Yakubu 2:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Nyin á̱niet khwi Yesu ba nang n chat a̱ni, nyi myiai a̱fufwuo nyi fa̱a̱k! A̱gwaza wu khai á̱kunak na mi̱ swanta huni, ba̱ yet á̱niet a̱tsak nzwa mat nwuak fwuo hwa da̱ nggu baa? Bibya yet á̱niet ba̱ na ya gado tyok nang A̱gwaza nyia̱ a̱li̱ka̱uli a̱ na nang á̱niet ba̱ chat gu a̱ni baa?

Yakubu 2:5 Iomraidhean Croise

Matyu 11:5

Á̱niet a̱fi̱fan shyat nwuan a̱vwuo. Á̱niet a̱ti̱tak ba̱ ta̱luk a̱ni si̱ chong. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong a̱vwuo. Á̱ ya̱ngam á̱niet ba̱ ka̱n kwi a̱ni ma̱ng swuan. A̱wot á̱ si̱ bu shei á̱kunak na A̱sham Nkhang ka.

Matyu 25:34

“A̱wot nung, ngyet A̱gwam wu a̱ni, n na nyia̱ ma̱ng á̱niet a̱zayak na nyia̱, ‘Nyi bai, nyin á̱niet nang A̱tyia̱ nung wu tyia̱ mba a̱li̱ba̱rka a̱ni, nyi san gado tyok hu nang A̱gwaza mi̱ njhyi a̱ sak nyin ndyo, neet di̱ mat swanta hu a̱ni.

Matyu 5:3

“A̱gwaza tyei a̱li̱ba̱rka da̱ á̱niet, ba̱ li lat mba hu da̱ a̱vwuo nggu a̱ni. Mat ba̱ yet mman Tyok Ma A̱gwaza tswazwa nia.

Ma̱rkut 7:14

Yesu si̱ bu yorong á̱kpa á̱niet ka, a̱ si̱ nyia̱ ma̱ mba, “A̱mgba̱m nyin, nyi myiai a̱fufwuo nyi fa̱k nung! A̱wot nyi bu fi̱k a̱lyiat nani shansham!

Luka 12:21

“A̱tsak a̱lyiat, a̱nia wa ku na ndi ma̱ng a̱tyu a̱ tung a̱pyia̱ nggu zwá mi̱ swanta hu a̱ni, a̱wot da̱ nggu, a̱ byia̱ zwá da̱ a̱vwuo A̱gwaza bah.”

Luka 12:32

“Mat a̱nia, nyin a̱bachunchwiit a̱sorong zón seap, nyi yok fa̱k a̱wun bah. Mat A̱tyia̱ nyin wu a̱ shya̱ tswazwa ka a̱ni, shya̱ ma̱ng a̱gba̱ndang a̱gwai a̱ na nwuak nyin Tyok nggu hu.

Luka 16:22

“Di̱ ngaan hu, Laaza̱rut a̱tyu kunak a̱wa si̱ khwu. A̱yaata̱m tswá A̱gwaza si̱ bai ba̱ si̱ kyiak gu á̱ nat ndyo Ma A̱gwaza tswazwa. Ba̱ si̱si̱ sak gu da̱ a̱vwuo Ibrahim. A̱tyu nzwá wu mameang, si̱ khwu, á̱ si̱ niat gu.

Luka 16:25

“Ibrahim si̱ nyia̱ ma̱ng a̱nggu, ‘Nggwon nung, jhyung jen ji nang a ku nswan nswat nyinyang ang hu mi̱ swanta hu a̱ni. Di̱n jen a̱ja, a ku shyat a̱tan kyang nang fwuo ang hu chat a̱ni, a si̱ swa̱i. Da̱ a̱kwonu a̱kya, nggu Laaza̱rut, a̱ ku shya̱ a̱bya̱bya̱ kyang wa! A̱wot ma̱ninika, a̱ji wa nang gu nshya̱ nang á̱ shyim nggu fwuo hu; nang nwan, a shya̱ di̱ swuo a̱bung ang a̱ja.

Luka 22:29

A̱wot ma̱nang A̱gwaza, A̱tyia̱ nung wu nnwuak nung Tyok a̱ni; ma a̱nia wa, nung meang ma̱ninika, n nwuak nyin a̱wat nyi nyia̱ tyok hu.

Luka 6:20

A̱wot Yesu si̱ bwuak a̱ nwuan mman ta̱m nggu na, a̱ si̱ nyia̱, “A̱gwaza tyei a̱li̱ba̱rka da̱ nyin, nyi yet á̱kunak da̱ a̱vwuo nggu a̱ni; mat Tyok A̱gwaza hu yet si̱ nyin hwa.

Yoona 7:48

Á̱ mbyia̱ a̱yin mami a̱cha̱chet a̱yaapris mbeang A̱fa̱risawa ba á̱ ka̱n nwuak fwuo da̱ nggu a̱ni a?

Nta̱m A̱yaata̱m 7:2

Itifanut si̱ nwuak gu shim nyia̱, “Nyin a̱yaatyia̱ ma̱ng á̱na̱nyiuk nung ba, nyi myiai a̱fufwuo nyi fa̱k ta̱fwat ji nang mbyia̱ na nhyia̱ a̱ni. A̱gwaza nzi̱t wu a̱ byia̱ a̱gba̱ndang a̱kyenkyai shi a̱ni, ku tyai a̱pyia̱ nggu da̱ a̱vwuo a̱tyia̱ a̱khwop nzi̱t wu Ibrahim, nang gu shya̱ ma̱ a̱byin Mesopotamiya, neet nang gu ka̱n nat swat ma̱ a̱keang Haran bah.

A̱romawa 8:17

Nang zi̱ ngyet mman A̱gwaza nia a̱ni, zi̱ yet á̱niet ya gado nggu bya. A̱tsak a̱lyiat, zi̱ yet á̱niet ba̱ na ya gado a̱kyenkyai shi A̱gwaza wu dundung ma̱ng Kristi a̱ni. A̱wot ka̱ zi̱ chat zi̱ shya̱ a̱kwonu nzi̱t ma̱ng a̱kyenkyai shi Kristi wu, ku myim zi̱ swuo a̱bung ka ndung ma̱ng a̱nggu.

1 A̱korontiyawa 2:9

Ma a̱nia wa A̱lyiat A̱gwaza nang á̱ lyuut a̱ni nhyia̱, nyia̱, “Á̱ ka̱n di ma̱ng á̱ghyi bah, da̱ mba, á̱ ka̱n fa̱k ma̱ng a̱fufwuo bah; a̱wot a̱yin ka̱n dam mi̱ fwuo nggu hu kyang nang A̱gwaza jhyi a̱ sak da̱nian á̱niet ba̱ chat gu a̱ni bah.”

2 A̱korontiyawa 4:15

A̱mgba̱m swuo a̱bung huni yet da̱nian kpangti̱n nyin ja. A̱wot ma̱nang A̱gwaza nfa̱k shok á̱niet ma̱ a̱di̱di̱t a̱di̱t a̱ni, ma a̱nia wa, á̱ na ngwai gba̱mgbam. A̱wot á̱ na mbeang nwuak A̱gwaza a̱gba̱ndang kyenkyai shi.

2 A̱korontiyawa 6:10

A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai. Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni. Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

A̱fisawa 1:18

N bu naai A̱gwaza gu khwuk nfwuo nyin na ma̱ng sai nggu hu, da̱nian nyi ka fi̱k gbang a̱lyia̱ di̱ tyia̱ fwuo nang gu nyia̱ a̱li̱ka̱uli a̱ na nang nyin, di̱n jen nang gu ku ngyorong nyin a̱ni. A̱ yorong nyin, nyin á̱niet ba nyi yet á̱za̱za̱rak á̱niet nggu ba, nyi si̱ bu yet zwá nggu ji, ma̱ng a̱kyenkyai shi gado nggu wu a̱ni.

A̱fisawa 3:8

Ku nang n tyak kyang ma̱ á̱niet khwi A̱gwaza ba a̱ni bah, nung gwa A̱gwaza si̱ khai a̱ si̱ nyia̱ nung shok jini, n ka shei A̱sham Nkhang ma̱ng Nnwap na̱ nwai yet A̱yahudawa a̱ni, nang ba̱ na nshya̱ zwá gba̱mgbam ji̱ nwai tyiai da̱ a̱vwuo Kristi a̱ni.

1 A̱ta̱solonikawa 2:12

Zi̱ ku gba nyin. Zi̱ si̱ tyia̱ nyin gba̱gbak. Zi̱ si̱ yong nyin si̱sak ji nyi na nswan swat ku myim A̱gwaza a̱ni, a̱tyu a̱ yei nyin mami tyok nggu hu ma̱ng a̱kyenkyai shi nggu wu a̱ni.

2 A̱ta̱solonikawa 1:5

Si̱ huni hwa tak zi̱t nang a̱tsotswat shi̱ri̱ya A̱gwaza wu nat cha̱chaat. A̱wot ku bu tak chi̱k nang nyi maai swat mi̱ Tyok A̱gwaza hu, da̱nian da̱ nhu hwa nang nyi nswuo a̱bung ka.

1 Timoti 6:18

Kam mba ba̱ nyia̱ shok ma̱ng zwá ji, di̱ nyia̱ a̱tan nta̱m ba̱t; ba̱ ka ka̱u njii ma̱ng fwuo nyiung, ba̱ mbeang á̱kunak na.

2 Timoti 4:18

A̱tsak a̱lyiat, A̱gwaza wu na ti̱n nung di̱ kuzang a̱ka̱tuk mak A̱ta̱nyeang. A̱wot a̱ na chok nung shansham a̱ nat ndyo tswazwa mi̱ Tyok nggu hu. Da̱ a̱vwuo nggu kya nang a̱kyenkyai shi nshya̱, si̱ nat sang sangba̱p. Samba̱rka!

2 Timoti 4:8

A̱wot ma̱ninika, á̱ sak zang á̱ nfwuong nung. Ji̱ yet a̱tsotswat nbung tyok nang A̱tyoli Yesu a̱ yet a̱tsotswat ma̱ng a̱tan a̱tyu nyia̱ shi̱ri̱ya wu a̱ni, bye nwuak nung a̱tuk nyia̱ shi̱ri̱ya ka a̱ni. A̱wot zang jini ji yet si̱ nung ja ma̱nyin nung bah. Ji̱ bu yet si̱ a̱mgba̱m á̱niet ba̱ swan mi̱ di̱dang á̱ fwuong bwuok nggu hu, da̱nian ba̱ ka li bai nggu hu a̱ni.

Ibriniyawa 11:26

Musa ku nyia̱ a̱di̱dam nang ku ngyet a̱ swak á̱ nyia̱ nggu lihyat da̱nian Kristi, nang gu na shya̱ zwá ma̱ a̱byin Ma̱sa̱r a̱ni; mat nang gu nnwuan a̱gba̱ndang zang nang gu na shya̱ á̱zanson a̱ni.

Yakubu 1:12

A̱tyu a̱ gbang a̱lyia̱ a̱ si̱ yong mi̱ chet di̱n jen nang á̱ mmak gu a̱ni, a̱gwai yet a̱si̱ nggu. Mat jen nang gu ngbang a̱lyia̱ a̱ si̱ swuo chet mak hu a̱ni, a̱ na san zang swuan sang sangba̱p ji nang A̱gwaza wu nyia̱ a̱li̱ka̱uli a̱ na nang a̱mgba̱m á̱niet ba̱ chat gu a̱ni.

Yakubu 1:16

Nyin á̱niet khwi Yesu ba nang n chat a̱ni, nyi yok shim á̱ laai nyin bah.

Yakubu 1:19

Nyin á̱niet khwi Yesu ba nang n chat a̱ni, nyi sak a̱lyiat nani mi̱ nfwuo nyin na. Nyi yet á̱niet fwuong ma a̱nggang ma̱ng a̱fufwuo. A̱wot nyi yok ya̱baat a̱lyiat va̱vat, ku nyi vwuot ndyen ma a̱nggang bah.

Yakubu 1:9

Yok á̱niet khwi ba̱ yet á̱kunak a̱ni, ba̱ tam da̱ A̱gwaza, mat á̱ wa ka̱n nwuak ba shi.

1 Bitut 1:4

A̱wot zi̱ si̱ shya̱ a̱wat zi̱ ya gado nang á̱ sak nzi̱t ndyo Ma A̱gwaza tswazwa ku nwai byian ma̱ng tyiak, a̱wot ku si̱ yet a̱za̱za̱rak a̱ni.

2 Bitut 1:11

Nang ku ndi a̱nia a̱ni, A̱gwaza na shim á̱ san nyin mbwak nfeang mi̱ Tyok sang sangba̱p A̱tyoli Yesu Kristi, A̱tyusan nzi̱t wu.

Tyai Á̱zanson 2:9

N dyen swuo a̱bung nyin hu ma̱ng kunak nyin hu. A̱mgba̱m ma̱ng a̱nia, nyi byia̱ zwá! N dyen tyam nang á̱niet ba lak li nyin tyam nyin a̱ni. Ba̱ kyiak pyipyia̱ mba nang á̱tsatsak A̱yahudawa bya a̱ni. A̱wot A̱yahudawa bya ba̱ yet bah; ba̱ yet sot tutu a̱tung A̱ta̱nyeang ja.

Tyai Á̱zanson 21:7

A̱mgba̱m á̱niet ba̱ swuo chet swanta hu a̱ni, ba̱ na ya gado a̱mgba̱m a̱li̱ba̱rka wuni! A̱wot n na ngyet A̱gwaza mba, mba meang, ba̱ na yet mman nung!

Tyai Á̱zanson 3:18

Mat a̱nia, n tyia̱ nyin a̱lyiat; nyi san zi̱nariya nang á̱ fwu ma̱ng long a̱ni da̱ a̱vwuo nung, a̱wot nyi ka shya̱ a̱tsatsak nzwá. Nyi bu san a̱sai a̱yaatoot da̱ a̱vwuo nung, nyi nkup ka̱gbang nyin ji. A̱wot nyi bu san kan á̱ghyi, nyi ntyia̱ mi̱ tswá á̱ghyi nyin ji, mat nyi ka nwuan shansham!