Yakubu 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Tangka̱i a̱yin a̱hwa nang fwuo nggu hu shya̱ da̱ A̱gwaza ma̱ng swanta a̱ni, a̱ byia̱ a̱vwuo yong mi̱ kuzang kyang nang nggu nyia̱ a̱ni bah.

Yakubu 1:8 Iomraidhean Croise

Matyu 6:22

“Tswa a̱li ang ji yet fi̱tila ji̱ tyei sai mi̱ vam ang hu a̱ni. Ki̱ tswa a̱li ang ji byia̱ shok ka̱u nkyang, a̱mgba̱m vam ang hu na sai ma̱ kyenkyai.

Matyu 6:24

“Á̱ mbyia̱ a̱tyu a̱ na nyia̱ khwo a̱yaatyoli a̱feang a̱ni bah. Ku a̱ lak a̱tyo nyiung, a̱wot gu chat a̱tyo nyiung wu. Ma a̱nia wa, a̱ na nwuak a̱tyo nyiung wu shi, a̱wot a̱ jhyuai a̱tyo nyiung wu. Ma a̱nia wa, nyi si̱ mi̱n nyia̱ A̱gwaza khwo ntsa bu nnyia̱ khwo kurum bah.

Yakubu 1:7

Tangka̱i a̱yin a̱hwa a̱ byia̱ nfwuo nfeang a̱ni, gu yok tyia̱ fwuo nyia̱ a̱ na shya̱ kyang da̱ a̱vwuo A̱gwaza bah.

Yakubu 4:8

Nyi shyei nat kpa̱mkpaan ma̱ng A̱gwaza. Nggu meang, a̱ na shyei a̱ bai kpa̱mkpaan ma̱ng a̱nyin. Nyin á̱niet a̱ka̱tuk nyia̱, nyi swan a̱za̱za̱rak nswat. Nyin á̱niet nyi khwi A̱gwaza ma̱ng nfwuo nfeang a̱ni, nyi jaat a̱mgba̱m nfwuo nyin na na̱ tyia̱ za̱za̱rak.

2 Bitut 2:14

Á̱ghyi mba ba tyei mba shyuo a̱shi̱shi̱k nyia̱ nang a̱ka̱la̱m a̱ni. A̱wot di̱dang nyia̱ a̱ka̱tuk nyia̱ maai mba bah. Ba̱ laai á̱niet nwai yong mi̱ chet ba̱ nyia̱ a̱ka̱tuk nyia̱. A̱wot ba̱ yet a̱yaagwak bya di̱ nyia̱ wuwok. A̱gwaza ka̱n shyi mbaa.

2 Bitut 3:16

Bulut lyuut a̱lyiat nani mi̱ a̱mgba̱m wusiká nggu ji. Tyiet gu ghyang vwuo a̱khwu, a̱yin a̱ fi̱k hu. A̱wot á̱niet ba̱ chyi kyang ma̱ng sang chet mi̱ khwi a̱ni, ba̱ shei a̱lyiat nggu na na̱ fa kyang ghyang ma̱ zan a̱ni; ma̱nang ba̱ nnyia̱ ma̱ng á̱kum A̱lyiat A̱gwaza ka a̱ni. A̱wot si̱ huni na bai ma̱ng a̱mba a̱khwu.