Yakubu 3:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱tsak a̱lyiat, a̱mgba̱m nzi̱t, zi̱ ni̱ ghyuap. Ka̱ á̱ mbyia̱ a̱yin ma̱ nzi̱t a̱ ni̱ nwai ghyuap mami a̱lyiat nggu na a̱ni, a̱tyu a̱wa yet a̱tsatsak a̱yin wa, a̱ maai a̱ chok a̱pyia̱ gu a̱mgba̱m.

Yakubu 3:2 Iomraidhean Croise

Matyu 12:34

“Nyin á̱ka̱tuk ntsuup a̱byin bani! Á̱ na nyia̱ ni wa á̱ka̱tuk á̱niet nang a̱nyin a̱ni, nyi ndyiat kyang ku myim ku bu yet a̱tan a̱ni? Mat a̱mgba̱m kyang ku shya̱ mi̱ nfwuo nyin na a̱ni, huhwa yet a̱tyin kyang nang nyi lyiat a̱ni.

Matyu 12:37

Mat ka̱ a̱lyiat nyin na yet a̱tan, A̱gwaza na shya̱ nyin ma̱ng a̱bun bah. A̱wot ka̱ a̱lyiat nyin na yet a̱ka̱tuk wa, A̱gwaza na shya̱ nyin ma̱ a̱ka̱tuk nyia̱ za̱m.”

A̱romawa 3:10

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Á̱ mbyia̱ a̱tyu a̱ yet a̱tsotswat a̱ni bah, ku a̱tyo a̱nyiung.

A̱romawa 7:21

N fi̱k doka swanta ji, jija yet: Jen nang n chat n nyia̱ kyang ku yet a̱tan a̱ni, da̱ a̱kwonu a̱kya, n ni̱ nyia̱ kyang ku yet a̱ka̱tuk a̱ni.

1 A̱korontiyawa 9:27

Da̱ a̱kwonu a̱kya, n gba vam nung hu nang a̱tyu tyong chung a̱ni. N nyia̱ vam nung hu khwo, da̱nian ki̱ da̱ n du shei á̱ghyang á̱niet a̱lyiat A̱gwaza na, a̱wot nung ma̱ a̱pyia̱ nung, á̱ ba̱ kai nung á̱ ghwon n dyin nwuo mi̱ Tyok A̱gwaza hu.

A̱ga̱la̱tiyawa 3:22

Da̱ a̱kwonu a̱kya, A̱lyiat A̱gwaza na tak kpa̱sai nang zi̱ ngyet á̱khwo mbwak tyok a̱ka̱tuk nyia̱ mi̱ swanta hu. Mat a̱nia, zi̱ san a̱li̱ka̱uli shya̱ sa̱t da̱ a̱vwuo A̱gwaza mat nwuak fwuo di̱ Yesu Kristi hwa ma̱nyin hu.

A̱ga̱la̱tiyawa 5:17

Mat za̱kwa a̱ka̱tuk nyia̱ nyin ji fwuong di̱dang nyia̱ a̱ka̱tuk. A̱wot ji̱ si̱ nyia̱ na̱nvan ma̱ng kyang hu nang A̱za̱za̱rak Ntswa wu chat a̱ni. Ma a̱nia wa, A̱za̱za̱rak Ntswa wu tyei nzi̱t di̱dang kyang ku nyia̱ na̱nvan ma̱ng kyang nang za̱kwa a̱ka̱tuk nyia̱ nyin ji chat a̱ni. Za̱kwá sweang jini kwan á̱ nchi̱ri̱ng ma̱ng á̱ghyang. Huhwa mbyia̱ nyi byia̱ sa̱t nang nyi na nnyia̱ a̱tan nkyang nang nyi chat nyia̱ hu a̱ni bah.

A̱kolosiyawa 1:28

Mat a̱nia, zi̱ shei konyan A̱sham Nkhang Kristi ka. Zi̱ si̱ gba, zi̱ si̱ bu tyiet konyan, ma̱ng a̱mgba̱m mumwang hu nang A̱gwaza nang nzi̱t a̱ni. Da̱nian zi̱ ka neap konyan nang a̱ tat á̱ghyi a̱tyu khwi a̱ni da̱ a̱vwuo A̱gwaza, di̱ mun á̱pyia̱ nggu hu ndung ma̱ng Kristi Yesu.

A̱kolosiyawa 4:12

A̱bafa̱rat yet a̱tyo nyiung wa mi̱ sot á̱niet khwi nyin ji, a̱wot a̱ bu yet a̱khwo Kristi Yesu a̱ni, byat nyin. A̱ ni̱ ntyia̱ a̱lyia̱ di̱ naai A̱gwaza kuzang jen da̱nian nyin, gu ka tyia̱ nyin nyi yet á̱niet tat á̱ghyi, nyi bu yet á̱tsatsak á̱niet. A̱bafa̱rat bu nwuak a̱chuchuk nang nyi nkhwi a̱mgba̱m kyang nang A̱gwaza chat a̱ni.

Ibriniyawa 13:21

Yok A̱gwaza a̱ ka̱u nyin kuzang a̱tan kyang nang nyi chat a̱ni, da̱nian nyi ka nyia̱ nggu nta̱m nang gu chat a̱ni. Yok gu nyia̱ ta̱m ma̱ng a̱nzi̱t, mami chet a̱lyoot Yesu Kristi, zi̱ ka nyia̱ kuzang a̱tan nta̱m ku na tyia̱ gu fa̱k nyinyang a̱ni. Yok a̱mgba̱m a̱kyenkyai shi a̱ yet a̱si̱ nggu, si̱ nat sang sangba̱p! Samba̱rka!

Yakubu 1:26

A̱tyu a̱ kyiak a̱pyia̱ nggu nang a̱tyu khwi A̱gwaza a̱ni, da̱nang gu ta̱bat a̱lyem nggu ka shansham bah, a̱ laai a̱pyia̱ nggu kya. Khwi A̱gwaza nggu hu yet a̱buk kyang wa.

Yakubu 1:4

Si̱ nyi ya a̱son ma̱ng gbang a̱lyia̱ si̱ tat jen nang swuo a̱bung hu na ntyak a̱ni, nyi ka yet á̱tsatsak ma̱ng á̱niet khwi ba tat a̱ghyi, da̱ ba̱ lyin kyang a̱ni bah.

Yakubu 2:10

A̱tyu a̱ khwi a̱mgba̱m doká A̱gwaza ji, a̱wot a̱ si̱ ba̱ ghwon jhyung a̱ni, ku fa a̱ bwuo a̱bun a̱zaghyi A̱gwaza ma̱nang a̱tyu a̱ nwai khwi a̱mgba̱m doká ji a̱ni.

1 Bitut 3:10

Mat A̱lyiat A̱gwaza na nyia̱, “Ka̱ a chat fa̱k nyinyang swat ang hu, a̱wot a bu bwuo a̱tan mam ma̱ a̱di̱di̱t, vwuong a̱lyem ang ka lyiat a̱ka̱tuk a̱lyiat. A̱wot a yok bwoi a̱ka̱laa a̱bwonu ang ka bah.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.