Yahuda 1:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Ma a̱nia wa, á̱niet tyiet a̱ka̱laa bani, ba̱ ni̱ nyia̱ ba̱ byia̱ tyok nang ba̱ nwuan ma̱ a̱laat mba na a̱ni. A̱wot ba̱ ni̱ nyia̱ a̱shi̱shi̱k nyia̱. Ba̱ si̱ lak Tyok A̱gwaza hu. Ba̱ si̱ bu jhyuai tyok a̱yaata̱m tswá A̱gwaza ba.

Yahuda 1:8 Iomraidhean Croise

Luka 11:25

Mat a̱nia, ka̱ a̱ka̱tuk ntswa wu bwuok, a̱ si̱ shya̱ nang vam a̱tyu a̱hwa li nang a̱li ka ka̱ swan gang, nang á̱ lyang á̱ si̱ shok a̱ni;

Luka 12:11

“A̱wot jen nang á̱ na nnat ma̱ng a̱nyin á̱ nyia̱ nyin shi̱ri̱ya mi̱ á̱tutu a̱tung A̱yahudawa, ma̱ng a̱zaghyi á̱gwam ma̱ng ntyok njhyang a̱ni; nyi yok dam si̱sak ji nyi na nnwuak shim ku ta̱fwat nang nyi na hyia̱ a̱ni bah.

Luka 19:14

A̱wot á̱niet a̱byin nggwon a̱bya si̱ lak li nkaa. Ba̱ si̱ ta̱m a̱yaata̱m ba̱ khwi nka da̱ bang, ba̱ si̱ hyia̱ ma̱ng a̱gba̱ndang a̱gwam shan wu nyia̱, ‘Zi̱ chat nggwon kani ka̱ ba̱ yet a̱gba̱ndang a̱gwam shan nzi̱t wu bah.’

Nta̱m A̱yaata̱m 23:5

A̱jawa Bulut si̱ nyia̱, “A̱ya, á̱na̱nyiuk, n dyen ka̱ a̱ yet a̱gba̱ndang pris wa bah! Mat á̱ lyuut mami A̱lyiat A̱gwaza na nyia̱, ‘Yok lyiat a̱ka̱tuk tazwa a̱tyu a̱ yet a̱gwam ang a̱ni bah.’ ”

Nta̱m A̱yaata̱m 7:27

“A̱jawa nang a̱tyu a̱ nyia̱ a̱tyo nyiung a̱ka̱kpa̱t na a̱ni, si̱ yuut Musa a̱ ta zan. A̱ si̱ nyia̱, ‘A̱nyan wa kup ang tyok ma̱ng yet a̱tyu nyia̱ shi̱ri̱ya tazwa nzi̱t?

Nta̱m A̱yaata̱m 7:39

“A̱wot a̱yaatyia̱ a̱khwop nzi̱t ba si̱ lak khwi á̱lyiat Musa na. Da̱ a̱kwonu a̱kya, ba̱ si̱ lak gu. A̱wot ba̱ si̱ chat ba̱ bwuok á̱ nat Ma̱sa̱r.

1 A̱korontiyawa 3:17

Mat a̱nia, ka̱ a̱yin bi̱ri̱m A̱li Nwuat Za̱nang A̱gwaza ka, A̱gwaza meang na bi̱ri̱m ngguu. Mat A̱li Nwuat Za̱nang A̱gwaza ka yet a̱za̱za̱rak wa. A̱wot nyin bya yet A̱li Nwuat Za̱nang A̱gwaza ka.

1 A̱ta̱solonikawa 4:8

Mat a̱nia, a̱tyu a̱ lak tyiet huni a̱ni, a̱ lak khwi tyiet a̱tyubishyi hwa bah. A̱gwaza a̱ nang nyin A̱za̱za̱rak Ntswa nggu wu a̱ni, nggu wa nang gu lak.

1 Timoti 1:10

Á̱ kpaat doka ji da̱nian á̱niet katnaan, ma̱ng á̱niet nyia̱ shi̱shi̱k nyia̱, á̱tyok ba̱ khwat ma̱ng á̱tyok, ku á̱nyiuk ba̱ khwat ma̱ng á̱nyiuk, ma̱ng á̱niet nyiin á̱niet ba̱ lyiai mba di̱ khwo, á̱niet bwoi a̱ka̱laa, á̱niet ba̱ shyi shyishyi nyia̱ ba̱ na hyia̱ a̱tsak a̱lyiat a̱wot ba̱ si̱ tyat jii, ma̱ng a̱mgba̱m á̱niet ba̱ nyia̱ fi̱p ma̱ng a̱tsatsak tyiet wu a̱ni.

Ibriniyawa 13:17

Nyi khwi a̱lyiat á̱niet ba̱ yet a̱yaakwak a̱son nyin ba̱ a̱ni. A̱wot nyi nwuak pyipyia̱ nyin mbwak tyok mba hu. Ta̱m mba huhwa yet; ba̱ chok swuan nyin ji. A̱wot ba̱ na fang kuzang nkyang nang ba̱ nyia̱ a̱ni a̱zaghyi A̱gwaza. Ki̱ nyi khwi a̱lyiat a̱yaakwak a̱son nyin na, ba̱ na nyia̱ nta̱m mba na ma̱ng fwuo sai, kalak ba̱ nyia̱ nta̱m na ma̱ng fwuo byian. Si̱ a̱hwa si̱ mi̱n beang nyin bah.

1 Bitut 2:17

Nyi chyin konyan. A̱wot nyi chat á̱na̱nyiuk nyin ba, ba̱ yet á̱niet khwi a̱ni. Nyi fa̱k a̱wun A̱gwaza. A̱wot nyi nwuak a̱gwam shi.