Yakubu 1:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱wot ka̱ a naai A̱gwaza wu, ku yet ta hwa, a nwuak fwuo da̱ nggu, a yok but mi̱ fwuo bah. A̱wot kuzang a̱yin wa but mi̱ fwuo, a̱ li nang ja̱fi̱k a̱sa̱khwot nang wun hyap a̱ ji̱m ndyo ma̱ tai a̱ni.

Yakubu 1:6 Iomraidhean Croise

Matyu 14:28

Bitut si̱ nwuak gu shim nyia̱, “A̱tyoli, ka̱ a̱tsak a̱lyiat nang nwan wa, tyia̱ n chong tazwa a̱sa̱khwot ka, n bai da̱ a̱vwuo ang!”

Nta̱m A̱yaata̱m 10:20

Doot a̱nggang, a chyok nat a̱byin. A̱wot a nat ma̱ng a̱mba. A yok but mi̱ fwuo bah. Yok nyia̱ a̱fi̱fa bah, mat nung gwa ta̱m mba da̱ a̱vwuo ang.”

A̱fisawa 4:14

Ka̱ a̱nia wa, zi̱ bu yok nyia̱ nang a̱bachyuang mman na̱ nwai tat á̱ghyi a̱ni bah. Da̱ á̱niet tyiet bwoi a̱ka̱laa ba̱ na bwan nzi̱t ma̱ng kuzang tangka̱i tyiet fai bwoi a̱ka̱laa mba hu, nang wun ni̱ nhyap ja̱fi̱k a̱sa̱khwot ji a̱kibwan ndyo a̱ni bah. A̱wot di̱ tyiet á̱niet bwoi a̱ka̱laa hu si̱ mi̱n daai nzi̱t; zi̱ ghwon a̱tsatsak a̱lyiat wu, mat a̱ka̱laa ma̱ng mumwang mba hu, ku tai a̱tsatsak a̱lyiat a̱ni bah.

1 Timoti 2:8

N chat á̱tyok ba mi̱ kuzang a̱tung sot á̱niet khwi ba̱ naai A̱gwaza wu, ma̱ng neap a̱za̱za̱rak mbwak mba wu tswazwa kuzang jen di̱ mi̱n mwai lyen, ma̱ng nwai but mi̱ fwuo.

Ibriniyawa 10:23

Yok zi̱ yong mi̱ chet di̱ mi̱ but mi̱ fwuo, di̱ tyia̱ fwuo nzi̱t hu nang zi̱ shei á̱ghyang á̱niet kpa̱sai a̱ni. Mat A̱gwaza yet a̱tsotswat wa, a̱ na nyia̱ kyang hu nang gu nyia̱ a̱li̱ka̱uli a̱ na nyia̱ a̱ni.

Ibriniyawa 11:6

A̱wot á̱ mbyia̱ a̱tyu nang A̱gwaza si̱ mi̱n fa̱k nyinyang nggu, di̱ mi̱n nwuak fwuo a̱ni bah. Kuzang a̱yin a̱ chat bai kpa̱mkpaan ma̱ng A̱gwaza a̱ni, ku yet ta hwa, gu nwuak a̱chuchuk nyia̱ A̱gwaza nshya̱, a̱wot a̱ ni̱ nang a̱mgba̱m á̱niet ba̱ chat gu ma̱ng fwuo nyiung a̱ni zang.

Ibriniyawa 13:9

Mat a̱nia, nyi yok khwi kuzang tangka̱i tyiet fai, ku vwuon ma̱ng A̱sham Nkhang ka a̱ni bah. Tangka̱i tyiet fai ku na tyia̱ nyi nteap, nyi ghwon a̱tsatsak nvak wu a̱ni. A̱wot khwi taada ya ntangka̱i nkyayak ma̱ a̱di̱di̱t ku ni̱ beang nzi̱t bah. Shok A̱gwaza ja tyei nfwuo nzi̱t na chet.

Yakubu 1:7

Tangka̱i a̱yin a̱hwa a̱ byia̱ nfwuo nfeang a̱ni, gu yok tyia̱ fwuo nyia̱ a̱ na shya̱ kyang da̱ a̱vwuo A̱gwaza bah.

Yakubu 5:15

Tangka̱i naai á̱niet ba̱ nwuak fwuo da̱ A̱gwaza a̱ni, byia̱ chet ku tyia̱ á̱ choot a̱tyu zwan wu. A̱wot ka̱ a̱ nyia̱ a̱ka̱tuk nyia̱, A̱gwaza na chi nggu ndyo.

2 Bitut 2:17

Á̱niet tyiet a̱ka̱laa bani yet á̱buk á̱niet bya, ba̱ ni̱ laai á̱niet nang nnang a̱sa̱khwot ku myim ku byia̱ a̱sa̱khwot, a̱wot ku si̱ fi̱k a̱ni. Ba̱ si̱ bu li nang á̱ni̱nian ku tak nang za na nva a̱ni. A̱wot wun hu si̱ hyap hu a̱ seang. A̱gwaza wa ka̱n khap ba a̱ sak da̱ a̱vwuo ka̱ yet a̱gbi̱ri̱ng ndyin a̱ni.