Yakubu 2:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱wot nyi jhyuai á̱kunak na! Mee á̱niet nzwá bibya shyui nyin, ba̱ si̱ kwak nyin á̱ chong ndyo mi̱ tutu shi̱ri̱ya hu baa?

Yakubu 2:6 Iomraidhean Croise

Yoona 8:49

Yesu si̱ nyia̱, “Nung, n byia̱ a̱ka̱tuk ntswa bah! N nwuat A̱tyia̱ nung wu shi. A̱wot nyin, nyi jhyuai nung.

Nta̱m A̱yaata̱m 13:50

A̱jawa A̱yahudawa ba si̱ fuut á̱nyiuk ba̱ byia̱ a̱vwuo yong mi̱ khwi A̱gwaza á̱niet Isi̱rela a̱ni, mbeang a̱yaakwak a̱son a̱keang ba. A̱wot ba̱ si̱ fuut á̱niet ba ba̱ ka lak li Bulut ma̱ng Ba̱nabat. A̱wot ba̱ vwuong mba á̱ ghwut ndyo ma̱ a̱keang ka.

Nta̱m A̱yaata̱m 17:6

Nang ba̱ ndyin Bulut ma̱ng Sila ma Yason ka a̱ni, A̱yahudawa ba si̱ kwak nggu Yason mbeang á̱niet khwi á̱ghyang, á̱ ghwut ndyo a̱kwonu á̱niet Bulut. Á̱ si̱ nat ma̱ng a̱mba a̱zaghyi sot a̱cha̱chet á̱niet shi̱ri̱ya a̱keang ba. Mman gwun na si̱ koot a̱gugwong mi̱ chet nyia̱, “Bulut ma̱ng Sila ka̱n tyei jhya̱ mi̱ kuzang a̱vwuo mi̱ swanta hu! A̱wot ma̱ninika, ba̱ bai a̱ji mameang ba̱ ka tyei nzi̱t jhya̱ ma̱ a̱keang nzi̱t ka!

Nta̱m A̱yaata̱m 18:12

A̱wot jen nang Ga̱liyo nkyiak tyok gwomna a̱byin A̱ka̱ya hu a̱ni, A̱yahudawa á̱ghyang si̱ kin nwuo lak li Bulut. Ba̱ si̱ nat ma̱ng a̱nggu a̱zaghyi gwomna, da̱nian a̱ ka nyia̱ nggu shi̱ri̱ya.

Nta̱m A̱yaata̱m 8:3

A̱wot Sha̱wulu si̱ nwuai mi̱ kuzang a̱keang a̱ hyaai á̱niet khwi ba. A̱ si̱ nwuai ma̱ a̱ka̱sa na, a̱ kwak á̱tyok ma̱ng á̱nyiuk, a̱ tyei mba mi̱ jaru.

1 A̱korontiyawa 11:22

Yihwa mbyia̱ nyi nyia̱ a̱nia? Nyi byia̱ a̱ka̱sa nang nyi na ngya tsa nswuo a̱ni baa? Kee nyi chat jhyuai sot á̱niet khwi A̱gwaza jija, a̱wot nyi tyia̱ á̱kunak na nsum a? Mat a̱nia, yihwa nang n na hyia̱ ma̱ng a̱nyin? Nyi fa n chyin nyin wa kee? Kaai, ku ma̱ chunchwiit, n na chyin nyin za̱m di̱ si̱ huni bah!

Yakubu 2:3

Ki̱ nyi byiat a̱tyu nzwa wu shansham, a̱wot nyi si̱ nyia̱, “Swan ma̱ a̱tsatsak kyang swat wuni!” A̱wot nyi si̱ nyia̱ ma̱ a̱tyu kunak wu, “Yong a̱jaau!” Ku “A swan a̱byin!”

Yakubu 5:4

Nyi myiai a̱fufwuo nyi fa̱k a̱nak á̱niet ba̱ nyia̱ nyin nta̱m mi̱ bibyin nyin hu nang nyi shyuo a̱ni! Záng mba ji nang nyi lak teang hu a̱ni, twei ma̱ng a̱nyin. A̱nak á̱niet ba̱ chak yak mi̱ bibyin nyin hu nang nyi shyuo a̱ni, bai ma̱ a̱fufwuo nggu, a̱tyu a̱ yet A̱gwam Á̱niet Nzwang Ma A̱gwaza Tswazwa a̱ni.

Yakubu 5:6

Nyi tyia̱ á̱tsotswat á̱niet a̱bun, nyi si̱ tyia̱ á̱ hyaai mbaa. A̱wot da̱ mba, ba̱ si̱ mi̱n fwuo nyin dyo bah.