Yakubu 2:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱tsak a̱lyiat, ka̱ nyi khwi doka Tyok A̱gwaza ji, nang á̱ lyuut ma̱ A̱lyiat A̱gwaza na a̱ni, nyia̱, “Chat a̱kpa̱ndang swat ang wu, ma̱nang a nchat a̱pyia̱ ang a̱ni.” Si̱ a̱hwa myim a̱nia.

Yakubu 2:8 Iomraidhean Croise

Matyu 22:39

A̱wot doka ji ji̱ nkhwi a̱ tai nji a̱ni, jija yet: ‘A bu chat a̱kpa̱ndang swat ang wu, ma̱nang a nchat a̱pyia̱ ang a̱ni.’

Matyu 25:21

“A̱tyoli wu si̱ nyia̱ ma̱ng a̱nggu, ‘A yet a̱tan ma̱ng a̱tsotswat a̱khwo, a nyia̱ shansham! A nyia̱ tsotswat di̱ nkyang ma̱ chunchwiit. Mat a̱nia, n na ntyia̱ ang nkyang ma̱ a̱di̱di̱t mbwak. Bai, a gwai dundung ma̱ng a̱nung!’

Matyu 25:23

“A̱tyoli nggu wu si̱ nyia̱ ma̱ng a̱nggu, ‘A yet a̱tan ma̱ng a̱tsotswat a̱khwo wa, a nyia̱ shansham. A nyia̱ tsotswat di̱ nkyang ma̱ chunchwiit. Mat a̱nia, n na ntyia̱ ang nkyang ma̱ a̱di̱di̱t mbwak. Bai, a gwai dundung ma̱ng a̱nung!’

Matyu 7:12

Mat a̱nia, kuzang kyang nang nyi chat á̱niet ba̱ nyia̱ nyin ndyo a̱ni, nyi nyia̱ mba ndyo a̱nia. Si̱ huni hwa yet a̱tyin a̱lyiat nang doka ma̱ng a̱yaata̱m a̱kwonu A̱gwaza ba tyiet a̱ni.

A̱romawa 13:10

A̱tyu a̱ chat a̱kpa̱ndang swat gu a̱ni, a̱ si̱ mi̱n nyia̱ nggu a̱ka̱tuk bah. Mat a̱nia, chat á̱ghyang hu yet khwi kyang nang doka A̱gwaza ji chat wa a̱ni.

A̱ga̱la̱tiyawa 5:14

Mat a̱mgba̱m doka Musa ji, á̱ tung jii á̱ tyia̱ mi̱ swang a̱lyiat jhyung, jija yet, “Chat a̱kpa̱ndang nswat ang wu nang a nchat a̱pyia̱ ang a̱ni.”

A̱ga̱la̱tiyawa 6:2

Nyi ni̱ mbeang á̱niet ba̱ swuo a̱bung ma̱ng a̱fi̱fa a̱ li nang a̱kpi̱di̱dyi̱k nkpa̱t a̱ni. Di̱ nvak huni hwa nyi na nkhwi doka ji cha̱chaat nang Kristi nwuak nyin a̱ni.

A̱filibiyawa 4:14

A̱mgba̱m ma̱ng a̱nia, ku yet a̱sham ba̱t nang nyi mbeang nung mami swuo a̱bung nung hu a̱ni.

1 A̱ta̱solonikawa 4:9

Da̱ a̱lyiat chat á̱ghyang na, zi̱ na chat zi̱ lyuut nyin ndyo bah. Mat nyin ma̱ á̱pyia̱ nyin, A̱gwaza wa ka̱n tyiet nyin, nyi ka chat á̱ghyang.

Yakubu 1:25

A̱wot a̱tyu a̱ tyia̱ fwuo hu di̱ zop a̱tsatsak a̱lyiat A̱gwaza na na̱ chong ma̱ng sa̱t a̱ni; a̱wot ka̱ a̱ ya a̱son ma̱ng nyia̱ a̱di̱dam da̱ A̱lyiat A̱gwaza na, a̱ si̱ nyia̱ ta̱m ma̱ng á̱na, a̱ si̱ bwung kyang hu nang gu fa̱k a̱ni bah, A̱gwaza na tyia̱ nggu a̱li̱ba̱rka mi̱ kuzang kyang nang gu nyia̱ a̱ni.

Yakubu 2:12

Mat a̱nia, nyi yok bwung bah, kuzang kyang nang nyi lyiat, ku nyi nyia̱ a̱ni, á̱ na nyia̱ nyin shi̱ri̱ya ma̱ng doka ji, ji̱ nwuat nyin sa̱t hu a̱ni.

Yakubu 2:19

A kyiak nyia̱ a nwuak a̱chuchuk, mat a nwuak a̱chuchuk nang A̱gwaza a̱nyiung wa nshya̱. Ka a shim nyia̱ a̱nia wa, ku yet a̱sham! Ku á̱ka̱tuk ntswá ba meang, nwuak a̱chuchuk nang A̱gwaza nshya̱. A̱wot ba̱ si̱ tyi̱ri̱m vam a̱zaghyi nggu ma̱ng a̱gba̱ndang a̱wun.

Yakubu 4:11

Nyin á̱niet khwi Yesu ba nang n chat a̱ni, nyi yok tyam á̱ghyang nyin bah. Ka̱ nyi bat á̱ghyang nyin a̱hyiak, ku nyi nyia̱ á̱ghyang nyin shi̱ri̱ya, ku fa nyi bat doka A̱gwaza ji a̱hyiak, nyi si̱ nyia̱ nji shi̱ri̱ya meang. A̱wot ta̱m nyin hu hwa yet, nyi khwi doka A̱gwaza ji, nyi yok bat ji a̱hyiak bah. Kalak, nyi kyiak á̱pyia̱ nyin á ngyei nyi yet á̱niet nyia̱ shi̱ri̱ya bya tazwa doka ji.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.