Yahuda 1:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Ma a̱nia wa, nyi bu jhyung kidee á̱niet Sodom ma̱ng Goma̱ra ma̱ng á̱niet a̱ka̱keang ba, ba̱ ku hyia̱k ba a̱ni. Ba̱ ku nyia̱ a̱shi̱shi̱k nyia̱ á̱ nchi̱ri̱ng. A̱wot á̱tyok ku khwat ma̱ng á̱tyok nang á̱nyiuk a̱ni. Mat a̱nia A̱gwaza si̱ hyaai á̱niet ma̱ a̱ka̱keang a̱bya ma̱ng long. A̱wot si̱ huni yet kidee shi̱ri̱ya A̱gwaza ji. Ji̱ na gba zi̱t di̱ swuo a̱bung mi̱ a̱nga̱ngak ndong sang sangba̱p hu a̱ni.

Yahuda 1:7 Iomraidhean Croise

Matyu 10:15

N tak nyin a̱tsak a̱lyiat, a̱tuk mam shi̱ri̱ya A̱gwaza ka, a̱bung nang á̱niet ma̱ a̱keang a̱bya na swuo a̱ni, na swak a̱bung nang a̱ka̱tuk a̱ka̱keang Sodom ma̱ng Goma̱ra ku swuo a̱ni za̱m.”

Matyu 11:24

N tak ma̱ng a̱nyin, a̱tuk mam shi̱ri̱ya A̱gwaza ka, a̱bung nang Sodom na swuo a̱ni, ka̱ na yet a̱hyohyoot a̱ swak a̱si̱ nyin ka!”

Matyu 25:41

“A̱wot nung, A̱gwam wu a̱tuk a̱kya, n na mbwuak n nyia̱ ma̱ng á̱niet ba ba̱ shya̱ a̱zamyian nung ka a̱ni, ‘Nyi tyong nyi ghwon nung, nyin á̱niet nang á̱ shyi a̱ni. Nyi nwuo ma̱ a̱nga̱ngak ndong sang sangba̱p hu, nang á̱ jhyi á̱ sak A̱ta̱nyeang ka ndyo ma̱ng á̱ka̱tuk a̱yaata̱m tswá nggu ba a̱ni.

Luka 17:29

ba̱ng si̱ nat mam nang Lutu nghwut a̱ si̱ ghwon Sodom a̱ni. A̱jawa A̱gwaza si̱ kin tyia̱ a̱nga̱ngak ndong si̱ chyok mbeang a̱chi̱chan ndong nang taan a̱ni, neet mi̱ kyai tswazwa, ku si̱ ba̱ hyaai mba a̱mgba̱m!

1 A̱korontiyawa 6:9

Nyi lyen da̱nang á̱ka̱tuk á̱niet na nshya̱ gado mi̱ Tyok A̱gwaza hu bah, ka̱ni? Nyi yok laai pyipyia̱ nyin bah: Á̱niet ba̱ nyia̱ a̱shi̱shi̱k nyia̱ a̱ni; ku á̱niet khwi nghwughwu a̱yaagwaza sang swuan; ku á̱niet katnaan; ku á̱tyok ba̱ lyiai pyipyia̱ mba nang khám a̱ni da̱ a̱vwuo á̱tyok á̱ghyang; ku á̱tyok ba khwat ma̱ng á̱tyok mbeang á̱nyiuk ba̱ khwat ma̱ng á̱nyiuk a̱ni;

2 A̱ta̱solonikawa 1:7

A̱wot nyin á̱niet ba nang á̱ ya̱fa̱k nyin di̱ yong huni a̱ni, A̱gwaza na nang nyin ma̱ng a̱nzi̱t a̱vwuo fwung di̱n jen nang A̱tyoli nzi̱t wu Yesu bye mbwuok neet Ma A̱gwaza tswazwa, gu ka tyai a̱pyia̱ nggu kpa̱sai a̱ni. A̱ na bwuok a̱ bai ma̱ng a̱cha̱chet a̱yaata̱m tswá A̱gwaza mami a̱gba̱ndang a̱lya̱ra̱p ndong, ka̱ na tak chet nggu hu a̱ni.

2 A̱ta̱solonikawa 1:8

Di̱n jen bwuok bai nggu ji, á̱niet ba ba̱ lak lyen nggu hu a̱ni, ma̱ng á̱si̱ ba ba̱ lak khwi A̱sham Nkhang A̱tyoli Yesu nzi̱t ka a̱ni, A̱gwaza na nyia̱ mba shi̱ri̱ya.

2 Bitut 2:2

Á̱ghyang á̱niet ma̱ a̱di̱di̱t na khwi a̱ka̱tuk tyiet mba wu ma̱ng a̱shi̱shi̱k nyia̱ sang nsum mba wu nang a̱ka̱la̱m a̱ni. Á̱niet tyiet a̱ka̱laa a̱bya, na tyia̱ á̱niet nwai khwi Yesu ba̱ lyiat a̱ka̱tuk a̱lyiat tazwa vak a̱chuchuk hu.

2 Bitut 2:6

Nang si̱ a̱hwa nswak a̱ni, A̱gwaza ku mun a̱ faat shi̱ri̱ya a̱khwu tazwa á̱niet Sodom ma̱ng Goma̱ra. A̱ si̱ fwui mba ma̱ng long. Ba̱ si̱ tyia̱ ntong. A̱gwaza ku nyia̱ mba a̱nia, ba̱ ka yet kidee shi̱ri̱ya ji̱ na shya̱ á̱niet ba̱ lak khwi a̱lyiat A̱gwaza na a̱ni.

2 Bitut 3:7

A̱wot ma a̱nia wa, ma̱ng swang a̱lyiat a̱bwonu nggu ja nang á̱ sak kyai tswazwa ma̱ng a̱byin ma̱ninika, ba̱ swan á̱ fwuong long A̱gwaza hu. Á̱ sak ba á̱ fwuong a̱tuk mam shi̱ri̱ya ka, nang á̱ na ntyak ma̱ng á̱niet ba ba̱ nwai khwi A̱gwaza wu a̱ni.