Yakubu 3:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Nyi bu nwuan kukwon a̱wak ma̱ a̱sa̱khwot na la. Ku yet a̱gba̱ndang. A̱wot wun ku byia̱ chet a̱ni, ku ni̱ hyap hu nang ku tyong. A̱mgba̱m ma̱ng a̱nia, a̱tyu luk wu bwan hu ma̱ng a̱bankwon luk kya, ku ka nat tyan nang gu chat a̱ni.

Yakubu 3:4 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 8:24

ma̱nang but á̱ghyi a̱ni, a̱ka̱tuk ngwun si̱ kin hyap mi̱ chet ma̱ a̱gba̱ndang jok wu, nang ywan a̱sa̱khwot hu chi̱p á̱ nwuai mi̱ kukwon a̱wak hu. A̱wot nang Yesu nshya̱ di̱ khat nda,

Nta̱m A̱yaata̱m 27:11

A̱mgba̱m ma̱ng a̱nia, a̱tyu a̱ chok á̱khwo ba a̱ni, si̱ shim á̱lyiat Bulut na bah. A̱ si̱ khwi á̱lyiat a̱tyu luk kukwon a̱wak ma̱ng a̱tyu byia̱ kukwon a̱wak wu.

Yakubu 3:3

Kidee, zi̱ ni̱ tyia̱ tsaai ji tswam a̱nu, zi̱ ka bwan ji nang zi̱ nchat a̱ni.

Yakubu 3:5

A̱nia wa nang a̱lyem a̱tyubishyi ka ndi. Ka̱ yet a̱bada̱dei kyang kya mi̱ vam a̱tyubishyi hu. A̱wot ka̱ ni̱ tam da̱ a̱cha̱chet nkyang wa. A̱wot nyi nwuan si̱sak ji nang a̱gba̱ndang sop a̱yit nshi a̱ni. A̱wot a̱bada̱dei a̱chandong kya ni̱ ta̱fi̱t long, ka̱ fwui nji a̱mgba̱m!