Yakubu 1:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Yok á̱niet khwi ba̱ yet á̱kunak a̱ni, ba̱ tam da̱ A̱gwaza, mat á̱ wa ka̱n nwuak ba shi.

Yakubu 1:9 Iomraidhean Croise

Luka 1:52

A̱ si̱ chyok ma̱ng á̱gwam di̱ kyang nswat ntyok mba na. A̱wot a̱ si̱ nwuak á̱niet ba̱ ghyuai á̱pyia̱ mba a̱ni, shi.

Luka 10:20

A̱mgba̱m ma̱ng a̱nia, nyi yok gwai mat á̱ka̱tuk ntswá ba khwi a̱lyiat nyin na ma̱nyin na bah. A̱wot nyi bu mbeang a̱gwai nyin na swaak; mat á̱ lyuut lyulyoot nyin hu mi̱ ta̱ka̱da mman a̱byin Ma A̱gwaza tswazwa!”

Luka 14:11

Mat a̱nia, a̱tyu a̱ nwuak a̱pyia̱ nggu shi a̱ swak á̱ghyang á̱niet a̱ni, A̱gwaza na ghyuai nggu. A̱wot a̱tyu a̱ ghyuai a̱pyia̱ nggu a̱ni; nggu wa A̱gwaza na tyia̱ gu shi hu.”

Luka 9:48

A̱jawa gu nyia̱ ma̱ng a̱mba, “A̱tyu a̱ san a̱da̱dei nggwon nang a̱si̱ kani a̱ni da̱nian nung, ku li á ngyei nung gwa gu san. A̱wot konyan wa san nung a̱ni, nung gwa gu san ma̱nyin nung bah; a̱ mun a̱ san A̱tyia̱ nung wu a̱ ta̱m nung a̱ni. Mat a̱nia, konyan wa swak ma̱ng yet a̱da̱dei wu mami nyin, nggu wa swak ma̱ng shi hu.”

A̱romawa 8:17

Nang zi̱ ngyet mman A̱gwaza nia a̱ni, zi̱ yet á̱niet ya gado nggu bya. A̱tsak a̱lyiat, zi̱ yet á̱niet ba̱ na ya gado a̱kyenkyai shi A̱gwaza wu dundung ma̱ng Kristi a̱ni. A̱wot ka̱ zi̱ chat zi̱ shya̱ a̱kwonu nzi̱t ma̱ng a̱kyenkyai shi Kristi wu, ku myim zi̱ swuo a̱bung ka ndung ma̱ng a̱nggu.

2 A̱korontiyawa 6:10

A̱wot nfwuo nzi̱t na ni̱ byian. A̱mgba̱m ma̱ng a̱nia, zi̱ ni̱ shya̱ ma̱ng a̱gwai. Zi̱ yet á̱kunak nia mi̱ swanta huni. A̱mgba̱m ma̱ng a̱nia, zi̱ ni̱ tyia̱ á̱niet ba̱ shya̱ a̱li̱ba̱rka á̱ neet da̱ a̱vwuo A̱gwaza a̱ni. Zi̱ byia̱ kyang mi̱ swanta huni bah. A̱wot a̱mgba̱m ma̱ng a̱nia, zi̱ byia̱ kuzang kyang Ma A̱gwaza tswazwa.

A̱filibiyawa 3:14

huhwa yet; n kwan wa ba̱t n gya a̱son n ka ntat gak hu, n ka shya̱ a̱gba̱ndang zang. Jija yet yorong hu nang A̱gwaza yorong nung tswazwa, mat Kristi Yesu a̱ni.

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.

Tyai Á̱zanson 2:9

N dyen swuo a̱bung nyin hu ma̱ng kunak nyin hu. A̱mgba̱m ma̱ng a̱nia, nyi byia̱ zwá! N dyen tyam nang á̱niet ba lak li nyin tyam nyin a̱ni. Ba̱ kyiak pyipyia̱ mba nang á̱tsatsak A̱yahudawa bya a̱ni. A̱wot A̱yahudawa bya ba̱ yet bah; ba̱ yet sot tutu a̱tung A̱ta̱nyeang ja.