Yakubu 1:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Si̱ nyi ya a̱son ma̱ng gbang a̱lyia̱ si̱ tat jen nang swuo a̱bung hu na ntyak a̱ni, nyi ka yet á̱tsatsak ma̱ng á̱niet khwi ba tat a̱ghyi, da̱ ba̱ lyin kyang a̱ni bah.

Yakubu 1:4 Iomraidhean Croise

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Matyu 19:20

Fi̱ng a̱tyok hu si̱ nyia̱, “Doká jini, n wa ka̱n khwi nji a̱mgba̱m. Yihwa nang n mbwat nyia̱ hu?”

Matyu 5:48

Mat a̱nia, ku yet ta hwa nyi yet á̱tsatsak á̱niet, ma̱nang A̱tyia̱ nyin wu a̱ shya̱ tswazwa ka ngyet a̱tsatsak a̱ni.”

Ma̱rkut 10:21

Nang Yesu nnwuan gu a̱ni, a̱ si̱ fa̱k da̱ nggu ba̱t. Huhwa gu nyia̱ ma̱ng fi̱ng a̱tyu a̱hwa, “Kyang nyiung hwa bwat ang. Nat a si̱ lyap a̱mgba̱m nkyang zwa ang na a ka̱u á̱kunak kurum hu, a̱wot a na byia̱ zwá Ma A̱gwaza tswazwa. A sii bai a khwi nung.”

Luka 18:22

Nang Yesu nfa̱k shim nggu hu a̱ni, a̱ si̱ nyia̱ ma̱ng a̱nggu, “Kyang nyiung hwa bwat a nyia̱, lyap a̱mgba̱m kyang nang a byia̱ a̱ni, a si̱ ka̱u á̱kunak kurum hu. A̱wot a na shya̱ zwá Ma A̱gwaza tswazwa. Ka̱ a nyia̱ a̱nia, a sii bai a khwi nung.”

Luka 21:19

Nyi gbang a̱lyia̱, nyi bu yong mi̱ chet. A̱nia wa nyi na nshya̱ swuan sang sangba̱p ji.

Luka 8:15

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na ma̱ng fwuo nyiung. A̱wot ba̱ si̱ sak na mi̱ nfwuo mba na. Ba̱ si̱ bu neap nfwuo mba na. Ba̱ si̱ nnyia̱ nta̱m. Ba̱ si̱ tyia̱ tswá gba̱mgbam.”

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

1 A̱korontiyawa 2:6

A̱mgba̱m ma̱ng a̱nia, jen nang n shya̱ ma̱ á̱niet ba̱ ka̱n tyia̱ chet mi̱ khwi hu a̱ni, n ni̱ ndyiat swáng a̱lyiat mumwang; a̱wot tangka̱i mumwang ku yet si̱ swanta huni hwa, ku mumwang á̱niet ba̱ nyia̱ tyok swanta huni hwa a̱ni bah, mat ba̱ na kwi á̱ bwung ba di̱ a̱bada̱dei njen.

A̱ga̱la̱tiyawa 6:9

Mat a̱nia, zi̱ yok van ma̱ng nyian á̱ghyang a̱tan nta̱m bah. Mat ka̱ zi̱ nti̱n fwuo bah, da̱ a̱cha̱chaat jen chak yak wu, zi̱ na shya̱ kpangti̱n gba̱mgbam.

A̱kolosiyawa 4:12

A̱bafa̱rat yet a̱tyo nyiung wa mi̱ sot á̱niet khwi nyin ji, a̱wot a̱ bu yet a̱khwo Kristi Yesu a̱ni, byat nyin. A̱ ni̱ ntyia̱ a̱lyia̱ di̱ naai A̱gwaza kuzang jen da̱nian nyin, gu ka tyia̱ nyin nyi yet á̱niet tat á̱ghyi, nyi bu yet á̱tsatsak á̱niet. A̱bafa̱rat bu nwuak a̱chuchuk nang nyi nkhwi a̱mgba̱m kyang nang A̱gwaza chat a̱ni.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

2 Timoti 3:17

Mat A̱lyiat A̱gwaza na tyia̱ konyan wa yet a̱tyu nta̱m A̱gwaza a̱ni; a yet a̱tsatsak a̱tyu nta̱m, a̱ bu swan ma̱ng la̱p vam a̱ fwuong nyia̱ kuzang tangka̱i a̱tan nta̱m.

Ibriniyawa 13:21

Yok A̱gwaza a̱ ka̱u nyin kuzang a̱tan kyang nang nyi chat a̱ni, da̱nian nyi ka nyia̱ nggu nta̱m nang gu chat a̱ni. Yok gu nyia̱ ta̱m ma̱ng a̱nzi̱t, mami chet a̱lyoot Yesu Kristi, zi̱ ka nyia̱ kuzang a̱tan nta̱m ku na tyia̱ gu fa̱k nyinyang a̱ni. Yok a̱mgba̱m a̱kyenkyai shi a̱ yet a̱si̱ nggu, si̱ nat sang sangba̱p! Samba̱rka!

Yakubu 1:5

Ka̱ a̱yin ma̱ nyin chat mumwang, a̱ naai A̱gwaza wu a̱ ka̱u konyan gba̱mgbam ma̱ng fwuo a̱nyiung a̱ni. A̱wot A̱gwaza na tyia̱ nggu a̱bun di̱ naai nggu hu bah.

Yakubu 3:2

A̱tsak a̱lyiat, a̱mgba̱m nzi̱t, zi̱ ni̱ ghyuap. Ka̱ á̱ mbyia̱ a̱yin ma̱ nzi̱t a̱ ni̱ nwai ghyuap mami a̱lyiat nggu na a̱ni, a̱tyu a̱wa yet a̱tsatsak a̱yin wa, a̱ maai a̱ chok a̱pyia̱ gu a̱mgba̱m.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

2 Bitut 1:9

A̱wot á̱niet ba̱ sang tangka̱i za̱kwa huni a̱ni, ba̱ nwuan shansham bah. Ba̱ si̱ yet á̱niet a̱fi̱fan bya. Ba̱ si̱ bwung nang á̱ nchi a̱ka̱tuk nyia̱ mba wu, nang ba̱ nyia̱ di̱n jen nwai khwi Yesu ji a̱ni.