Yakubu 1:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Nyin á̱niet khwi Yesu ba nang n chat a̱ni, nyi yok shim á̱ laai nyin bah.

Yakubu 1:16 Iomraidhean Croise

Matyu 22:29

Yesu si̱ nwuak ba shim nyia̱, “Lyip huni tak nang nyi ka̱n ghyuap wa. Mat nyi ka̱n dyen A̱lyiat A̱gwaza na ma̱ng chet nggu hu bah.

Ma̱rkut 12:24

Yesu si̱ nwuak ba shim nyia̱, “Lyip huni tak nang nyi ka̱n ghyuap wa. Nyi ka̱n dyen A̱lyiat A̱gwaza na ma̱ng chet gu hu bah.

Ma̱rkut 12:27

“A̱gwaza yet á̱si̱ á̱niet kukwi wa bah. A̱ yet á̱si̱ á̱niet nswuan wa. Nyi ghyuap za̱m!”

Nta̱m A̱yaata̱m 1:15

Di̱n jen a̱ja, Bitut si̱ doot a̱ yong ma̱ a̱ka̱wa̱tyia̱ á̱niet khwi ba. (Á̱niet ba̱ ku shya̱ a̱ja a̱ni, ku tat chyi ma̱ng nswak nfeang.)

1 A̱korontiyawa 6:9

Nyi lyen da̱nang á̱ka̱tuk á̱niet na nshya̱ gado mi̱ Tyok A̱gwaza hu bah, ka̱ni? Nyi yok laai pyipyia̱ nyin bah: Á̱niet ba̱ nyia̱ a̱shi̱shi̱k nyia̱ a̱ni; ku á̱niet khwi nghwughwu a̱yaagwaza sang swuan; ku á̱niet katnaan; ku á̱tyok ba̱ lyiai pyipyia̱ mba nang khám a̱ni da̱ a̱vwuo á̱tyok á̱ghyang; ku á̱tyok ba khwat ma̱ng á̱tyok mbeang á̱nyiuk ba̱ khwat ma̱ng á̱nyiuk a̱ni;

A̱ga̱la̱tiyawa 6:7

Nyi yok laai á̱pyia̱ nyin bah, á̱ mbyia̱ a̱tyu a̱ si̱ mi̱n shyok tsotswat A̱gwaza hu a̱ni bah. A̱tyu khap ni̱ chak yak nang gu chyui wa a̱ni.

A̱filibiyawa 2:12

Mat a̱nia, nyin á̱niet khwi Yesu ba nang n chat a̱ni, nyi ku khwi tyiet nung hu nchi̱ri̱ng di̱n jen nang n ku nshya̱ ndung ma̱ng a̱nyin a̱ni. Ma a̱nia wa ma̱ninika, nang n nwai shya̱ ma̱ng nyin a̱ni, ku yet a̱sham a̱ swak ki̱ nyi khwi tyiet nung hu. Nyi kwan nyi nyia̱ ta̱m ku tak nang nyi nshya̱ a̱jhyem san a̱ni. A̱wot nyi khwi A̱gwaza ma̱ng a̱wun ma̱ng nwuak a̱pyia̱ ba̱t.

A̱filibiyawa 4:1

Mat a̱nia, nyin á̱niet khwi Yesu ba nang n chat a̱ni, nyi yong chi̱k di̱ nwuak fwuo nyin hu da̱ A̱tyoli Yesu. Mat n fa̱k da̱ nyin, nyi yet á̱kpa̱ndang nung, nyin bya bu yet a̱gwai nung na ma̱ng bung tyok nung ji, ji̱ yet zang ta̱m nung ji a̱ni.

A̱kolosiyawa 2:4

N shei nyin a̱lyiat nani, da̱nian nyi ka yok shim a̱yin a̱ laai nyin ma̱ng lyen a̱lyiat bah.

A̱kolosiyawa 2:8

Nyi ta̱bam ma̱ng á̱pyia̱ nyin, kalak a̱yin a̱ du laai nyin ma̱ng tyiet ku neet mi̱ mumwang swanta huni, ku yet a̱buk tyiet tazwa A̱gwaza a̱ni. Tyiet hu ku neet ma̱ a̱di̱dam ma̱ng taada a̱tyubishyi ma̱ng chet a̱yaata̱m tswá mi̱ swanta huni, ku nwai yet si̱ Kristi a̱ni.

2 Timoti 2:18

Ba̱ wa ka̱n ghwon khwi vak a̱chuchuk hu. A̱wot ba̱ laai á̱niet khwi ba nyia̱, á̱ wa ka̱n ta̱ngam zi̱t ma̱ng swuan ma̱ á̱niet ba̱ ka̱n kwi a̱ni! Di̱ nvak huni hwa ba̱ si̱ ntyia̱ á̱ghyang á̱niet si̱ bwuok lilyim di̱ khwi A̱gwaza hu.

Ibriniyawa 13:1

Nyin á̱niet khwi Yesu ba, nyi ya a̱son mi̱ chat á̱ghyang nyin nang á̱na̱nyiuk a̱ni.

Yakubu 1:19

Nyin á̱niet khwi Yesu ba nang n chat a̱ni, nyi sak a̱lyiat nani mi̱ nfwuo nyin na. Nyi yet á̱niet fwuong ma a̱nggang ma̱ng a̱fufwuo. A̱wot nyi yok ya̱baat a̱lyiat va̱vat, ku nyi vwuot ndyen ma a̱nggang bah.

Yakubu 1:2

Nyin á̱niet khwi Yesu ba nang n chat a̱ni, jen nang nyi nnwuo mi̱ swuo a̱bung a̱ni, nyi ni̱ nkyiak hu ku yet nyin a̱wat a̱gba̱ndang a̱lyia̱ sai.

Yakubu 2:1

Nyin á̱niet khwi Yesu ba nang n chat a̱ni! Ki̱ nyi khai á̱niet da̱ á̱ghyi ghwon á̱ghyang, nyi na nyia̱ ni nyi ntak nwuak fwuo nyin hu da̱ A̱tyoli Yesu Kristi a̱ byia̱ a̱kyenkyai shi wu a̱ni?

Yakubu 2:14

Nyin á̱niet khwi Yesu ba nang n chat a̱ni, zang kpangti̱n ja nang a̱yin na shya̱ ka̱ a̱ kyiak nyia̱ a̱ nwuak a̱chuchuk, a̱wot da̱nang gu tak hu di̱ nyia̱ a̱tan nta̱m bah? Ka̱ doot tangka̱i nwuak a̱chuchuk a̱hwa ku san a̱yin a?

Yakubu 2:5

Nyin á̱niet khwi Yesu ba nang n chat a̱ni, nyi myiai a̱fufwuo nyi fa̱a̱k! A̱gwaza wu khai á̱kunak na mi̱ swanta huni, ba̱ yet á̱niet a̱tsak nzwa mat nwuak fwuo hwa da̱ nggu baa? Bibya yet á̱niet ba̱ na ya gado tyok nang A̱gwaza nyia̱ a̱li̱ka̱uli a̱ na nang á̱niet ba̱ chat gu a̱ni baa?

Yakubu 3:1

Nyin á̱niet khwi Yesu ba nang n chat a̱ni, nyi yok la̱u á̱kpa di̱ chat yet á̱niet tyiet bah. Mat nyi lyen nzi̱t á̱niet tyiet, shi̱ri̱ya nzi̱t ji na swak si̱ á̱kum á̱niet ji.

Yakubu 3:10

Ma̱ a̱nu a̱nyiung kikya nang dyep ma̱ng fwoi nghwut. Nyin á̱niet khwi Yesu ba nang n chat a̱ni, a̱tsak a̱lyiat, ku myim a̱nia bah!

Yakubu 4:11

Nyin á̱niet khwi Yesu ba nang n chat a̱ni, nyi yok tyam á̱ghyang nyin bah. Ka̱ nyi bat á̱ghyang nyin a̱hyiak, ku nyi nyia̱ á̱ghyang nyin shi̱ri̱ya, ku fa nyi bat doka A̱gwaza ji a̱hyiak, nyi si̱ nyia̱ nji shi̱ri̱ya meang. A̱wot ta̱m nyin hu hwa yet, nyi khwi doka A̱gwaza ji, nyi yok bat ji a̱hyiak bah. Kalak, nyi kyiak á̱pyia̱ nyin á ngyei nyi yet á̱niet nyia̱ shi̱ri̱ya bya tazwa doka ji.

Yakubu 5:12

Nyin á̱niet khwi Yesu ba, kyang ku yet a̱ swak a̱ni, huhwa yet; nyi yok kyiak shyishyi nyia̱, “N shyi da̱ a̱lyoot Ma A̱gwaza tswazwa” bah; ku “N shyi da̱ a̱lyoot a̱byin” bah; ku ma̱ng kuzang tangka̱i shyishyi hwa. Nyi yok “Ii” nyin wu, a̱ yet “Ii,” a̱wot “Kaai” nyin wu, a̱ yet “Kaai,” kalak nyi na nyia̱ a̱ka̱tuk nyia̱, a̱wot A̱gwaza a̱ nyia̱ nyin shi̱ri̱ya.

Yakubu 5:19

Nyin á̱niet khwi Yesu ba nang n chat a̱ni, ka a̱yin ma̱ nyin teap, a̱ si̱ ghwon khwi vak a̱chuchuk hu; a̱wot a̱yin ma̱ nyin si̱ bwuok ma̱ng a̱nggu a̱ bai ndyo da̱ a̱vwuo A̱gwaza.