Yakubu 2:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nyin á̱niet khwi Yesu ba nang n chat a̱ni! Ki̱ nyi khai á̱niet da̱ á̱ghyi ghwon á̱ghyang, nyi na nyia̱ ni nyi ntak nwuak fwuo nyin hu da̱ A̱tyoli Yesu Kristi a̱ byia̱ a̱kyenkyai shi wu a̱ni?

Yakubu 2:1 Iomraidhean Croise

Matyu 22:16

Huhwa ba̱ si̱ ta̱m ma̱ng mman ta̱m mba na ma̱ng sot á̱ghyang á̱niet ba̱ li̱n a̱ma a̱gwam Hiridut a̱ni, ba̱ si̱ shya̱ Yesu. Ba̱ si̱ nyia̱ ma̱ng a̱nggu, “A̱tyu tyiet, zi̱ lyen a yet a̱tsotswat a̱yin wa. A tyiet a̱lyiat A̱gwaza na mami a̱chuchuk. A bu byia̱ a̱ka̱ta ma̱ng a̱yin bah. Da̱ nwan, a khai á̱niet da̱ á̱ghyi bah.

Nta̱m A̱yaata̱m 10:34

A̱jawa Bitut si̱ nwuak gu shim nyia̱, “Di̱ yong huni, n fi̱k da̱ nang A̱gwaza nkhai á̱niet da̱ á̱ghyi bah.

Nta̱m A̱yaata̱m 20:21

Ta̱m jhyung ja n ku nshei A̱yahudawa ba mbeang Nnwap na̱ nwai yet A̱yahudawa a̱ni, jija yet; ku myim ba̱ ghwon a̱ka̱tuk nyia̱ mba wu, ba̱ khwi A̱gwaza, a̱wot ba̱ nwuak fwuo da̱ A̱tyoli Yesu.

Nta̱m A̱yaata̱m 24:24

Á̱ si̱ bwuo mam ma̱ chunchwiit, gwomna Filikut si̱ bwuok a̱ bai mbeang a̱kyuo nggu wu, Durusila. A̱ ku yet a̱nap A̱yahudawa wa. Ba̱ si̱ ta̱m á̱ yorong Bulut gu bai. A̱wot ba̱ si̱ myiai a̱fufwuo á̱ fwuong nang Bulut lyiat tazwa nwuak fwuo di̱ Kristi Yesu.

Nta̱m A̱yaata̱m 7:2

Itifanut si̱ nwuak gu shim nyia̱, “Nyin a̱yaatyia̱ ma̱ng á̱na̱nyiuk nung ba, nyi myiai a̱fufwuo nyi fa̱k ta̱fwat ji nang mbyia̱ na nhyia̱ a̱ni. A̱gwaza nzi̱t wu a̱ byia̱ a̱gba̱ndang a̱kyenkyai shi a̱ni, ku tyai a̱pyia̱ nggu da̱ a̱vwuo a̱tyia̱ a̱khwop nzi̱t wu Ibrahim, nang gu shya̱ ma̱ a̱byin Mesopotamiya, neet nang gu ka̱n nat swat ma̱ a̱keang Haran bah.

A̱romawa 1:11

N fwuong di̱dang bai n byiat nyin, n ka nang nyin za̱nang chet A̱za̱za̱rak Ntswa, ji̱ na tyia̱ nyin nyi mbeang chet di̱ khwi A̱tyoli Yesu hu a̱ni.

1 A̱korontiyawa 2:8

A̱wot á̱niet nyia̱ tyok swanta bani ka̱n fi̱k mumwang a̱hwa bah. Ka̱ ba̱ wa ku fi̱k hu, si̱ ba̱ ku hyat A̱tyoli nzi̱t wu a̱ byia̱ shi a̱ni, di̱ kpang gu da̱ a̱team a̱khwu wu bah.

A̱kolosiyawa 1:4

Mat zi̱ ka̱n fa̱k si̱sak nang nyi nnwuak fwuo di̱ Kristi Yesu; ma̱ng si̱sak nang nyi nchat a̱mgba̱m á̱niet khwi A̱gwaza ba a̱ni.

1 Timoti 1:19

Nwuak fwuo da̱ Kristi, a khwi gu cha̱chaat kuzang jen ma̱ng fwuo nyiung ku nwai kpaat ang a̱ni. Á̱ghyang á̱niet, ba̱ ka̱n dak khwi a̱tan nkyang nang nfwuo mba na tak ku myim ba̱ nyia̱ a̱ni. Mat a̱nia, ma̱nang kukwon a̱wak ni̱ ndwi da̱ a̱fang ku fwuoi ku seang a̱ni. Ma a̱nia wa, á̱niet bani nwuak fwuo mba hu seang.

1 Timoti 5:21

N kam ang a̱zaghyi A̱gwaza, ma̱ng Yesu Kristi, ma̱ng a̱yaata̱m tswá A̱gwaza nang á̱ khai a̱ni. N kam ang a khwi tyiet hu n tyiet ang a̱ni. Yok khai á̱niet da̱ á̱ghyi ku a tak nang a nchat a̱yin lan á̱ghyang di̱ kyang nang a nyia̱ a̱ni bah.

Titut 1:1

Nung Bulut n gyet a̱khwo A̱gwaza ma̱ng a̱ta̱m Yesu Kristi a̱ni, da̱nian n ka ntyia̱ á̱niet khwi ba nang A̱gwaza khai a̱ni gba̱gbak, ba̱ ka mbeang lyen a̱chuchuk, da̱nian ba̱ ka swan tangka̱i swat ku myim A̱gwaza a̱ni.

Titut 2:13

Zi̱ ya nswan fwuong a̱tsatsak mam a̱gwai a̱hwa nang zi̱ ntyia̱ fwuo a̱ni, nang Yesu Kristi a̱ yet a̱gba̱ndang A̱gwaza ma̱ng A̱tyusan nzi̱t wu na mbwuok a̱ bai ma̱ng a̱kyenkyai shi nggu wu kpa̱sai a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Yakubu 1:16

Nyin á̱niet khwi Yesu ba nang n chat a̱ni, nyi yok shim á̱ laai nyin bah.

Yakubu 1:19

Nyin á̱niet khwi Yesu ba nang n chat a̱ni, nyi sak a̱lyiat nani mi̱ nfwuo nyin na. Nyi yet á̱niet fwuong ma a̱nggang ma̱ng a̱fufwuo. A̱wot nyi yok ya̱baat a̱lyiat va̱vat, ku nyi vwuot ndyen ma a̱nggang bah.

Yakubu 2:3

Ki̱ nyi byiat a̱tyu nzwa wu shansham, a̱wot nyi si̱ nyia̱, “Swan ma̱ a̱tsatsak kyang swat wuni!” A̱wot nyi si̱ nyia̱ ma̱ a̱tyu kunak wu, “Yong a̱jaau!” Ku “A swan a̱byin!”

Yakubu 2:9

A̱wot ka̱ nyi khai á̱ghyang á̱niet da̱ á̱ghyi, nyi si̱ nyia̱ mba a̱tan nta̱m, a̱wot nyi si̱ ghwon á̱ghyang, nyi nyia̱ a̱ka̱tuk nyia̱ wa a̱wa. Nyi bwuo a̱bun nang nyi ntyat doka A̱gwaza ji a̱ni.

Yakubu 3:17

A̱wot mumwang hu ku neet Ma A̱gwaza tswazwa a̱ni; di̱n tsa hu, ku yet a̱za̱za̱rak wa. Ku si̱ bu tyei swat nyinyang, nyia̱ shonshyon ma̱ng gwai á̱ghyang, ghyuai a̱pyia̱, ma̱ng fwuong kunak á̱ghyang. A̱tyu a̱ byia̱ mumwang a̱hwa a̱ni, a̱ ni̱ yong mi̱ di̱ nyia̱ a̱tan nta̱m. Da̱ nggu, a̱ khai á̱niet da̱ á̱ghyi bah. A̱wot a̱ si̱ yong da̱ a̱chuchuk kuzang jen.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

Yahuda 1:16

Tangka̱i á̱niet tyiet a̱ka̱laa bani yet á̱niet kwop a̱dyii̱ng bya ma̱ng tyei á̱ghyang á̱niet a̱bun. Ba̱ ni̱ swan swat khwi di̱dang shyuo vam nang nfwuo mba na chat wa a̱ni. Ba̱ ni̱ tam tazwa á̱pyia̱ mba. Ba̱ ni̱ laai á̱ghyang á̱niet ma̱ng lyen a̱nu, da̱nian ba̱ ka shya̱ kyang ba̱ chat a̱ni.

Tyai Á̱zanson 14:12

Si̱ huni tak zi̱t nang ku ngyet ta hwa á̱za̱za̱rak á̱niet A̱gwaza ba̱ gbang a̱lyia̱, ba̱ nyap fwuo mami ya̱shuk mba hu, ba̱ ya a̱son di̱ khwi doka A̱gwaza ji, ba̱ ya a̱son di̱ nwuak nfwuo mba na di̱ Yesu Kristi.