Yakubu 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

Yakubu 1:1 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 13:55

A̱wot ba̱ si̱ mai Yesu mai lihyat. Ba̱ si̱ nyia̱, “Nggu wa yet nggwon a̱tyu shap nkyang ka baa? A̱yang nggu wa á̱ ngyei Ma̱ryamu wu baa? A̱wot á̱na̱nyiuk á̱sam nggu ba, bibya yet Yakubu, Yosi, Siman ma̱ng Yahuda baa?

Matyu 19:28

Yesu si̱ nwuak ba shim nyia̱, “N tak nyin a̱tsak a̱lyiat, mi̱ che chobai hu, nang Nggwon A̱tyubishyi na nswan da̱ a̱gba̱ndang chuk tyok nka hu a̱ni; nyin meang nyi khwi nung a̱ni, nyi na swan da̱ a̱cha̱chet nchuk ntyok swak ma̱ a̱feang, nyi nyia̱ tyok dundung ma̱ng a̱nung tazwa kwai swak ma̱ a̱feang Isi̱rela ji.

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Luka 22:30

Da̱nian nyi ka swan ma̱ng a̱nung zi̱ ya tsa nswuo mi̱ Tyok nung hu. A̱wot nyi na swan da̱ a̱cha̱chet chuchuk tyok, nyi ya tyok tazwa kwaí swak ma̱ a̱feang Isi̱rela ji.”

Luka 6:15

Matyu, Toma, Yakubu (a̱fai A̱lfayat), Siman (nang á̱ ngyei Za̱loti a̱ni),

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 7:35

A̱jawa a̱cha̱chet A̱yahudawa ba si̱ nyia̱ ma̱ng á̱ghyang mba a̱ni, “A̱ji wa nang gu nnaat da̱nang zi̱ si̱ mi̱n shya̱ nggu bah? Ke a̱ naat da̱ a̱vwuo A̱yahudawa ba̱ seang á̱ kai nnwap na̱ nwai yet A̱yahudawa ba a̱ni; gu ka tyiet mba wa kee? Shimba a̱ na tyiet A̱helenawa mameang!

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.

Nta̱m A̱yaata̱m 12:17

Bitut si̱ lyiat ma̱ng a̱mba ma̱ng bwak, nyia̱ ba̱ tyia̱ nywang. A̱wot a̱ si̱ ya a̱son ma̱ng shei mba si̱sak nang A̱gwaza nti̱n nggu a̱ ghwut ndyo mi̱ jaru ji a̱ni. A̱ si̱ nyia̱, “Nyi tak ma̱ng Yakubu ma̱ng á̱kum á̱niet khwi ka kyang ku bai a̱ni.” A̱wot Bitut si̱ swak a̱ nat a̱vwuo a̱ghyang.

Nta̱m A̱yaata̱m 15:13

Nang ba̱ ndyiat á̱ tyak a̱ni, a̱jawa Yakubu si̱ doot a̱ yong. A̱ si̱ nyia̱, “Á̱na̱nyiuk, nyi myiai a̱fufwuo nyi fa̱k nung.

Nta̱m A̱yaata̱m 15:21

“Mat doká Musa jini á̱ ka̱ nshei nji ma̱ á̱tutu a̱tung A̱yahudawa ba, kuzang a̱tuk Mam Fwung, mi̱ kuzang a̱keang, si̱ nat nche ma̱ a̱di̱di̱t.”

Nta̱m A̱yaata̱m 15:23

Wusika nang á̱ ku ta̱m ndyo a̱ni jija ji: Nzi̱t a̱yaata̱m Yesu ma̱ng a̱yaakwak a̱son á̱niet khwi ba, zi̱ yet á̱na̱nyiuk nyin mi̱ Urusha̱lima a̱ni. Zi̱ lyuut wusika jini naat ndyo da̱ a̱vwuo a̱mgba̱m nyin á̱niet khwi, nyi yet Nnwap na̱ nwai yet A̱yahudawa a̱ni; nyi shya̱ a̱keang Antakiya, ma̱ng nfam bibyin Suriya ma̱ng Kilikiya a̱ni. Zi̱ byiat nyin!

Nta̱m A̱yaata̱m 2:5

Di̱n jen a̱ja nang A̱yahudawa ma̱ a̱di̱di̱t ba̱ yet á̱niet fwuong a̱wun A̱gwaza, á̱ swan mi̱ Urusha̱lima a̱ni, ba̱ ku neet mi̱ kuzang a̱byin mi̱ swanta hu.

Nta̱m A̱yaata̱m 21:18

A̱tuk mam feang ka, Bulut si̱ doot ndung ma̱ng a̱nzi̱t a̱ nat byiat Yakubu, nang a̱mgba̱m a̱yaakwak a̱son sot á̱niet khwi Urusha̱lima ba shya̱ a̱ja.

Nta̱m A̱yaata̱m 23:26

“Wusika jini neet da̱ a̱vwuo Ka̱la̱udiyat Lisiyat, naat da̱ a̱vwuo a̱gba̱ndang A̱gwam Filikut: Shyichet ang ku labeang!

Nta̱m A̱yaata̱m 26:7

A̱tsak a̱lyiat, a̱li̱ka̱uli wuni wa mbyia̱ nang kwaí swak mi̱ sweang Isi̱rela ji ku mbyia̱ di̱dang ba̱t, ba̱ kwan ba̱ kwok A̱gwaza ntong a̱ta̱mam ma̱ng a̱tyetuk. A̱wot ba̱ si̱ byia̱ tangka̱i tyia̱ fwuo huni cha̱chaat ma̱ng a̱nung. A̱mgba̱m ma̱ng a̱nia, a̱gwam, swuan ang ji labeang, A̱yahudawa ba bat nung a̱hyiak mat tyia̱ fwuo huni!

Nta̱m A̱yaata̱m 8:1

A̱wot Sha̱wulu ku yet a̱tyo nyiung ma̱ á̱niet ba̱ li si̱sak nang á̱ nhyat Itifanut a̱ni. A̱wot a̱ si̱ shim a̱ si̱ li̱n a̱ma kyang nang á̱ nyia̱ a̱ni. A̱tuk a̱kya, á̱ si̱ nwuo ya̱shuk á̱niet khwi ba ba̱t mi̱ Urusha̱lima. A̱wot a̱mgba̱m á̱niet khwi ba, á̱ si̱ seang mbaa á̱ kai nfam bibyin Yahudiya ma̱ng Sa̱mariya. Ma̱ a̱yaata̱m Yesu bibya á̱ ku ghwon.

A̱romawa 1:1

Nung Bulut, a̱khwo Kristi Yesu, nang A̱gwaza khai n gyet a̱ta̱m, a̱wot a̱ si̱ ta̱m nung n shei A̱sham Nkhang ka a̱ni, nung gwa dyuut nyin wusika jini.

A̱ga̱la̱tiyawa 1:19

A̱wot ma̱ a̱ta̱m Yesu nang n ku myim ma̱ng a̱nggu a̱ja a̱ni, nggu wa ku yet Yakubu a̱na̱nyiuk Yesu A̱tyoli nzi̱t wu.

A̱ga̱la̱tiyawa 2:12

Jen nang Bitut ntsa bai Antakiya a̱ni, a̱ si̱ ya kyayak ma̱ng á̱niet khwi á̱ghyang ba̱ yet Nnwap na̱ nwai yet A̱yahudawa nang á̱ ka̱n nwai tyia̱ mba mi̱ chen a̱ni. A̱wot á̱ si̱ labeang bah, nang á̱kpa̱ndang Yakubu á̱ghyang ba̱ yet A̱yahudawa mbai a̱ni, Bitut si̱ kin dak ya a̱son ma̱ng ya nkyayak na ndung ma̱ng á̱niet khwi ba̱ yet Nnwap na̱ nwai yet A̱yahudawa a̱nia a̱ni. Mat Bitut ku fa̱k a̱wun sot A̱yahudawa ba̱ yong nyia̱ ku yet ta hwa á̱ tyei á̱niet khwi ba̱ yet Nnwap na̱ nwai yet A̱yahudawa a̱ni mi̱ chen.

A̱ga̱la̱tiyawa 2:9

A̱tsak a̱lyiat, Yakubu, Bitut ma̱ng Yoona, a̱yaata̱m Yesu ba, bibya nang á̱ ku kyiak nang a̱cha̱chet a̱yaakwak a̱son sot á̱niet khwi ji a̱ni; ba̱ si̱ fi̱k nang A̱gwaza wa, mat shok nggu ji, nnang nung za̱nang chet shei A̱sham Nkhang ji. Mat a̱nia, ba̱ si̱ swuo bwak ma̱ng a̱nung mbeang Ba̱nabat, ku tak nang ba̱ nsan nzi̱t, zi̱ yet á̱kpa̱ndang ta̱m mba. Ba̱ si̱ tyia̱ nzi̱t gba̱gbak, zi̱ ka ya a̱son mi̱ shei A̱sham Nkhang ka da̱ a̱vwuo Nnwap na̱ nwai yet A̱yahudawa a̱ni. Mba meang, ba̱ si̱ shim ba̱ nat da̱ a̱vwuo A̱yahudawa ba ba̱ ya a̱son mi̱ shei mba A̱sham Nkhang ka.

A̱filibiyawa 1:1

Nung Bulut, nung gwa n dyuut nyin wusika jini, n shya̱ ndung ma̱ng Timoti, zi̱ yet á̱khwo Kristi Yesu a̱ni. N dyuut wusika jini da̱nian n ka byiat a̱mgba̱m a̱za̱za̱rak sot á̱niet khwi A̱gwaza ba, ba̱ shya̱ ma̱ a̱keang Filibi, ba̱ mun á̱pyia̱ ma̱ng Kristi Yesu a̱ni; ma̱ng a̱yaakwak a̱son á̱niet khwi ba, mbeang á̱niet ba̱ beang nta̱m sot á̱niet khwi na a̱ni.

2 Timoti 4:21

Kwan ba̱t a li nang a bai á̱ sii du nwuo a̱kwa̱i ka. Yubulut ma̱ng Fudet, Lainut, Ka̱la̱udiya mbeang a̱mgba̱m á̱kum á̱niet khwi ka, ba̱ mun á̱ byat ang.

Titut 1:1

Nung Bulut n gyet a̱khwo A̱gwaza ma̱ng a̱ta̱m Yesu Kristi a̱ni, da̱nian n ka ntyia̱ á̱niet khwi ba nang A̱gwaza khai a̱ni gba̱gbak, ba̱ ka mbeang lyen a̱chuchuk, da̱nian ba̱ ka swan tangka̱i swat ku myim A̱gwaza a̱ni.

1 Bitut 1:1

Nung Bitut, n gyet a̱ta̱m Yesu Kristi a̱ni, nung gwa n dyuut wusika jini, ji̱ nat da̱ a̱vwuo á̱niet khwi nang A̱gwaza khai ba̱ swan nang á̱nietchen a̱ni, mi̱ nfam bibyin Funtut, Ga̱la̱tiya, Ka̱fa̱dokiya, A̱siya, ma̱ng Bitiniya.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Tyai Á̱zanson 7:4

N si̱ nfa̱k a̱mgba̱m á̱kpa á̱niet khwi, nang á̱ chak ba zwunzwuo A̱gwaza ji a̱ni. Ba̱ tat chyikwop chyi ma̱ng chyikwop swak naai ma̱ a̱naai (144,000)! Ba̱ neet mi̱ a̱mgba̱m kwaí swak ma̱ a̱feang Isi̱rela ji.