Yakubu 1:2 - A̠lyiat A̠gwaza na di̠n Tyap: A̠li̠ka̠uli A̠fai

² Nyin á̱niet khwi Yesu ba nang n chat a̱ni, jen nang nyi nnwuo mi̱ swuo a̱bung a̱ni, nyi ni̱ nkyiak hu ku yet nyin a̱wat a̱gba̱ndang a̱lyia̱ sai.

Yakubu 1:2 Iomraidhean Croise

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

A̱romawa 5:3

Ka̱ zi̱ doot zi̱ bu gwai meang, ku nang zi̱ ni̱ nswuo a̱bung ma̱ng mai a̱ni. A̱mgba̱m ma̱ng a̱nia, zi̱ lyen nang nkyang nani mbeang nzi̱t, a̱wot na̱ tyei nzi̱t, zi̱ gbang a̱lyia̱.

A̱filibiyawa 1:29

Mat A̱gwaza nyia̱ nyin shok di̱ nang nyin a̱wat nyi nwuak fwuo di̱ Yesu Kristi wa ma̱nyin gu bah; a̱wot nyi bu shya̱ a̱wat swuo a̱bung kya da̱nian gu meang.

A̱filibiyawa 2:17

Ka̱ a̱nia wa, n na nfa̱k fwuo sai, ku nang n na ndyin swuan nung ji, nang á̱ ni̱ nkoot za̱nang ji yet a̱sok a̱zaghyi A̱gwaza a̱ni. Za̱nang jini bu tai á̱tsotswat nta̱m nyin wu na̱ yet kidee za̱nang a̱zaghyi A̱gwaza a̱ni. A̱mgba̱m ma̱ng a̱nia, n chat a̱mgba̱m nyin nyi beang nung a̱gwai a̱nia.

A̱filibiyawa 2:18

A̱tsak a̱lyiat, nyin meang ku yet ta hwa nyi gwai. A̱wot nung, n na gwai dundung ma̱ng a̱nyin.

A̱kolosiyawa 1:24

A̱wot ma̱ninika, n gwai n swuo a̱bung da̱ a̱mgba̱m nkyang nang Kristi chat n swuo a̱bung da̱nian nggu a̱ni. A̱wot n gya a̱son ma̱ng swuo a̱bung huni mi̱ vam nung hu, da̱nian n ka beang vam nggu hu; huhwa yet á̱niet khwi nggu ba.

Ibriniyawa 10:34

Nyi ku swuo a̱bung dundung ma̱ng á̱niet khwi ba nang á̱ ku tyia̱ mi̱ jaru a̱ni. A̱wot a̱mgba̱m nkyang nang nyi ku byia̱ a̱ni, á̱niet nyia̱ tyok ba si̱ ta̱wap naa, ba̱ si̱ ghwon nyin. A̱mgba̱m ma̱ng a̱nia, nyi si̱ san si̱sak nang nyi nnwai nkyang a̱nia a̱ni ma̱ng a̱lyia̱ sai. Mat nyi ku lyen nang nyi na nshya̱ á̱tsatsak nkyang nang á̱ sak nyin dyo Ma A̱gwaza tswazwa, na̱ fwuong nyin si̱ nat sang sangba̱p a̱ni.

Yakubu 1:12

A̱tyu a̱ gbang a̱lyia̱ a̱ si̱ yong mi̱ chet di̱n jen nang á̱ mmak gu a̱ni, a̱gwai yet a̱si̱ nggu. Mat jen nang gu ngbang a̱lyia̱ a̱ si̱ swuo chet mak hu a̱ni, a̱ na san zang swuan sang sangba̱p ji nang A̱gwaza wu nyia̱ a̱li̱ka̱uli a̱ na nang a̱mgba̱m á̱niet ba̱ chat gu a̱ni.

Yakubu 1:16

Nyin á̱niet khwi Yesu ba nang n chat a̱ni, nyi yok shim á̱ laai nyin bah.

Yakubu 1:19

Nyin á̱niet khwi Yesu ba nang n chat a̱ni, nyi sak a̱lyiat nani mi̱ nfwuo nyin na. Nyi yet á̱niet fwuong ma a̱nggang ma̱ng a̱fufwuo. A̱wot nyi yok ya̱baat a̱lyiat va̱vat, ku nyi vwuot ndyen ma a̱nggang bah.

Yakubu 5:11

Á̱niet ba ba̱ ni̱ nyap fwuo, ba̱ gbang a̱lyia̱ mami swuo a̱bung a̱ni, zi̱ ni̱ dyep baa. Zi̱ nwuak ba a̱gba̱ndang shi. Kidee, nyi fa̱k nkhang Ayuba, a̱ ku nyap fwuo a̱ si̱ gbang a̱lyia̱ za̱m. Nyi si̱ bu li si̱sak ji nang A̱gwaza ku nnyia̱ nggu shok di̱ ngaan hu a̱ni. Mat A̱gwaza wu yet a̱tyu chat á̱niet ma̱ng fwuong kunak hwa gba̱mgbam.

2 Bitut 2:9

Ka̱ ku li a̱nia, ku tak nang A̱gwaza ndyen si̱sak ji gu na nsan á̱niet khwi nggu ba di̱n jen mak mba ji a̱ni. A̱ si̱ bu lyen si̱sak gu na ntyia̱ á̱niet a̱ka̱tuk nyia̱ swuo a̱bung mi̱ swanta huni a̱ni. Ku bu tak nang gu ndyen si̱sak ji nang gu na nsak á̱ka̱tuk á̱niet á̱ nfwuong mam á̱ na nfaat mba shi̱ri̱ya ngaan ji a̱ni.

Tyai Á̱zanson 2:10

Nyi yok fa̱k a̱wun a̱bung nyi na swuo a̱ni bah. A̱ta̱nyeang ka na tyia̱ á̱ghyang nyin mi̱ jaru, da̱nian á̱ ka mak nyin. Nyi na bwuo mam swak nang nyi swuo a̱bung. A̱wot ka̱ nyi yong chi̱k di̱ nwuak a̱chuchuk nyin hu, ku nang á̱ hyaai nyin wa; n na nkup nyin bung tyok ji̱ yet zang nswuan a̱ni.