Yakubu 2:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Mat a̱nia, nyi yok bwung bah, kuzang kyang nang nyi lyiat, ku nyi nyia̱ a̱ni, á̱ na nyia̱ nyin shi̱ri̱ya ma̱ng doka ji, ji̱ nwuat nyin sa̱t hu a̱ni.

Yakubu 2:12 Iomraidhean Croise

Luka 4:18

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon;

Yoona 8:32

Nyi na lyen a̱chuchuk wu, a̱wot a̱chuchuk wu na tyia̱ nyi yet á̱sa̱t á̱niet.”

A̱ga̱la̱tiyawa 6:2

Nyi ni̱ mbeang á̱niet ba̱ swuo a̱bung ma̱ng a̱fi̱fa a̱ li nang a̱kpi̱di̱dyi̱k nkpa̱t a̱ni. Di̱ nvak huni hwa nyi na nkhwi doka ji cha̱chaat nang Kristi nwuak nyin a̱ni.

A̱filibiyawa 4:8

Nyin á̱niet khwi Yesu ba nang n chat a̱ni, a̱wot ma̱ninika: Nyi tyia̱ a̱di̱dam nyin wu di̱ kyang ku yet a̱chuchuk a̱ni; kyang ku maai á̱ nwuak hu shi a̱ni; kyang ku yet a̱tsotswat a̱ni; kyang ku yet a̱za̱za̱rak a̱ni; kyang ku yet a̱sham nang á̱ chyin a̱ni; kyang hu ku myim a̱ni; kyang ku yet a̱tan a̱ swak a̱ni; ma̱ng kyang ku myim á̱ dyep a̱ni. Nyi ni̱ nyia̱ a̱di̱dam di̱ nkyang nani nia.

A̱kolosiyawa 3:17

A̱wot nang nyi ngyet á̱niet ba̱ yet á̱ghyi A̱tyoli Yesu bya a̱ni, a̱mgba̱m kuzang kyang nang nyi lyiat nyi si̱ nyia̱ a̱ni, nyi ni̱ nyia̱ kyang ku myim gu wa a̱ni. Nyi ya a̱son ma̱ng gwai A̱gwaza mat Yesu a̱ yong da̱ a̱kwonu nzi̱t a̱ni.

Yakubu 1:25

A̱wot a̱tyu a̱ tyia̱ fwuo hu di̱ zop a̱tsatsak a̱lyiat A̱gwaza na na̱ chong ma̱ng sa̱t a̱ni; a̱wot ka̱ a̱ ya a̱son ma̱ng nyia̱ a̱di̱dam da̱ A̱lyiat A̱gwaza na, a̱ si̱ nyia̱ ta̱m ma̱ng á̱na, a̱ si̱ bwung kyang hu nang gu fa̱k a̱ni bah, A̱gwaza na tyia̱ nggu a̱li̱ba̱rka mi̱ kuzang kyang nang gu nyia̱ a̱ni.

Yakubu 2:8

A̱tsak a̱lyiat, ka̱ nyi khwi doka Tyok A̱gwaza ji, nang á̱ lyuut ma̱ A̱lyiat A̱gwaza na a̱ni, nyia̱, “Chat a̱kpa̱ndang swat ang wu, ma̱nang a nchat a̱pyia̱ ang a̱ni.” Si̱ a̱hwa myim a̱nia.