Yakubu 1:12 - A̠lyiat A̠gwaza na di̠n Tyap: A̠li̠ka̠uli A̠fai

¹² A̱tyu a̱ gbang a̱lyia̱ a̱ si̱ yong mi̱ chet di̱n jen nang á̱ mmak gu a̱ni, a̱gwai yet a̱si̱ nggu. Mat jen nang gu ngbang a̱lyia̱ a̱ si̱ swuo chet mak hu a̱ni, a̱ na san zang swuan sang sangba̱p ji nang A̱gwaza wu nyia̱ a̱li̱ka̱uli a̱ na nang a̱mgba̱m á̱niet ba̱ chat gu a̱ni.

Yakubu 1:12 Iomraidhean Croise

Matyu 10:22

Konyan na lak li nyin mat nang nyi ngyet á̱niet khwi nung a̱ni. A̱wot konyan wa gbang a̱lyia̱, a̱ si̱ yong mi̱ chet di̱n jen ya̱shuk si̱ nat sangba̱p swuan nggu ji a̱ni, nggu wa na shya̱ san hu.

Matyu 25:34

“A̱wot nung, ngyet A̱gwam wu a̱ni, n na nyia̱ ma̱ng á̱niet a̱zayak na nyia̱, ‘Nyi bai, nyin á̱niet nang A̱tyia̱ nung wu tyia̱ mba a̱li̱ba̱rka a̱ni, nyi san gado tyok hu nang A̱gwaza mi̱ njhyi a̱ sak nyin ndyo, neet di̱ mat swanta hu a̱ni.

Luka 6:22

A̱gwaza tyei nyin a̱li̱ba̱rka, nyin á̱niet nang á̱ lak li; á̱ si̱ bu khap nyin zan mami á̱niet; á̱ si̱ bu nyia̱ nyin lihyat; á̱ si̱ tyam nyin nang á̱ka̱tuk á̱niet a̱ni; mat nyi khwi nung, Nggwon A̱tyubishyi.

A̱romawa 5:4

A̱wot nang zi̱ mgbang a̱lyia̱ a̱ni, zi̱ mban ma̱ng a̱tan za̱kwa; ma a̱nia wa a̱tan za̱kwa wu na mban nzi̱t chet nang zi̱ na ntyia̱ fwuo nang A̱gwaza na nsan nzi̱t a̱ni.

A̱romawa 8:28

A̱wot zi̱ lyen nang A̱gwaza nnyia̱ ta̱m kuzang jen, da̱nian a̱ ka nyia̱ a̱tan nta̱m a̱ mbeang á̱niet ba̱ chat gu a̱ni. Bibya yet á̱niet nang gu khai cha̱chaat ma̱nang gu nda̱p a̱ sak a̱ni.

1 A̱korontiyawa 2:9

Ma a̱nia wa A̱lyiat A̱gwaza nang á̱ lyuut a̱ni nhyia̱, nyia̱, “Á̱ ka̱n di ma̱ng á̱ghyi bah, da̱ mba, á̱ ka̱n fa̱k ma̱ng a̱fufwuo bah; a̱wot a̱yin ka̱n dam mi̱ fwuo nggu hu kyang nang A̱gwaza jhyi a̱ sak da̱nian á̱niet ba̱ chat gu a̱ni bah.”

1 A̱korontiyawa 8:3

A̱wot a̱tyu a̱ chat A̱gwaza a̱ni, nggu wa nang A̱gwaza wu lyen.

1 A̱korontiyawa 9:25

A̱mgba̱m á̱niet tyong chung ba ni̱ gba á̱pyia̱ mba mi̱ kuzang kyang. Ba̱ ni̱ nyia̱ a̱nia da̱nian ba̱ ka shya̱ zang ji̱ na byian wa a̱ni. A̱wot nzi̱t, zi̱ tyong chung da̱nian zi̱ ka shya̱ zang sang sangba̱p ja.

2 Timoti 2:15

Kwan ba̱t a shya̱ a̱tsak shim da̱ a̱vwuo A̱gwaza, nang a̱tyu nta̱m a̱ nwai fwuong nsum ta̱m nggu hu a̱ni. A tyiet a̱tsak a̱lyiat A̱gwaza wu cha̱chaat.

2 Timoti 4:8

A̱wot ma̱ninika, á̱ sak zang á̱ nfwuong nung. Ji̱ yet a̱tsotswat nbung tyok nang A̱tyoli Yesu a̱ yet a̱tsotswat ma̱ng a̱tan a̱tyu nyia̱ shi̱ri̱ya wu a̱ni, bye nwuak nung a̱tuk nyia̱ shi̱ri̱ya ka a̱ni. A̱wot zang jini ji yet si̱ nung ja ma̱nyin nung bah. Ji̱ bu yet si̱ a̱mgba̱m á̱niet ba̱ swan mi̱ di̱dang á̱ fwuong bwuok nggu hu, da̱nian ba̱ ka li bai nggu hu a̱ni.

Ibriniyawa 10:32

Nyi nyia̱ a̱di̱dam tazwa jen ji ka̱n swak a̱ni, nang nyi ku nsan tyiet tazwa Kristi, a̱wot á̱ghyi nyin ba si̱ tat a̱ni. Nyi jhyung si̱sak ji nyi ku ngyong tsotswat, ku nang nyi ku nkwan ba̱t ma̱ng swuo a̱bung a̱ni.

Ibriniyawa 11:17

Mat nang Ibrahim nnwuak fwuo da̱ A̱gwaza a̱ni, a̱ si̱ neap Ishaku a̱ yet nggwon nggu ka nang za̱nang a̱ni da̱ a̱vwuo A̱gwaza, di̱n jen nang A̱gwaza ku mmak gu a̱ni. Ibrahim wa ku san a̱li̱ka̱uli nkwai nang A̱gwaza nyia̱ nggu ndyo a̱ni. A̱mgba̱m ma̱ng a̱nia, a̱ si̱ shim gu neap A̱gwaza nggwon nggu ka, nang gu byia̱ ma̱nyin ka a̱ni, ka̱ yet za̱nang,

Ibriniyawa 12:5

A̱wot nyi ka̱n bwung A̱lyiat A̱gwaza na̱ tyei nyin gba̱gbak nang mman A̱gwaza a̱ni a? Ma̱nang á̱ ndyuut a̱ni nyia̱, “Nggwon nung, myiai a̱fufwuo shansham, a fa̱k nyep A̱gwaza hu. A̱wot a yok nti̱n fwuo di̱n jen nang gu ntyiet ang a̱ni bah.

Ibriniyawa 6:15

Mat a̱nia, Ibrahim si̱ nyap fwuo, a̱ si̱ fwuong. A̱wot a̱ si̱ san kyang nang A̱gwaza nyia̱ a̱li̱ka̱uli a̱ na nang nggu a̱ni.

Yakubu 2:5

Nyin á̱niet khwi Yesu ba nang n chat a̱ni, nyi myiai a̱fufwuo nyi fa̱a̱k! A̱gwaza wu khai á̱kunak na mi̱ swanta huni, ba̱ yet á̱niet a̱tsak nzwa mat nwuak fwuo hwa da̱ nggu baa? Bibya yet á̱niet ba̱ na ya gado tyok nang A̱gwaza nyia̱ a̱li̱ka̱uli a̱ na nang á̱niet ba̱ chat gu a̱ni baa?

Yakubu 5:11

Á̱niet ba ba̱ ni̱ nyap fwuo, ba̱ gbang a̱lyia̱ mami swuo a̱bung a̱ni, zi̱ ni̱ dyep baa. Zi̱ nwuak ba a̱gba̱ndang shi. Kidee, nyi fa̱k nkhang Ayuba, a̱ ku nyap fwuo a̱ si̱ gbang a̱lyia̱ za̱m. Nyi si̱ bu li si̱sak ji nang A̱gwaza ku nnyia̱ nggu shok di̱ ngaan hu a̱ni. Mat A̱gwaza wu yet a̱tyu chat á̱niet ma̱ng fwuong kunak hwa gba̱mgbam.

1 Bitut 3:14

A̱mgba̱m ma̱ng a̱nia, ka̱ nyi na swuo a̱bung mat nyia̱ tsotswat, A̱gwaza na nwuak nyin zang da̱ nhu. Mat a̱nia, nyi yok nyia̱ a̱fi̱fa ku nyi fa̱k a̱wun á̱niet ba̱ tyei nyin a̱wun a̱ni bah.

1 Bitut 4:13

Da̱ a̱kwonu a̱kya, si̱ nyi gwai nang nyi nshya̱ dundung ma̱ng Yesu di̱ ya̱shuk huni a̱ni, da̱nian nyi si̱ ba̱ gwai ba̱t a̱tuk nang á̱ na ntyai a̱kyenkyai shi Yesu wu kpa̱sai di̱ bwuok bai nggu hu mi̱ swanta hu a̱ni.

1 Bitut 4:14

Nyi yet á̱niet a̱li̱ba̱rka bya ka̱ á̱ fwoi nyin da̱nian nyi yet á̱niet khwi Yesu. Mat ku tak nang a̱kyenkyai shi A̱za̱za̱rak Ntswa A̱gwaza wu nshya̱ dundung ma̱ng a̱nyin.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

1 Bitut 5:4

A̱wot mam hu nang á̱ na ntyai A̱tyu chok a̱ swak á̱kum á̱niet chok ka a̱ni, nyi na san bung tyok a̱kyenkyai shi ma̱ng chyin sang sangba̱p hu.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.

Tyai Á̱zanson 2:10

Nyi yok fa̱k a̱wun a̱bung nyi na swuo a̱ni bah. A̱ta̱nyeang ka na tyia̱ á̱ghyang nyin mi̱ jaru, da̱nian á̱ ka mak nyin. Nyi na bwuo mam swak nang nyi swuo a̱bung. A̱wot ka̱ nyi yong chi̱k di̱ nwuak a̱chuchuk nyin hu, ku nang á̱ hyaai nyin wa; n na nkup nyin bung tyok ji̱ yet zang nswuan a̱ni.

Tyai Á̱zanson 3:19

N ni̱ ntyiet, n bu gba á̱niet ba nang n chat wa a̱ni. Mat a̱nia, nyi kwan ba̱t nyi ghwon a̱ka̱tuk nyia̱ nyin wu, nyi khwi A̱gwaza!

Tyai Á̱zanson 3:21

A̱mgba̱m á̱niet ba̱ swuo chet swanta hu a̱ni, ba̱ na shya̱ a̱vwuo nswat tyok ma̱ng a̱nung; ma̱nang n ku nswuo chet swanta hu, n si̱ nswan ma̱ng A̱tyia̱ nung wu ma̱ a̱gba̱ndang chuk tyok nggu wu a̱ni!