Yakubu 3:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nyin á̱niet khwi Yesu ba nang n chat a̱ni, nyi yok la̱u á̱kpa di̱ chat yet á̱niet tyiet bah. Mat nyi lyen nzi̱t á̱niet tyiet, shi̱ri̱ya nzi̱t ji na swak si̱ á̱kum á̱niet ji.

Yakubu 3:1 Iomraidhean Croise

Matyu 10:24

“Nggwon ta̱m si̱ mi̱n swak a̱tyu tyiet nka wu ma̱ng shi bah. Ma a̱nia wa a̱khwo si̱ mi̱n swak a̱tyoli nggu wu ma̱ng shi bah.

Matyu 23:13

“Ku swan nyin, á̱niet tyiet doka ma̱ng A̱fa̱risawa. Nyin á̱bubuk á̱niet! Mat nyi ni̱ nyim nyinyiit nwuo Tyok Ma A̱gwaza tswazwa hu. Nyi tyia̱ á̱niet ba̱ na nwuo a̱ni nta. Nyin ma̱ á̱pyia̱ nyin, nyi ni̱ nwuo bah. A̱wot nyin meang, nyi ni̱ vwuong á̱ghyang á̱niet ba̱ nwuo mami.

Matyu 23:14

“[[Ku swan nyin á̱niet tyiet doka ma̱ng A̱fa̱risawa. Nyin a̱yaabang a̱byin! Nyi ni̱ shyuo á̱nyiuk nang á̱tyok mba ba ka̱n kwi a̱ni. Mat nyi laai mbaa, nyi kwok nkyang mba na di̱ mi̱n sum. Nyi ni̱ nyia̱ a̱jojoot naai A̱gwaza, da̱nian á̱niet ba̱ ka li nyin. Mat a̱nia, á̱ na tyia̱ nyin swuo a̱bung ba̱t.]]

Matyu 9:11

Nang A̱fa̱risawa ba ndi a̱nia a̱ni, ba̱ si̱ lyip mman ta̱m Yesu na nyia̱, “Yihwa mbyia̱ nang a̱tyu tyiet nyin wu ngya kyayak ma̱ng á̱niet saai kurum ga̱ndu mbeang á̱niet a̱ka̱tuk nyia̱?”

Luka 16:2

Huhwa a̱tyu nzwá wu si̱ yei byia̱k nggu ji, gu bai. Nang gu mbai a̱ni, a̱tyu nzwá wu si̱ lyip gu nyia̱, ‘Yihwa nang n fwuong tazwa ang? Nat, a si̱ lyuut si̱sak ji nang a nnyia̱ ta̱m ma̱ng nkyang a̱bwuang nung na a̱ni! Mat n na nfi̱n ang mi̱ ta̱m nung hu!’

Luka 6:37

Nyi ni̱ ngyok nwuan a̱bun á̱ghyang nyin bah. A̱wot nyin meang, á̱ ma na nwuan a̱bun nyin wu bah. Nyi ni̱ ngyok tyei á̱ghyang nyin a̱bun bah. A̱wot nyin meang, á̱ ma na tyei nyin a̱bun bah. Nyi ni̱ nchi á̱ghyang nyin a̱ka̱tuk nyia̱. A̱wot nyin meang, á̱ ma na chi a̱ka̱tuk nyia̱ nyin wu.

Yoona 3:10

Yesu si̱ nwuak gu shim nyia̱, “A̱wot nwan mameang, a yet a̱gba̱ndang a̱tyu tyiet Isi̱rela wu a̱ni; a̱wot a lyen nkyang nani baa?

Nta̱m A̱yaata̱m 13:1

Mami á̱niet khwi Yesu ba ba̱ ku shya̱ Antakiya mi̱ fam a̱byin Suriya a̱ni, á̱ ku mbyia̱ a̱yaata̱m a̱kwonu A̱gwaza ma̱ng á̱niet tyiet. Bibya ku yet: Ba̱nabat, Simiyon nang á̱ bu ngyei “Nija” a̱ni, (a̱lyoot kani fa, “A̱ shya̱ a̱shyi”), Lukiyat (a̱tyu Si̱ri̱n), Manayen, (a̱ ku yet che nyiung ma̱ng a̱gwam Hiridut Antibat a̱ni), mbeang Sha̱wulu.

1 A̱korontiyawa 12:28

A̱wot A̱gwaza si̱ khai á̱ghyang á̱niet mi̱ sot á̱niet khwi ji: a̱nyiung, a̱yaata̱m Yesu; a̱feang, a̱yaata̱m a̱kwonu A̱gwaza; a̱tat, á̱niet tyiet; a̱wot ma̱ng á̱niet nyia̱ nkyang a̱ga̱de, ma̱ng á̱niet ba̱ byia̱ za̱náng chet choot á̱niet nzwán a̱ni; ma̱ng á̱niet ba̱ byia̱ za̱náng chet beang á̱ghyang a̱ni; ma̱ng á̱niet byia̱ za̱náng chet yet a̱yaakwak a̱son a̱ni; ma̱ng á̱niet ba̱ lyiat di̱ lilyem A̱za̱za̱rak Ntswa nang á̱ chyi a̱ni.

2 A̱korontiyawa 5:10

Mat a̱mgba̱m nzi̱t, ku yet ta hwa zi̱ yong a̱zaghyi a̱gba̱ndang chuk tyok Kristi wu, da̱nian gu ka nyia̱ nzi̱t shi̱ri̱ya. Konyan ma̱ nzi̱t, na san zang cha̱chaat ma̱ng kyang hu nang gu nyia̱ mi̱ vam swanta huni a̱ni, ku hu yet a̱tan, ku hu yet a̱ka̱tuk.

A̱fisawa 4:11

Ma̱ninika, za̱náng chet jini ja nang Kristi nang á̱niet khwi nggu ba: Á̱ghyang a̱ nang mba za̱náng chet yet a̱yaata̱m, á̱ghyang a̱ si̱ nang mba yet a̱yaata̱m a̱kwonu A̱gwaza, á̱ghyang si̱ yet á̱niet shei A̱sham Nkhang ka da̱ a̱vwuo á̱niet nwai khwi Yesu, á̱ghyang si̱ yet á̱niet chok á̱niet khwi, a̱wot á̱ghyang si̱ yet á̱niet tyiet bya.

1 Timoti 1:7

Ba̱ chat á̱niet ba̱ kyiak ba nang á̱tsatsak á̱niet tyiet doka Musa a̱ni. A̱wot da̱ mba, ba̱ lyen kyang ba̱ lyiat a̱ni bah, ku nang ba̱ ndyiat ma̱ng gbang a̱lyia̱ a̱ni.

1 Timoti 2:7

Mat tak ta̱m jini kpa̱sai hwa, nang á̱ ku ntyia̱ nung n gyet a̱ta̱m Yesu ma̱ng a̱tyu shei A̱sham Nkhang wu. N si̱ bu ngyet a̱tyu tyiet nwuak a̱chuchuk ma̱ng a̱tsatsak da̱ a̱vwuo Nnwap na̱ nwai yet A̱yahudawa a̱ni. N shei a̱tsak a̱lyiat wa, la hwa nang n bwoi bah.

2 Timoti 1:11

A̱wot A̱gwaza wu khai nung, n gyet a̱ta̱m Yesu n shei A̱sham Nkhang kani, n bu tyiet kaa.

Ibriniyawa 13:17

Nyi khwi a̱lyiat á̱niet ba̱ yet a̱yaakwak a̱son nyin ba̱ a̱ni. A̱wot nyi nwuak pyipyia̱ nyin mbwak tyok mba hu. Ta̱m mba huhwa yet; ba̱ chok swuan nyin ji. A̱wot ba̱ na fang kuzang nkyang nang ba̱ nyia̱ a̱ni a̱zaghyi A̱gwaza. Ki̱ nyi khwi a̱lyiat a̱yaakwak a̱son nyin na, ba̱ na nyia̱ nta̱m mba na ma̱ng fwuo sai, kalak ba̱ nyia̱ nta̱m na ma̱ng fwuo byian. Si̱ a̱hwa si̱ mi̱n beang nyin bah.

Yakubu 1:16

Nyin á̱niet khwi Yesu ba nang n chat a̱ni, nyi yok shim á̱ laai nyin bah.

Yakubu 1:19

Nyin á̱niet khwi Yesu ba nang n chat a̱ni, nyi sak a̱lyiat nani mi̱ nfwuo nyin na. Nyi yet á̱niet fwuong ma a̱nggang ma̱ng a̱fufwuo. A̱wot nyi yok ya̱baat a̱lyiat va̱vat, ku nyi vwuot ndyen ma a̱nggang bah.

Yakubu 3:10

Ma̱ a̱nu a̱nyiung kikya nang dyep ma̱ng fwoi nghwut. Nyin á̱niet khwi Yesu ba nang n chat a̱ni, a̱tsak a̱lyiat, ku myim a̱nia bah!

1 Bitut 5:3

Nyi yok chat nyia̱ á̱niet ba nang á̱ tyei nyin ndyo mbwak a̱ni tyok mi̱ chet bah. A̱wot yok swat nyin hu nang a̱tyu kwak a̱son ku yet a̱tsatsak kidee nang ba̱ na khwi a̱ni.