Yakubu 2:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ a̱wot a si̱ nyia̱ ma̱ng a̱nggu, “A si̱ kwai shansham, yok A̱gwaza a̱ nang ang kyayak ma̱ng a̱toot kup,” a̱wot da̱ nwan, a nang a̱tyu a̱wa kyayak ma̱ng a̱toot kup bah. Si̱ a̱hwa yet a̱tan ta̱m wa ku na beang gu a̱ni a?

Yakubu 2:16 Iomraidhean Croise

Matyu 15:32

Yesu si̱ yorong mman ta̱m nggu na, a̱ si̱ nyia̱ ma̱ng a̱mba, “N fwuong kunak á̱niet bani. Ba̱ shya̱ a̱ji ma̱ng a̱nung mam tat nia na. A̱wot ba̱ byia̱ nkyayak nang ba̱ na ya a̱ni bah. N chat n ti̱n ba, ba̱ nkat zong bah. Kalak ba̱ chong á̱ feang di̱n vak.”

Matyu 25:35

Mat di̱n jen ji ji̱ swak a̱ni, ki̱ n fwuong zong, nyi ni̱ nang nung kyayak. Ki̱ n fwuong mashyi, nyi ni̱ nang nung a̱sa̱khwot. Ki̱ n bai a̱chi̱chen, nyi ni̱ san nung mbwak nfeang ma̱ a̱ka̱sa nyin na.

Matyu 25:36

Ki̱ n chong ka̱gbang, nyi ni̱ nang nung a̱toot, n kup. Ki̱ n nyia̱ ma̱ng zwan, nyi ni̱ chok nung. Ki̱ n shya̱ di̱ nyim mi̱ jaru, nyi ni̱ bai byiat nung.’

Ma̱rkut 5:34

Yesu si̱ nyia̱ ma̱ng nggu, “Nggwon nung, nwuak fwuo ang hu choot ang. Nat ma̱ng a̱lyia̱ sai, a fwung di̱ swuo a̱bung ang hu!”

A̱romawa 12:9

Nyi chat á̱ghyang nyin ma̱ng fwuo nyiung. Nyi yok yet á̱bubuk á̱niet di̱ chat á̱ghyang bah. Nyi lak nkyang na̱ yet a̱ka̱tuk a̱ni ma̱ng a̱mgba̱m chet nyin hu. Nyi ba̱ng kyang ku yet a̱tan a̱ni gi̱ngi̱ng.

2 A̱korontiyawa 8:8

N tyei nyin khwo hwa nyi beang bah. A̱wot n chat n mak n di̱ si̱sak nang chat á̱ghyang nyin hu ngyet a̱tsatsak a̱ni. N tyan hu ma̱ng di̱dang nang susot á̱niet khwi á̱ghyang byia̱ di̱ beang a̱ni.