Yakubu 2:3 - A̠lyiat A̠gwaza na di̠n Tyap: A̠li̠ka̠uli A̠fai

³ Ki̱ nyi byiat a̱tyu nzwa wu shansham, a̱wot nyi si̱ nyia̱, “Swan ma̱ a̱tsatsak kyang swat wuni!” A̱wot nyi si̱ nyia̱ ma̱ a̱tyu kunak wu, “Yong a̱jaau!” Ku “A swan a̱byin!”

Yakubu 2:3 Iomraidhean Croise

Luka 23:11

A̱jawa a̱gwam Hiridut ma̱ng á̱niet nzwang nggu ba, ba̱ si̱ ta̱bat mang Yesu a̱lyem á̱ bu nyia̱ nggu lihyat. Di̱ ngaan hu, ba̱ si̱ kup gu a̱junjung a̱toot tyok. A̱wot ba̱ si̱ ta̱m ma̱ng a̱nggu da̱ a̱vwuo gwomna Bilatut.

2 A̱korontiyawa 8:9

Nyi lyen nang A̱tyoli Yesu Kristi nzi̱t wu mbyia̱ shok gba̱mgbam, a̱ ni̱ nwuat mi̱ fwuo nyiung. Ku nang gu ngyet a̱tyu nzwa a̱ni, a̱mgba̱m ma̱ng a̱nia, a̱ si̱ ghwon zwá nggu ji da̱nian nyin, mami kunak nggu hu. A̱ si̱ tyia̱ nyin nyi ka yet á̱niet nzwá.

Yakubu 2:2

Kidee, ki̱ nyi shya̱ ma̱ a̱tung sot á̱niet khwi, a̱yin si̱ bai nang gu kup a̱tsatsak a̱yaatoot, a̱ si̱ tyia̱ nyuák ji̱ yet a̱mya̱myat ji̱ byia̱ kurum a̱ni mi̱ ga̱swuong; a̱wot a̱ghyang a̱niet si̱ ma mbai a̱ yet a̱kunak kya, a̱ si̱ kup a̱kyakyak a̱yaatoot.

Yakubu 2:6

A̱wot nyi jhyuai á̱kunak na! Mee á̱niet nzwá bibya shyui nyin, ba̱ si̱ kwak nyin á̱ chong ndyo mi̱ tutu shi̱ri̱ya hu baa?

Yahuda 1:16

Tangka̱i á̱niet tyiet a̱ka̱laa bani yet á̱niet kwop a̱dyii̱ng bya ma̱ng tyei á̱ghyang á̱niet a̱bun. Ba̱ ni̱ swan swat khwi di̱dang shyuo vam nang nfwuo mba na chat wa a̱ni. Ba̱ ni̱ tam tazwa á̱pyia̱ mba. Ba̱ ni̱ laai á̱ghyang á̱niet ma̱ng lyen a̱nu, da̱nian ba̱ ka shya̱ kyang ba̱ chat a̱ni.