Yakubu 1:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Ma a̱nia wa, a̱tyu nzwa wu na ntam nang A̱gwaza nghyuai a̱vwuo yong nggu ka a̱ni. Mat a̱tyu nzwa wu na shyuk nang nkywat a̱kwon a̱ni.

Yakubu 1:10 Iomraidhean Croise

Matyu 5:3

“A̱gwaza tyei a̱li̱ba̱rka da̱ á̱niet, ba̱ li lat mba hu da̱ a̱vwuo nggu a̱ni. Mat ba̱ yet mman Tyok Ma A̱gwaza tswazwa nia.

Matyu 6:30

Ka̱ A̱gwaza tyei nkywat a̱ka̱kwon mi̱ nkyai a̱yit shisham, na̱ nshya̱ a̱fwun, a̱wot a̱tson á̱ wu tyia̱ na mi̱ ndong a̱ni, ku myim nyi lyen nang gu na nnwuak nyin a̱yaatoot za̱m. Yihwa mbyia̱ nang nyi nnwuak fwuo ma̱ a̱da̱dei da̱ A̱gwaza?

1 A̱korontiyawa 7:31

Á̱niet ba̱ nyia̱ nta̱m da̱nian swanta huni a̱ni, ba̱ yok sak fwuo da̱ ná bah. Mat swanta huni ma̱nang zi̱ ndyen a̱ni, á̱ na labeang bah, ku na swak.

A̱filibiyawa 3:8

A̱tsak a̱lyiat, n kyiak kuzang kyang nang n dyin a̱ni, ku yet a̱buk kyang wa; ka̱ n tyan nhu ma̱ng a̱gba̱ndang kpangti̱n nang n shya̱ di̱ lyen Yesu Kristi, A̱tyoli nung wu a̱ni. Da̱nian khwi Kristi hwa, nang n ji̱p kuzang kyang. N si̱ kyiak kuzang kyang nang a̱tong a̱ni, da̱nian n ka nkhwi Kristi mi̱ swat nung hu,

1 Timoti 6:17

Kam á̱niet ba̱ yet á̱niet nzwá mi̱ swanta hu a̱ni, ba̱ yok gba̱p a̱pyia̱, ba̱ yok tyia̱ nfwuo mba na di̱ zwá ji̱ tyiai a̱ni bah. Da̱ a̱kwonu a̱kya, ba̱ tyia̱ nfwuo mba na da̱ A̱gwaza wa; a̱tyu a̱ nwuat zi̱t kuzang tangka̱i kyang kuzang jen mi̱ fwuo nyiung nang zi̱ na nfwuong nyinyang a̱ni.

Yakubu 4:14

Nyi na nyia̱ ni nyi ndyen si̱sak nang swuan nyin ji wu ndi a̱tson a̱ni? Swuan nyin ji li nang zwu, ji̱ ni̱ kwa a̱tsotson a̱ni. Ji̱ ni̱ kwa da̱ a̱bada̱dei njen, a̱wot ka̱ á̱ labeang bah, ji̱ tyak.

1 Bitut 1:24

Nang A̱lyiat A̱gwaza na nhyia̱ a̱ni, nyia̱ “Á̱nietbishyi li nang a̱shyim á̱kwop a̱ni. A̱wot shisham mba ji li nang shisham nkywat a̱ka̱kwon a̱ni. Á̱kwop ba ni̱ shyuk. A̱wot nkywat a̱ka̱kwon na na̱ ta̱kut.

1 Yoona 2:17

A̱wot swanta hu ma̱ng a̱mgba̱m shyuo nvam ji na tyak. A̱wot konyan wa nyia̱ kyang nang A̱gwaza chat a̱ni, a̱ na swuan ba̱ng si̱ nat sang sangba̱p.