Yakubu 2:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ A̱wot ka̱ nyi khai á̱ghyang á̱niet da̱ á̱ghyi, nyi si̱ nyia̱ mba a̱tan nta̱m, a̱wot nyi si̱ ghwon á̱ghyang, nyi nyia̱ a̱ka̱tuk nyia̱ wa a̱wa. Nyi bwuo a̱bun nang nyi ntyat doka A̱gwaza ji a̱ni.

Yakubu 2:9 Iomraidhean Croise

Yoona 16:8

Jen ji nang A̱tyu Beang wu na mbai a̱ni, a̱ na tak á̱niet mi̱ swanta ba nang a̱di̱dam mba wu ngyet bah; tazwa a̱ka̱tuk nyia̱, ma̱ng tsotswat, mbeang shi̱ri̱ya.

Yoona 8:46

“Mami nyin, a̱nyan wa doot a̱ tak nang gu ka̱n di nang n nyia̱ a̱ka̱tuk nyia̱? Ka̱ a̱tsatsak a̱lyiat wa nang n dyiat, yihwa mbyia̱ nang nyi ndak nwuak fwuo hu da̱ nung?

Yoona 8:9

Nang ba̱ nfa̱k a̱nia a̱ni, ba̱ si̱ ya̱bam á̱ vwuot a̱nyanyin kyiak neet da̱ a̱niet khwop si̱ nat da̱ a̱shushyuo. Ba̱ si̱ ghwon Yesu a̱ja ma̱nyin nggu ma̱ng a̱byii̱k wu.

Nta̱m A̱yaata̱m 10:34

A̱jawa Bitut si̱ nwuak gu shim nyia̱, “Di̱ yong huni, n fi̱k da̱ nang A̱gwaza nkhai á̱niet da̱ á̱ghyi bah.

A̱romawa 3:20

Mat á̱ mbyia̱ a̱tyu nang A̱gwaza na tak kpa̱sai a̱ kyiak gu nang a̱tsotswat a̱yin a̱ sang a̱bun a̱zaghyi nggu, di̱n vak khwi doka hu a̱ni bah. A̱wot ta̱m hu nang doka ji nyia̱ a̱ni, huhwa yet; ku tak a̱tyubishyi nang gu ngyet a̱tyu a̱ka̱tuk nyia̱ wa.

1 A̱korontiyawa 14:24

A̱wot ka̱ a̱mgba̱m nyin sot á̱niet khwi Yesu shya̱ di̱ shei a̱lyiat A̱gwaza na nang A̱za̱za̱rak Ntswa tyai nyin ndyo a̱ni, a̱wot á̱niet nwai khwi Yesu, ku á̱niet ba̱ nwai fi̱k nkyang nani a̱ni, si̱ bai ma̱ a̱tung sot á̱niet khwi nyin ka; a̱lyiat A̱gwaza na na kpaat mbaa mi̱ nfwuo mba na mat a̱ka̱tuk nyia̱ mba wu. A̱wot na̱ nyia̱ mba shi̱ri̱ya mat kyang nang nyi shei a̱ni.

A̱ga̱la̱tiyawa 2:19

Mat jen nang n kwan khwi doka ji, a̱wot n si̱ ndat a̱ni, ji̱ ni̱ tak nang n gyet a̱tyu a̱ka̱tuk nyia̱ wa. Mat a̱nia, n kyiak a̱pyia̱ nung nang kwom a̱ni da̱ a̱vwuo doka ji. N ghwon kwan khwi kyang hu nang doka ji chat a̱ni, da̱nian n ka swan swat ku myim A̱gwaza a̱ni.

1 Yoona 3:4

Konyan wa nyia̱ a̱ka̱tuk nyia̱ a̱ni, a̱ tyat doka A̱gwaza ja. Mat a̱mgba̱m á̱ka̱tuk nyia̱ yet tyat doka A̱gwaza hwa.

Yahuda 1:15

Da̱nian gu ka nyia̱ shi̱ri̱ya nggu ji tazwa a̱mgba̱m á̱niet mi̱ swanta ba. A̱ na tak a̱bun a̱mgba̱m á̱niet ba̱ lak khwi nggu a̱ni, mat a̱mgba̱m a̱ka̱tuk nyia̱ nang ba̱ nyia̱ ba̱ njhyuai tyok nggu hu a̱ni; a̱wot mat a̱mgba̱m lihyat nang á̱niet nwai khwi nggu ba, ba̱ yet á̱niet a̱ka̱tuk nyia̱, ka̱n dyiat tazwa nggu a̱ni.”