, nyia̱, ‘A yet a̱bwuon!’, a̱ shya̱ kpa̱mkpaan mi̱ swuo a̱bung ma̱ a̱nga̱ngak ndong sang sangba̱p.

Ma̱rkut 7:15

Á̱ mbyia̱ kyang ku neet nta a̱ nwuai mi̱ vam a̱tyubishyi ku tyei nggu a̱na̱ndyung a̱ni bah. Da̱ a̱kwonu a̱kya, kyang ku na ghwut mi̱ fwuo a̱tyubishyi a̱ni, huhwa tyei nggu a̱na̱ndyung wu.

Luka 16:24

“Nggu, a̱tyu nzwá wu si̱ yei mi̱ chet nyia̱, ‘Ibrahim, a̱tyia̱ nung, fa̱k kunak nung! Ma̱sa̱kut, ta̱m Laaza̱rut gu swom ga̱swuong nggu ji ma̱ a̱sa̱khwot, na̱ gba̱i na̱ ka shyim nung a̱lyem ka. N swuo a̱gba̱ndang a̱bung wa ba̱t di̱ tyan a̱nga̱ngak ndong jini!’

Nta̱m A̱yaata̱m 20:30

Jen na bai nang á̱ghyang á̱niet mi̱ sot nyin ji na ntyat á̱ ghwut a̱ni, ba̱ ka tyiet a̱ka̱laa. A̱wot ba̱ laai á̱niet khwi ba, ba̱ teap ba̱ khwi mbaa.

Nta̱m A̱yaata̱m 5:3

A̱jawa Bitut si̱ nyia̱ ma̱ng a̱nggu, “Ananiya, yihwa mbyia̱ nang a ghwon A̱ta̱nyeang ka si̱ swuo chet fwuo ang hu? A bwuo A̱za̱za̱rak Ntswa wu la! A si̱ bu niat á̱kum kurum nang a ndyap a̱byin ka a̱ni da̱nian a̱pyia̱ ang.

Nta̱m A̱yaata̱m 6:13

Á̱niet ba̱ bat Itifanut a̱hyiak na di̱ bwoi a̱ka̱laa a̱ni, si̱ nyia̱, “Kuzang jen a̱tyu wuni lyiat lihyat tazwa A̱za̱za̱rak A̱li Nwuat Za̱nang A̱gwaza wu, ma̱ng doka Musa ji.

Titut 1:11

Ku yet ta hwa, á̱ gba mba ba̱ tyia̱ nywang. Mat nang ba̱ nda̱u laai á̱niet a̱ka̱sa á̱ tyei mba bwuok lilyim di̱ nwuak fwuo mba hu di̱ Kristi Yesu a̱ni. Tyiet mba hu myim bah. Ba̱ laai á̱niet ma̱ng tyiet mba hu, ba̱ ka shya̱ a̱ka̱tuk a̱fi̱ng kurum.

Yakubu 2:7

Á̱niet nzwá bibya bu lyiat a̱ka̱tuk tazwa a̱chuchuk a̱lyoot Yesu Kristi, nang á̱ yei nyin da̱ nka a̱ni baa?

Yakubu 3:7

Á̱nietbishyi ni̱ chok kuzang tangka̱i nyam a̱yit, a̱ka̱man, nkyang na̱ kwang a̱byin a̱ni, ma̱ng fa̱n. A̱wot ba̱ ni̱ nyia̱ a̱nia neet gbangbang.

2 Bitut 3:3

Kyang nyiung nang n chat n jhyung nyin a̱ni, huhwa yet; di̱ ngaan njen wu, nang Yesu ka̱n bwuok a̱ bai bah, á̱niet na ghwut ba̱ mai á̱niet khwi ba di̱ lihyat tazwa bwuok bai Yesu hu. A̱wot ba̱ na khwi a̱ka̱tuk shyuo nfwuo mba wu.

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.

Tyai Á̱zanson 12:9

A̱gba̱ndang a̱ka̱tuk nzwuo a̱ byia̱ nfeap na a̱ni, a̱ yet a̱khwukhwop nzwak gbangbang a̱wa, nang á̱ ngyei A̱ta̱nyeang, á̱ bu ngyei nggu, “Sha̱tan”; a̱tyu a̱ laai a̱mgba̱m á̱niet swanta ba a̱ni. Á̱ si̱ yuut gu ma̱ng a̱ka̱tuk a̱yaata̱m tswá nggu ba neet Ma A̱gwaza tswazwa á̱ ta a̱byin mi̱ swanta hu.

Tyai Á̱zanson 13:14

A̱wot a̱mgba̱m nkyang a̱ga̱de nang á̱ shim a̱ka̱tuk nyam a̱yit wuni gu nyia̱ a̱kwonu a̱ka̱tuk nyam a̱yit a̱ yet a̱son ka a̱ni; a̱ si̱ laai a̱mgba̱m á̱niet ba̱ shya̱ mi̱ swanta hu a̱ni. A̱ si̱ tyia̱ á̱niet swanta ba ba̱ nyia̱ ghwughwu a̱ka̱tuk nyam a̱yit a̱ yet a̱son ka, nang á̱ ku bwuo nggu kun hu a̱ si̱ shim a̱khwu, a̱wot a̱ si̱ bu shyip ma̱ng swuan a̱ni.

Tyai Á̱zanson 18:23

Da̱ mba, á̱ bu na li long fí̱tila ku sai mami a̱keang ka bah! Da̱ mba, á̱ bu na fa̱k nwunwuat a̱gwai á̱niet nyia̱ a̱ka̱nyeang ma̱ a̱keang ka bah! Huhwa mbyia̱, á̱niet a̱bwuang ang ba, bibya swak ma̱ng yet a̱cha̱chet mi̱ swanta hu. A̱wot a bu laai a̱mgba̱m nnwap swanta na ma̱ng nkut ang na.

Tyai Á̱zanson 19:20

A̱wot á̱ si̱ ta̱bat a̱ka̱tuk nyam a̱yit wu ma̱ng a̱ta̱m a̱kwonu nggu wu a̱ nyia̱ a̱cha̱chet nta̱m a̱ri̱bi̱di da̱ a̱kwonu a̱ka̱tuk nyam a̱yit wu a̱ni. Nta̱m a̱ri̱bi̱di nani nia ku laai a̱mgba̱m á̱niet ba̱ san zwunzwuo a̱ka̱tuk nyam a̱yit ji, ma̱ng á̱niet ba̱ kwok ghwughwu a̱ka̱tuk nyam a̱yit wu ntong a̱ni. A̱ka̱tuk nyam a̱yit wu ma̱ng a̱ta̱m bwoi a̱ka̱laa a̱kwonu nggu wu; á̱ si̱ ta mba ma̱ng swuan mami a̱gba̱ndang nga̱ngak ntswa ndong a̱ ya ma̱ng long sa̱lfa a̱ni.