Yakubu 1:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Jen nang mam ntat jenjai a̱ni, nkywat na ni̱ shyuk na̱ ta̱kut, shisham ji ji̱ tyak. A̱nia wa a̱tyu nzwa wu na khwu a̱ ghwon zwá ji nang gu swuo a̱bung a̱ tung da̱ a̱bwuang wu a̱ni.

Yakubu 1:11 Iomraidhean Croise

Matyu 13:6

A̱wot nang mam ntat jenjai a̱ni, yak hu si̱ shyuk ku si̱ khwu, mat á̱ni̱nan yak ba nwuo a̱byin shansham bah.

Matyu 20:12

Ba̱ si̱ nyia̱, ‘Á̱niet a kyiak ba ta̱m hu nngaan a̱ni, ba̱ nyia̱ mi̱ ta̱m awa a̱nyiung hwa. A̱wot a si̱ tan ba cha̱chaat ma̱ng a̱nzi̱t! Nzi̱t, zi̱ wa swuo a̱bung ma̱ng ta̱m neet a̱tsotson á̱ ba̱ nkai a̱jenjai mam wu a̱ni!’

Matyu 6:30

Ka̱ A̱gwaza tyei nkywat a̱ka̱kwon mi̱ nkyai a̱yit shisham, na̱ nshya̱ a̱fwun, a̱wot a̱tson á̱ wu tyia̱ na mi̱ ndong a̱ni, ku myim nyi lyen nang gu na nnwuak nyin a̱yaatoot za̱m. Yihwa mbyia̱ nang nyi nnwuak fwuo ma̱ a̱da̱dei da̱ A̱gwaza?

Ma̱rkut 4:6

A̱wot nang mam ntat jenjai a̱ni, yak hu si̱ shyuk, mat á̱ni̱nan ba nwuo a̱byin shansham bah.

1 A̱korontiyawa 7:31

Á̱niet ba̱ nyia̱ nta̱m da̱nian swanta huni a̱ni, ba̱ yok sak fwuo da̱ ná bah. Mat swanta huni ma̱nang zi̱ ndyen a̱ni, á̱ na labeang bah, ku na swak.

1 Bitut 1:4

A̱wot zi̱ si̱ shya̱ a̱wat zi̱ ya gado nang á̱ sak nzi̱t ndyo Ma A̱gwaza tswazwa ku nwai byian ma̱ng tyiak, a̱wot ku si̱ yet a̱za̱za̱rak a̱ni.

1 Bitut 5:4

A̱wot mam hu nang á̱ na ntyai A̱tyu chok a̱ swak á̱kum á̱niet chok ka a̱ni, nyi na san bung tyok a̱kyenkyai shi ma̱ng chyin sang sangba̱p hu.